Wt/azb/یئرده اوتدو
یئرده اوتدو
[edit | edit source]
آنا آنلاتیم
- اوچ قاریش بویوندا چمبر (دایره) شکلینده بیر جیز چکیلیر. اویونچولار جیزین قیراغیندا اوتورا‌راق هر بیری بیر یا ایکی هنه قوشورلار. بیر اویونچو قوشولان هنه‌لری گؤیه آتیر، هنه‌لر جیزین ایچینه سپه‌لنیر. آشیقلارین بیر دنه‌سیندن آرتیق شک دورانی اولسا و یا هئچ شک دوران اولماسا و ییخیلمیش آشیقلاردا جیک یا بؤک دوشن نئچه آشیق اولسا، آشیقلاری ییغیب آیریدان گؤیه آتیرلار تا آشیقلارین بیری شک دورا یا بیری بؤک یا جیک اولا، یعنی او بیری آشیقلاردان فرقلی شکیلده دوشه. اوندا بو آشیق کیمین اولارسا، دئییرلر اونون ماتیدیر. ماتی دوشن آشیقچی‌نین، آشیغی تووخان دوروبسا، بؤک آشیقلاری، و آوچی دوروبسا جیک آشیقلاری توتور و اونلاری شک دوران آشیق ییه‌سی اودور.سونرا ماتی دوشن آشیق ییه‌سی، آشیغینی ایسته‌دیگی کیمی یاتیردیب، چیرتما واسیطه‌سی ایله اؤز آشیغینی آیری آشیغا توشلاییب وورما‌لیدیر و بئله‌لیکله او آشیغی جیزدان چیخارما‌لیدیر. اما اؤز آشیغی جیزدان چیخارسا اؤز هنه‌سینی اودوزار و سیرا آشیغی توشلانان اویونچویا کئچر. اگر جیزین ایچینده بیر آشیغی توشلادی و آشیغی اونا دَیمه‌دی سیرا آشیغی توشلانان اویونچونون اولور. بئله‌لیکله اویون آشیقلار قوتارینجا داوام ائدیر.
آنلام‌لار
- yerdə otdu.
قایناق‌لار
- milmugan.blogfa.com