Wt/azb/قاییش گؤتوردو
قاییش گؤتوردو
[edit | edit source]
آنا آنلاتیم
- چمبر شکلینده تخمیناً 3 ارشین بویوندا بیر جیز چکیلیر، اویونچولار اؤزلرینه یولداش گؤتوروب ایکی بؤلومه بؤلونورلر. پوشک آتیلیر. پوشکو اودوزان یولداشلارییلا بیرلیکده جیزین ایچینده اولور.جیزین ایچینده اویونچولارین سایی قدر گؤن قاییش سریلیر. قاییشین توققاسی جیزین قیراغینا بیر قاریش قالان و او بیری باشی جیزین اورتاسینا دوغرو اولور و هر اویونچو اونلاری چؤلده‌کی اویونچولاردان ساخلاماق اوچون قاییشین بیری‌نین اوستونده دورور اما تاپدامیر.
- اویون باشلانیر. جیزین چؤلونده اولان اویونچولار قاییشی جیزین ایچیندن گؤتورمه‌یه و ایچینده اولانلار اونلارین آیاقلارینی اؤز آیاقلاری ایله وورماغا چالیشیرلار. ایچه‌ریده‌کی اویونچولار چؤلده‌کیلرین آیاقلارینی وورماق اوچون بیر آیاقلاری جیزین ایچینده اولما‌لیدیر. بو ایشی چؤلده اولان اویونچولارین بیرینی توتوب ایچه‌ری چکمکله ده گؤره بیلرلر. آیاغی باسیلان اویونچو یولداشلاری ایله بیرلیکده جیزین ایچینه و ایچهریدهکیلر چؤله یئر دییشیرلر.چؤلده‌کی اویونچولار دا آیاقلاریندان موغایات اولا‌راق جیزین ایچینه سریلن قاییشلاری اله کئچیرمه‌یه چالیشیرلار. قاییشین بیرینی اله کئچیرندن سونرا، ایچه‌ریده اولانلار اوچون ایش بیر آز چتینلشیر. چونکی او قاییشلا ووراراق، قاییشلارین قالانینی دا اله کئچیرمک راحت اولور. قاییشلار اله کئچدیکدن سونرا جیزین ایچینده اولانلاری قاییشلارلا وورماغا باشلاییرلار. ایچهریدهکیلر اونلارین بیری‌نین آیاغینی، آیاغییلا وورونجا اویون بئله گئدیر. بئله اولاندا جیزداکیلار قاییشلاری چؤلده‌کیلردن آلیب یئرلرینی دییشیرلر و قاییشلا وورماغا باشلاییرلار.
- اویونون قورالینا گؤره قاییشین توققاسییلا یوخ او بیری باشییلا قورشاقدان آشاغا تکه‌جه قیچا وورما‌لیدیرلار. بو اویونو گنجلر، پاییز فصلی و بایرام قاباغی اویناییرلار. بو اویونو اویناماغا جسارت گؤسترن اویونچو اؤزونه فخر ائده‌بیلیردی، چونکی اورکلی و قورخماز اولدوغونو هامییا گؤستَریردی. دوغرودان دا بئله ایدی. چونکو گون قاییشین آغریسینا هر آدام دؤزه بیلمز.
آنلام‌لار
- qayış götürdü .
قایناق‌لار
- milmugan.blogfa.com