Wt/azb/جیزاگیردی
جیزاگیردی[edit | edit source]
آنا آنلاتیم
- چمبر (دایره) شکلینده بیر جیز چکیلیر، اویونچولار اؤزلرینه یولداش گؤتوروب ایکی دسته‌یه بؤلونورلر. پوشک آتیلیر، یعنی هر دسته‌نین باشچیلاری آیریلیر ایکی‌سی بیر بللی مسافه آرا توتا‌راق، بیر بیرینه دوغرو نوبتله، بیری‌سی «آتدیم» دئییب آددیم آتیرلار. سوندا بیری‌نین آیاغی اوستده قالیر و دئییر باسدیم. بئله‌لیکله آیاغی باسیلان باشچی پوشکو اودوزا‌راق یولداشلارییلا بیرلیکده جیزین ایچینده قالما‌لی اولور.
- اویون باشلانیر. جیزین ایچینده اولان اویونچولار چالیشیرلار آیاقلارییلا چؤلده اولان اویونچولارین آیاقلارینی باسداسینلار. بو ایشی ائده بیلسه‌لر، یئرلر دییشیلیر، اما بو ایشی گؤرنده گرک بیر آیاقلاری جیزین ایچینده اولا. بو ایشی چؤلده اولان اویونچولارین بیرینی توتوب ایچه‌ری چکمکله ده گؤره بیلرلر.چؤلده اولان اویونچولار جیزین باشینا فیرلانا‌راق ایچه‌ریده‌کی اویونچولاری گیجلدیب شیلله ایله وورورلار. بعضاً گؤرورسن کی، ایچه‌ریده‌کیلرین بیرینی توتوب چؤله سورویورلر، وور کی- ووراسان، دؤیورلر. ایچه‌ریده اولانلاردا ال-اله وئریب چؤله سوروننین یاردیمینا گلیب اونو ایچه‌ری چکیرلر. قریبه حال اولور اویونچولار پیشدی‌بیلدی دئیه‌رک های سالیرلار و آیاقلاری‌نین وورولماسیندان هادیر اولا‌راق ایچه‌ریده اولان اویونچولاری وورورلار تاماشا‌چیلار دا ذوق آلا‌راق های تؤکورلر. بئله حاللاردا آرادا جیزین ایچینده اولانلار اونلاری وورماق ایسته‌ین چؤلده‌کیلرین بیرینی ایچه‌ری چکیب آیاغینی باسیرلار.چؤلده‌کی اویونچولارین آیاقلاری باسیلانا قدر اویون بئله‌سینه دوام ائدیر. سونرا چؤلده‌کیلر ایچه‌ری و ایچه‌ریده‌کیلر چؤله دیشیلیر و اویون دوام ائدیر. بو اویونو گنجلر و یئنی‌یئتمه‌لر پاییز و بایرام آییندا چوخ اوینارلار.
- cıza girdi .
قایناق‌لار
- milmugan.blogfa.com