Wt/lus/-a

-a

Laichin thuhnungbette

• -ah
• -a'n
• -va

Hriat tùr

-a tih hi u, o leh h dawtah chuan -va tia thlâk theih leh thlâk ţhin a ni.

Thuhnungbet

1. hmanraw sawina thuhnungbet.

   ...tubohva deng mam mi chuan... (Isaia 41:7)

   Lunga min den hlum hial pawh an duh awm hi. (Exodus 17:4)

2. thil tih hun tùr, thil thlen hun tùr ladt. sawi chianna atan thu tawpah behtir a ni ţhin; hun sawina thuhnungbet -ah tihdanglam a ni.

   Naktuka ka zawh hman loh chuan a pawi khawp ang.

   Kum 1994-a thil thleng a ni.

3. hmun sawina thuhnungbet; -ah tihdanglam a ni.

   Isua kha Nazareta piang a ni.

4. thil sanzawng, chakzawng, seizawng ladt. sawina thuhnungbet.

   Kan veng mual chu hlam zaa sei, hlam sawmthuma zau a ni.

   Na taka i vuak loh chuan a keh zo lo vang.

5. thil nihphung sawina thuhnungbet.

   • Thlaphang thawm ka hria, hlauva au thawm,

   Muanna ni lovin. (Jeremia 30:5)

   • I tui chu manganga khur chungin in rawh. (Ezek 12:18)

6. Mizo mipa hming tàwpna.

   Lalkhuma.

7. mipa hming hrim hrim Mizo ţawnga ziaha tawptirna

   Isua, Ezekiela.

Lehlinnate

hmanraw sawina thuhnungbet

Sâp ţawngin: with Ferên ţawngin: avec Zerman ţawngin: mit

hun sawina thuhnungbet

Sâp ţawngin: at, on, in Ferên ţawngin: à Zerman ţawngin: um

hmun sawina thuhnungbet

Sâp ţawngin: at, in, on Ferên ţawngin: à, sur Zerman ţawngin: in, auf

nihphung sawina thuhnungbet

Sâp ţawngin: with, in Ferên ţawngin: avec, à cause de, en Zerman ţawngin: mit, bei