Wt/azb/تکه اویناتما دبی
تکه اویناتما دبی
[edit | edit source]
آنا آنلاتیم
- تکه اویناتما چرشنبه‌لره باغلی دئییل، بایرام آیی‌نین ایچینده اولدوغونا گؤره بوردا یازماق ایسته‌دیک. «کئچي اونقونونا اينام چوخ تورك دیل‌لی خالقلارين ميفولوژي‌سينده ، افسانه‌وي ناغيل‌لاريندا اؤز عكسيني تاپميشدير. ...کئچي تورك دیل‌لی خالقلاردا يازين بليرتيسي‌دير. محض بونا گؤره ده بير چوخ تورك دیل‌لی خالقلاردا ، ائله‌جه ده آذربایجانلي‌لاردا کئچي يازي گتيرن گونشله ، اونون بليرتيسي اودلا بيرگه ياد ائديلير... يازين گلمه‌سي مراسيمينده يازي آچيقدان-آچيغا تمثيل ائدير و کئچي-یاز، قيشي بليرتيسي کوسا ايله موباریزه آپارير آذربايجانلي‌لاردا «کوسا-کوسا» اويون-مراسيم تاماشاسي بئله بير موباریزه‌يه حصر اولونموشدور.» بیرده بونو دئمک اولار کی، کئچی قیش حئیوانی دئییل و قیشین سویوغونا دؤزمه‌سی چوخ چتین اولور. مال-داوارین ایچینده کئچینی تئز سویوق وورور. حتی بیری تئز اوشوینده “کئچی کیمی نه تئز سؤیوغ ویردی سنی” سؤزو ده دئییلیر. اونا گؤره کئچی اؤزونو قاباغا آتیب تکه کیمی بزَنیب قیشی و سویوغو قووماغا چالیشیر و یازین گلمه‌سینه جان‌آتیب اللرده اویناییر. تکه کئچی‌نین ائرکگینه دئییلیر. اونا بنزر بیر اویونجاق دوزلدیب و اؤزل شکیلده اونا گئییم گئیدیریب، ساپ قوشوب بایراما بیر نئچه گون قالمیش تکه اویناتما دبی آدی ایله اوینادیلیر. آرا-سیرا کندلرده بایراما 3-4 گون قالمیش، تکه‌چیلر دوزلتدیکلری تکه‌نی گؤتوروب قاپی-قاپی گزه‌رک، شعیر اوخویا-اوخویا ائولردن بایرام‌پایی آلیرلار. تکمچیلرین اوخودوقلاری «شعیر» و «نووروزداما»دان بیر نئچه نمونه:
- «تکم-تکم آتداما
- قول-قیچووی قاتداما
- قاباغدان بایرام گلئی
- گئدیب چؤلده اوتداما
- بو منیم آختا تکم
- بوینینده نوختا تکم
- گاه قول اولئی ساتیلئی
- گاه چیخئی تاختا تکم
- کم آدی خئیره‌نیسه
- جهره‌نی قورار اوتورار
- میسدیریغین ساللار اوتورار
- ناهاری ویرار اوتورار
- اریسون داغلارون قاری
- تؤکولسون چایلره باری
- بی یومورتدا ندور قاری
- وئر آلله اوغلوی ساخلاسون
- ایمام کمندوی باغلاسون
- تکم گئتدی خاننیغا
- اوز قویدی یاماننیغا
- اؤلدوردیلر تکه‌می
- آتدیلر ساماننیغا
- تکه‌مون کندی واردو
- کندی کمندی واردو
- هر قاپودا اوینه‌سه
- بی نلبَکو قندی واردو
- هورندو آی هورندو
- یوک دیبینه سورندو
- آلله اوغلوی ساخلاسون
- تکه‌می یولا سال ایندی
- جناب-ی جبراییل نامه گتیردی
- گتیرجگین پئیغمبره یئتیردی
- بیر نئچه مستب ده دینه گتیردی
- نئچه‌سین ده جهنّمه یئتیردی
- آیده-ایلده بو بایرمی دییَللر
- خونچه‌لره نوغول-نوبات دوزللر
- بیریسی وار کوردی تومان گییَللر
- بیریسی وار یاشیل تومان گییَللر
- آیوز-ایلوز-گونوز-هفتوز موبارک
- سیزون بو تزه بایر‌موز موبارک
- گلون چیخای بو داغلارون دوزینه
- کولی سپَگ بئنامازون گؤزینه
- گل-گل ای من حسرتم دیلداره نوروز بایرَمی
- اینتیظارم یار چیخا سئیرانه نوروز بایَرمی
- سن قدم سن، سن قدم باس بو گؤزوم اوسته بو گون
- صبریدن ائتدون منی، من اولمیشم چوخ سرنیگون
- نه مودتدو گؤرمییَم حالیم پریشاندو زبون
- بو داواسیز دردیمه بی چاره نوروز بایرمی
- گلدی نوروز بایرَمی آچیلدی گوللر- لاله‌لر
- زب-زبون اولدی چمن‌نر بولبول ائیلر ناله‌لر
- آی آغا نوروزووی الله موبارک ائیله‌سون
- بو گلن بایر‌مه‌جن ائووزی آباد ائیله‌سون
- جاناب-ی جبراییل تاختا چیخاجاغ
- یئزیدون بوینینه نوخدا ویراجاغ
- سو یئرینه شیرین شربت آخاجاغ
- آی آغا نوروزووی الله موبارک ائیله‌سون
- بو گلن بایره‌مه‌جن ائووزی آباد ائیله‌سون»
آنلام‌لار
یازیلیش‌لار
- لاتینجه : təkə oynatma dəbı
قایناق‌لار
- موغان
- milmugan.blogfa.com