Wt/kaa/Sandıraqlaw

Qaraqalpaqsha (kaa)

Morfologiyalıq hám sintaksislik qásiyetleri

feyil, san-dı-raq-law

Leksikalıq mánileri

1. Esin bilmey jónsiz, mánissiz sóylew. • Sandıraqlap bir awızdı tıymadıń, Óz peylińnen qarap boldıń porqanlıq (S. Nurımbetov). • Kózi jumılıwlı, kókiregi sergek, Jatır sandıraqlap jas sulıw dúzde, «Súyiklim, kewlindi tek maǵan ber» dep, Sál ǵaybana dawıs túsedi izge (I. Yusupov). • Mine, sonda, Esengeldi shıdamay, Irısqul biyge usılayınsha sandıraqlaǵan edi (T. Qayıpbergenov).
2. Uyqıda jatırǵan adamnıń sóyleniwi, uyqısırawı. • Tatlı azap tartıp júdedim azıp, Pútkil dúnya bos qalǵanday qulazıp, Túsimde kóp sandıraqlar ekenmen, Júrdim dápter tolı qosıqlar jazıp (I. Yusupov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.