Wt/azb/قوناق باجی اویونو
قوناق باجی اویونو
[edit | edit source]
آنا آنلاتیم
- قوناقباجی، قیز اوشاقلارینا مخصوص بیر اویون ایدی. بعضن 4-5 یاشینا قدر اوغلانلاری دا اویونلارینا قاتاردیلار قیزلار. اوغلانلار بؤیوک یاشدا اولسایدیلار بابا اولاردیلار.بو اویوندا قیز اوشاقلاری اؤزلرینی آنالارینا بنزه‌دردیلر و بیربیرینه قوناق گئدیب بؤیوکلری یامسیلاردیلار. گیزلینجان آنالاری‌نین دیک دابان باشماقلارینی اکردیلر کی یئرییه‌ندن تیققی تیق ائله‌سین و اوجا گؤروشسونلر. دوداقلارینا شاه توت، یا دا گیرده‌کان وختی گیرده‌کان قابیغی یاخاردیلار کی دوداقلاری بویانسین. قولاقلارینا قوشا گیلاس یا گیلانار تاخاردیلار سیرغا اولسون دئیه.شیرنی ساپینی آچیب ایچینه بیردانا بیردانا نوخود قویوب بوکردیلر، او دا اولاردی بویونباغی ، یا دا میرواری آغجی‌نین میروازییه بنزر گوللرینی ساپا دوزوب گردنبند دوه‌لدردیلر. آرتیق ااورتوق سیملری فنر کیمین ائله‌ییب اؤزلرینه اوزوک دوزه‌لدردیلر. دیرناقلارینا کوکب یا قیزیل گول یا دا شمعدانی‌نین گولیرپاقلارینی یاپیشدیراردیلارکی بویاقلی گؤرونسون. بالاجا سماور، قاب-قاجاق و باشقا اویونچاقلاری نه وارسا گتیریب دوزه‌ردیلر دؤوره‌لرینه،اؤز عالملرینده اؤزلرینه ائو قوروب قولچاقلارینی دا دووارا دایاییب هره‌سینه بیر خیالی نقش وئرردیلر.
- تاق تاق تاق
- -قاپ دؤین؟
- -آچ گوهر خانیم منم، زرینتاش!
- جیییییییییییییرررر
- -سلام باجی خوش گلمیسن، گون هایاننان چیخیب؟
- -آل گؤروم بو اوشاغی گوهر خانیم، لاپ دا بئل بوخوننان دوشدوم! آ مؤحسون آغا ائوده ده‌ییر کی؟
- - یوووو...بویور، گل ایچه‌ری راحات اول. پوف واه واه ائله بیل اسکیسین ده باتیریب! و الی آخر........
آنلام‌لار
- qonaq bacı oyunu .
قایناق‌لار
- Susan Nevadeyi Rezi