Wt/azb/سؤیود

From Wikimedia Incubator
< Wt‎ | azb
Wt > azb > سؤیود

سؤیود[edit | edit source]

آنلام‌لار

  1. سؤیودگیللردن آخار سولار قییی لاریندا و یاش یئرلرده یئتیشن، یاپراقلاری آرالیقلی، ائلاستیکی، اسنک بوُداق بیر آغاج آدیدیر.آذربایجان‌دا سؤیودون ۱۴ نؤعو گئنیش یاییلمیشدیر. محمد مؤمن یازیردی کی، سؤیودون گول و یارپاقلارینین حلیمی اؤد-قوووجو تأثیره مالیک‌دیر و اورک دؤیونتوسونو آرادان قالدیریر. بوندان علاوه، سؤیود حلی‌می قیزدیرمادا، تیتره‌مه، قیزدیرما ایله بیرگه اولونان چئشیتلی خسته‌لیکلرده و باش آغریسین‌دا خئییرلی‌دیر. سؤیود یارپاغینین جؤوهرینی ایچدیک‌ده او، اؤدقوووجو و سیدیک قوووجو تأثیر گؤستریر. بونا گؤره ده بئله ائکسترا اؤد یوللارینین توتولماسین‌دا و ساریلیق خستلیین‌ده خئییرلی‌دیر. ایسیتمه و قیزدیرمایا قارشی واسطه کیمی تیتره‌مه‌نی آرادان قالدیریر، روماتیزمده و یئلده ایشلدیلیر. سؤیود حلیمی زهرله‌نمه‌یه قارشی چایان سانجماسیندا و زهرلی ادوییه‌لردن زهرلنرکن ایستیفاده اولونور. سؤیود حلیمینی قیزیلگول سویو و شکرله ۶۵ قرام دوز"وندا ایچمک مصلحت‌دیر. سؤیود مئیو‌لرینی قانلی ایسهال ‌دا، دیزانتئریادا(قانلی ایسهال) یئییرلر. سؤیود یارپاقلاری و بوداقلارینین حلیمین‌ده واندا چینمک، بدنده خیردا یارالار و خورالار اولان زامانی چوخ بؤیوک ائففئکت وئریر. چاغداش آذربایجان خالق طبابتین‌ده کئچی سؤیودونون (پیشپیشه‌نین) سیرقایاجیک ارکک چیچکلرینی یاتیشدیریجی-ساکیتلشدیریجی، قیزدیرمانی سالان، ترقوووجو واسطه کیمی مالارییایا و قیزدیرما ایله ائشلیک ائدن باشقا خسته‌لیکلره قارشی ایستیفاده ائدیرلر. سؤیود قابیغینین ترکیبین‌ده سالیسیل بیرلشمه‌لرینین (ترکیبجه آسپیرینه یاخین مادده‌لر) اولماسینا باخمایاراق او قانساخلاییجی اؤززلییه مالیک‌دیر. سؤیود قابیغین‌دان الکوللو و سولو جؤوهر آنتی‌ویروس قوه‌سینه مالیک‌دیر و قریپ-آنفولانزا خستلیینین قارشی‌سینی آلیر. سویوق-دیمه‌ده سؤیود قابیغی داخیله ترقوووجو آراجی کیمی تعیین ائدیلیر. کئچی سؤیودونون (پیشپیشه‌نین) ارکک چیچکلرین‌دن حازیرلانمیش حلیم اورک آریتمی و تاکیکاردی سی اوچون فایدالی‌دیر، نورالگییادا-اعصاب آغریسیندا باش آغری‌سیندا آغریکسن کئیفیته مالیک‌دیر.
  2. باخ:کئچی سؤیودو،کورک سؤیود، قێزیل سؤیود،سالخیم سؤیود،آغ سؤیود، بوز سؤیود.

یازیلیش‌لار

  • لاتینجه : Söyüd
  • اینگیلیزجه: willow
  • بیلیمسل آدی: Salix

کؤکن

  • اسکی تورکجه(دیوان لغات الترک و سنگلاخ دا :سؤغوت، سؤگود)

قایناق‌لار

  1. آذربایجان سؤزلوگو - 2013؛ اسماعیل جعفرلی