Wt/kaa/Figura

Qaraqalpaqsha (kaa)

Morfologiyalıq hám sintaksislik qásiyetleri

atlıq, fi-gu-ra

Leksikalıq mánileri

1. Gewdeniń dúzilisi, qáddi-boyı, pishimi, sın, sımbatı.
2. (awıspalı) Belgili bir nárseniń tiykarı, jetekshi obraz, belgili adam, ǵayratker kisi. • Qaraqalpaq ádebiyatı tariyxında ádebiyatqa úles qosqan figuranıń biri Seyfulǵabit Májitov bolıp esaplanadı (Á. Paxratdinov). • Ájiniyaz Qosıbay ulı qaraqalpaqlardıń XIX ásirdegi shayırlarınıń ishinde eń úlken figuraǵa iye (Q. Ayımbetov).
3. (sport) Shaxmat oyınındaǵı at, korol, pil hám t.b.
4. (ádebiyat) Sóylegende awıspalı mánide qollanılatuǵın sózler. • Ritorikalık figura.
5. (sport) Gimnastika hám usı sıyaqılardaǵı forma, kórinis, túrli qozǵalıs jasaw.
6. (kórkem óner) Adamnıń yamasa xaywanlardıń súwreti.
7. (aviaciya) Samolyottıń hawada túrli formada ushıwı.
8. (karta) Karta oyınındaǵı gúldáste, nayza h.t.b.

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.