Wt/azb/قوُل بیابانی
قوُل بیابانی اویونو[edit | edit source]
آنا آنلاتیم
- ایکیندی چاغلاری داریخمادان زیققی وئردییمده،اَننه‌م دئیه‌ردی:
- -گئت کاغاذ- قئیچی گتیر سنه قولبیابانی دوزه‌لدیم!
- قاچاراپبا گئدیب دیب میپباخدان شام مئژمئیی‌سینی، بیر آز روزنامه کاغازی، بیر ده ایینه-ساپ قوولوغوندان قئیچینی گتیریب دوزه‌ردیم اننه‌مین قاباغینا. اننه‌م روزنامه‌دن بیر پارچا اوزونسوونا کسه‌ردی. اونو بیر دفعه اویانا بوکه‌ردی ، بیر دفعه بویانا. دؤرد بئش دفعه کاغازی بویان اویانا بوکه‌ردی. سونرا اونو یاریم آدام شکلینده قئیچی‌یله کسه‌ردی. بوکوکلری آچاندا ائله بیل 6-7 دانا اوغلان ال-اله وئریبلر!...ائله گؤزل اولاردی کی! مئژمئیی‌نی ترسه‌سینه قویاردی فرش اوستونه، بیر دسته اوغلانی دا آیاق اوستونده قویاردی مئژمئیی‌نین اوزه‌رینه.سونرا آیری بیر کاغاز گؤتوروب ، گینه بوکوب کسه‌ردی. بو دؤنه آچاندا ال- اله وئرمیش بیر دسته قیز گؤرردین! عاغلیم گئدردی اینانین!قیزلاری دا آیاق اوستونده قویاردی مئژمئیییه و بارماق اوجلار‌یله نارین- نارین ریتم توتاردی مئژمئیی اوستونده. دیل دوداق آراسی دا اوخویاردی:
- -نیح‌نا نانااای نانای
- نیح‌نا نانااای نانای
- اننه مین آهنگی ایله قیزلارلا اوغلانلار نم نه قَشَحلیقدا یاللی گئدردیلر....
آنلام‌لار
- qul biyabani oyunu .
قایناق‌لار
- Susan Nevadeyi Rezi