Wt/azb/لال اویونو
لال اویونو[edit | edit source]
آنا آنلاتیم
- بو اویونو بؤیوکلر ده اویناردیلار. اونون علمی آدی پانتومیمدی. هاممی دؤره‌دن دوزولوب اوتوراردی. بیر نفر ذهنینده بیر شئی توتاردی. مثلا ناخوشلاماغی، سویوق ده‌یمه کیمی. سونرا اللری، بدنی و اوزونون حرکتلری‌ایله ذهنینده‌کینی باشقالارینا قاندیرماق ایستردی. دؤوره‌ده اوتورانلار دا عاغیللارینا گله‌نی بیر بیر سایاردیلار تا اینکی اصلی جوابا یئتیشسینلر. بو اویوندا، لال اویونو چیخاردان آدام هئچ دانیشمازدی. دانیشان اودوزاردی. چوخ گولمه‌لی اولاردی. یعنی اوتورانلار بعضن ائله نامربوط جوابلار وئرردیلر کی پیشمیش تویوغون دا گولمه‌یی گلردی.یادیما گله‌لی بیر ایکی قونشو اوشاغی واریدی بو اویونون اوستاسی ایدی. قیریلیب کئچینه‌ردیک اونلارین ادالارینا. ایندی فیکیرله‌شیرم کی اونلاردا گئرچک اوینامانلیق(هنرپیشه‌لیک) یئته‌نه‌یی واریمیش.
آنلام‌لار
- Lal oyunu .
قایناق‌لار
- Susan Nevadeyi Rezi