Wt/aeb/ويكيمنجد:إلّي لازمك تعرفوا عالويكيمنجد

From Wikimedia Incubator
< Wt‎ | aeb
Wt > aeb > ويكيمنجد:إلّي لازمك تعرفوا عالويكيمنجد

شنوّ الويكيمنجد[edit | edit source]

الويكيمنجد أسسوه حسام الدين التركي و عماد عادل عام 2015. المشروع هو منجد يعطي لكل كلمة تونسية معناها بي التونسي و ينجم أيّ واحد يزيد فيه كلمات ولّا يصلّحو.

كيفاش تكتب بالتونسي في الويكيمنجد[edit | edit source]

  • الحروف هوما نفسهم إلّي العباد يستعملوهم للعربي زايدين ڨ [g]، ݡ [v]، و پ [p].
    • مثال: بڨرة، ݡسپة
  • حروف الجر في التونسي يتكتبوا وقت إلّي
  1. من بعدهم ما فمّاش تركيب معرّف: من، لي، على، في، بي، كي، بي (كلّهم ماهمش لاصقين للتركيب إلّي من بعد)
  2. من بعدهم فمّا تركيب معرّف: مـ، لـ، عـ، في، بي، كي، بي (إلّي تبدّلوا يتكتبوا لاصقين للتركيب إلّي من بعد)
  • الذي في العربية الفصحى تولّي إلّي في التونسي. وقت إلّي قبلها مـ، لـ ولّا عـ، تولّي تتكتب لّي.
    • مثال: إلّي، علّي، ملّي
  • الألف و اللام متاع التعريف يتكتبوا ال. وقت إلّي قبلها لـ تتكتب ل
    • مثال: الحيط، مالحيط، للحيط
  • ة ما تتكتب إلّا في أخر الأسامي المونّثة
  • الهمزة تتكتب كيما في العربي
  • الفعل المصرّف في الجمع و إلّي ماهواش منفي يتكتب في أخرو وا
  • متاعـو، نقلـّو...
  • شنوّ، شنّي، شنوما
  • ها الكتب و موش هل كتب
  • هذا، هذي، هذوما، هذاكا، هذيكا، هذوكم
  • هوّ، هيّ، إنت، آنا، أحنا، إنتوما، هوما
  • الألف المقصورة تتكتب في أخر الكلمات إلّي موجودين في الفصحى و يوفاوا بألف مقصورة. الألف مقصورة تتكتب زادة في أخر الأفعال إلّي يتنطق في أخرهم /a/ و إلّي في المضارع يولّيوا يوفاوا بـ"ي"
    • مثال: جى يجي، بكى يبكي، أروى، على
  • و ما تتكتبش لاصقة للإسم إلّي بعدها
    • مثال: ويكيمنجد و التونسي
  • ما نعملش و موش مـنعملش
  • باش تعني بشنوّ و بش هي التركيب إلّي يتكتب قبل فعل في المستقبل
    • مثال: ما نعرفش باش بش نكتب الخدمة
  • حروف الربط: معا و و

كيفاش تشارك في الويكيمنجد[edit | edit source]

  • لازم أوّل حاجة تحلّ الحساب متاعتك ولّا تعمل واحد جديد. بش تعمل هذا لازمك تنزل عالليان المطلوب من فوق عاليمين.
  • تنجّم تصلّح وحدة مـالخدم الخايبين وقت تنزل على "بدّل" في الپاج متاعها
  • كي تزيد كلمة، الپاج متاعها لازمها تكون كيما هذي

منين جبنا الكلام[edit | edit source]

  • مشروع تنظيم كتيبة التونسي متاع جمعيّة دارجة
  • قواعد التنظيم متاع ويكيمنجد