Wt/ary/خدم

From Wikimedia Incubator
< Wt‎ | aryWt > ary > خدم

داريجة[edit | edit source]

أصل[edit | edit source]

(فيعل) من عربية خدم، خاداما
(فيعل 2) من عربية خدّم، خادّاما

فيعل [edit | edit source]

خدم \xdəm\ (شوف تصريف)

  1. دار خدمة، دار مجهود منتاضم ؤ مستامر باش ينتج ؤلا يسالي عطاشة ؤلا عطاشات محددين ف لبلاصة ؤ لوقت
    • خدمنا صّباح كامل ؤ موراها مشينا نتغدّاو
  2. (ماكينة) ستهلكات طّاقة باش تدير شي عطاشة ؤلا عطاشات محددين
    • تّلاجة كتخدم ليل ؤ نهار بلا ماتخسر
  3. بشكل عام، كانت عندو خدمة، يعني إطار جتيماعي ؤ قانوني كيسمح ليه باش يدير مجموعة د لعطاشات ب شكل منتاضم (كولا نهار ؤلا كولا سيمانة متلا)، موقابيل باش يشد خلصة ؤلا صالير علا شكل فلوس ؤلا شي حاجة كتقابلها
    • ولد عمّي كيخدم ف شركة كبيرة د لاصورانص
  4. (+علا شي حاجة) دار مجهود باش يسالي ديك لحاجة ؤلا يصايبها ؤلا يصلح شي حاجة فيها
    • بقيت ساعتاين ؤ أنا كنخدم علا هاد لپيكالة ؤ والو مابغاتش سنسلة ديالها تّقاد
  5. (+علا شي حاجة) دار خدمة فوق ديك لحاجة ؤلا فيها
    • محمد كيعجبو يخدم علا طّبلة د لكوزينة
  6. (+ب شي حاجة) ستهلك ديك لحاجة كا مصدر د طّاقة (عادة كتّڭال علا ماكينة)
    • هاد طّونوبيلة كتخدم ب طّاقة شّمسية
  7. بشكل عام، لعب دّور لّي منتاضر منو
    • داك لّيان لّي سيفطتي ليّا خدم مزيان، صافي طيليشارجيت لفيلم

مرادفات[edit | edit source]

معاكسات[edit | edit source]

مشتقات[edit | edit source]

فيعل 2[edit | edit source]

خدم \xəddəm\ (شوف تصريف)

  1. خلا شي واحد ؤلا شي حاجة تدير خدمة ل شي غاراض، عادة لمعنى كيكون سلبي يلا كان شخص
    • منال خدّمات عصا باش تجبد لكورة لّي كانت حاصلة لفوق ف شجرة
  2. عطا ل شي حد خدمة موقابيل خلاص ؤلا صالير
    • هضرت معا خالي باش يخدّمني عندو ف شركة ديالو
  3. تفلا علا شي حد، دار ليه قالب ؤلا شفر ليه شي حاجة ب لقوالب
    • فاش مشا ل بانڭلاديش خدموه مزيان ؤ دّاو ليه فلوسو

مرادفات[edit | edit source]

مشتقات[edit | edit source]