Wt/pms/andé
Piemontèis: andé[edit | edit source]
Verb intransitiv[edit | edit source]
- Spostesse da 'n pòst a n'àutr.
- Manere ëd dì: A longh andé: dòp tant temp. Al pi andé: pi lest che an pressa. Andé a caghesse a còl, andé a catesse na mòla, andé a catesse un cassul, andé a fesse ampiumé, andé a fesse scrive, andé al diav, andé a luv ch'a pupa, andé an Calcuta, andé an malora, andé an Paludria neuva, andé an Parpaja, andé an sla beata, andé an sla forca, andé a piess-lo ant la giaca: manere ëd dì për maledì cheidun. Andé andoa le gambe a pòrto: virolé sensa un but. Andé andoa nì papa nì re a peulo mandé l'ambassador: artiresse al cess. Andé a onge: marcé a pe. Andé coma ël làder a la forca: esse bin cobià. Andé coma ij beu a la melia: andé anans con pressa e sensa fé atension. Andé coma na barca ant un bòsch: esse mal butà. Andé dël cul, andé ëd baraca: fé faliment. Andé 'd val an corbela: sauté da n'argoment a n'àutr an na conversassion. Andé ëd ghinda, andé ëd garela: marcé coma 'n cioch. Andé ëd longh: tiré drit sensa fërmesse. Andé fòra dij feuj: anrabiesse, perde la passiensa. Andé për la stra dël cher: fé coma a fan j'àutri. Andé sle croste dj'àutri: vive a spèise dj'àutri. Andé su: andé al podèj. A pes andé: Ant la pes dle situassion. A va ch'a brusa: a va an pressa. Esse bele andàit: avèj pì gnun-e speranse. Fela andé: contentesse; sgheiré dij sòld. I vad con ti: it compagno. Lassé andé: lassé perde. Lassesse andé: chité ëd soagnesse. Sossì a va nen a mè meud: sòn am pias nen. Va che ti va: as dis për conté na longa marcia.
- An d'àutre lenghe: anglèis: go; fransèis: aller; italian: andare; latin: ire.
- 2. Essie damanca.
- An d'àutre lenghe: angèis: need; fransèis: falloir.
- 3. Caghé.
- 4. Esse vendù a 'n dàit pressi.
- An d'àutre lenghe: anglèis: cost; fransèis: coûter; italian: costare.
- 5. Avèj për spiegassion.
- 6. Piasèj
- Manere ëd dì: Sossì am va nen: sòn am pias pa.
- An d'àutre lenghe: italian: andare.
- 7. Sté për meuire.
- 8. Fé andé: parié.
- Manere ëd dì: Va sòn: i pario sòn. Va tut ël rest: i pario tut lòn ch'a resta.
- 9. Fé andé: fé cheuse.
- 10. Fé andé: gestì.
Sorgiss[edit | edit source]
Bré, Gribàud