Wt/azb/آی هازارات بیر زامانا گلیبدیر
آی هازارات بیر زامانا گلیبدیر
[edit | edit source]
آنا آنلاتیم
آِی هازارات بیر زامانا گلیبدیر
[edit | edit source]- آي هازارات، بیر زامانا گلیبدیر،
- آلا قارغا شۇخ ترلانی بَينمز.
- اوغوللار آتانی، قێزلار آنانی،
- گلینلر دا قاينانانی بَينمز.
- آدام وار کی، گئتمه‌يه‌سن ایشینه،
- آدام وار کی، دولاناسان باشینا،
- آدام وار کی، آيران تاپمیر آشینا،
- دیندیررسن، ياغلی نانی بَينمز.
- آدام وار، داغلاری گزر سرسری،
- آدام وار، گئيینر پۇستینن دری،
- آدام وار، مرفتدن يوخدور خبری،
- آدام وار، سولتانی، خانی بَينمز.
- آدام وار، دولانار صحرانی، دۆزو،
- آدام وار، دۆشورر گۆلو-نرگیزی،
- آدام وار، گئيمه‌يه تاپامماز بئزی،
- آدام وار، آل گئير، شالی بَينمز.
- آدام وار، چوخ ایشلر ائيلر ایرادا،
- آدام وار کی، يئته بیلمز مۇرادا،
- آدام وار کی، چؤرک تاپماز دۆنيادا،
- آدام وار، ياغ يئير، بالی بَينمز.
- آدام وار کی، آداملارین ناخشیدی،
- آدام وار کی، آنلامازدی، ناشیدی،
- آدام وار کی، حئیوان اوندان ياخشیدی،
- دیندیررسن، هئچ اینسانی بَينمز.
- آدام وار دستینه وئررسن گۆللر،
- آدام وار، گؤزونه چکسن میللر،
- تۇفارقانلی عباس، باشینا کۆللر،
- نه گۆنه قالمیسان، قاری بَينمز.
قایناق‌لار
- آشیق عباس تۇفارقانلی
- اۇستادنامه