Wt/azb/بؤيوكلر ايله وصلت ائیلهميشيك
بؤيوكلر ايله وصلت ائیله ميشيك[edit | edit source]
آنا آنلاتیم
- بؤيوكلر ايله وصلت ائیله ميشيك.
آنلام‌لار
- بو دئییمین قایناغی بو ناغیلا باغلیدیر.گونلرین بیر گؤنونده آج بیر تۆلکو یولدا گئدرکن بیر دوه نین جسدینه راست گلر. بو آچیق سیرفانی گؤرونجه سئوینجدن بیلمز نئیلییه ،دوهنین دووره سینه دولاشیب و شادلیق ائدیب بیراز سس بسس چیخاردار، بلکه دوه یوخودان دوُرا یوخسا ان آزی گؤزون آچا. آنجاق دوه داش کیمی یئره دوشموشدور و بیر سس و ترپنمه گؤرمز. تولکو ،دوه دن مطمئن اولاندان سونرا و بیر خطرین اولماماغینا امین اولدوقدان سونرا ،آرتیق تاماهلیق ائتدی و دوه نی یوواسینا ساری آپارمایا قرار وئردی. تولکو دوه نی آیری حیوانلاریلا پایلاشماق ایسته مدی. بو ندنله ، گوجویله اؤز قویروغون دوه نین قویروغونا باغلادی و چوخ چابا ایله دوه نین ترپتمه یی باشاردی. بیر ایکی آتدیم آتمادان، دوه یوخودان دوُردو و آیاق اوسته قالخدی. تولکو دوه نین گؤتوندن آسلاناقلی قالدی . دوه بو گولمه لی دورومدا ،یئمک آختارماق اوچون اویان بویانا یئری ییردی و تولکونوده اؤز دالیجا دولاندیریردی. آیری حیوانلار بونلاری بئله گؤرونجه سوروشوردولار :"بو نه ایشدیر؟" تولکو ده بئله سؤیلوردو: "بؤيوكلر ايله وصلت، ائلهميشيك."
یازیلیش‌لار
- لاتینجه : böyüklər ilə vəslət eləmişik
قایناق‌لار
- www.elbilimi.com