Wq/yue/鹿鼎記 (1992年電影)

《鹿鼎記》（Royal Tramp）係一套港產片，主角係周星馳，1992年7月30號喺香港上畫。

對白

• 旁白：清朝康熙初年，因年幼未能親政，故委任四名顧名大臣，輔佐少主，其中以鰲拜最為凶狠，上則挾天子以令諸侯，下則屢興文字獄，殘殺漢人，引致八旗大臣同民間俠士都極度痛恨，尤其以天地會盟主陳近南無時無刻都想消滅呢個大奸臣！

• （鰲拜威風八面）
• （鰲拜兩三下手勢就搞掂咗班刺客）
• 眾人：大人神功蓋世，天下無敵。
• 鰲拜：天地會反賊不知自量，簡直自尋死路。即刻下令全力緝拿反賊頭子陳近南！
• 眾人：遵命！
• （鰲拜大笑）

• （康熙等緊海大富）
• 海大富（跪喺門口）：奴才海大富叩見皇上。
• 康熙：平身。
• 海大富：喳。
• （海大富走去康熙身邊）

• （皇宮內）
• 康熙：七旗旗主件事辦妥未呀？
• 海大富：七位旗主叫奴才回复皇上，佢哋一定準時到達麗春院。
• 康熙：你覺得呢件事點睇？
• 海大富：皇上，鰲拜為正白旗撐腰，欺壓七旗貴族。七旗旗主早存怨恨。只不過畏於鰲拜爪牙眾多，不敢輕舉妄動。今次得皇上肯屈就萬金之體，聯同七旗主喺宮外秘密商議對付鰲拜嘅策略。七位旗主深感聖恩。
• 康熙：今次事關重大。況且朕今次微服出巡，同七位旗主喺宮外秘密商議，喺煙花之地出現，始終唔係一件體面嘅事。你要記住，除咗你同七旗旗主之外，事後知道嘅人通通都要處斬。朕經已長大成人，唔希望好似木頭公仔噉任人擺佈。
• 海大富：皇上英明！

• （麗春院）
• 龜公：樓上樓下嘅姑娘呀！出嚟見客喇！

• （好多人哄埋聽韋小寶講古）
• 嗍女：走啦！阻住曬人哋聽古呀！

• 韋小寶（坐到高高哋）：各位觀眾！多謝大家哄到咁埋，坐到咁直嚟聽我講古，都算畀面喇！今日要講嘅人物就係天地會嘅總舵主陳近南。有所謂平生不見陳近南，就便稱英雄也枉然。佢身高八尺，腰圍又係八尺。
• 聽客（加把口）：嘩！噉咪即係四方？！
• 韋小寶：四方咪四方囉。唔順呀？！一樣米養百樣人。八角形都有呀！講你聽吖！佢武功嘅明堂就為之九天十地菩薩搖頭怕怕霹靂金剛雷電掌。一掌打出，方圓百里之內，無論人畜、蝦蟹、蝨乸都要化為飛灰嘅！
• 聽客：嘩！——

• 韋小寶（繼續）：嗨！不過呢個人行踪冇定，飄忽無踪，但係我係機緣巧合之下，就曾經見過佢半面噃。
• 聽客：一系見過，一系未見過。點會見到半面架？
• 韋小寶：因為佢真係遮住半邊面囉！傻仔！未聽過猶抱琵琶半遮面架？！你未讀過書架，懵仔？（笑）雖然我只係見過佢半面，但係一見傾心，熊熊聲噉走去斬雞頭燒黃紙結拜為兄弟！
• 龜公：收聲！啊！你個死仔掛住喺度講古，搞到一個二個都唔叫雞！
• 韋小寶：系大家自願聽我講古而唔願叫雞咋㖞！況且叫雞危害健康，好事嚟吖！
• 龜公：重話好事？你家姐都係雞咋！冇人叫佢就食屎吖！
• 韋小寶：食屎有益身心㖞，留返畀你吖。
• 龜公：你叫我食屎？！等我搞掂你！

• （韋春花僕親）
• 韋春花：唔好意思！（喺康熙身邊經過）
• 康熙：呢啲噉樣嘅煙花之地，真係混亂不堪！
• 海大富：此地不宜久留，七旗旗主已經喺入便等緊我哋。
• 康熙：呣！

• 一雞：哩，咪系佢囉。就係佢縮陽呀。
• 韋小寶：縮成點呀，睇過！餵！你縮咗去邊呀？
• 龜公：餵！死咗未呀？死咗就丟咗佢啦，唔好整污糟呢度！
• 韋春花：邊個縮陽呀？冇死得咁易！
• 韋小寶：肥佬晶囉！死唔死得唔知咯。
• 韋春花：好簡單啫。托起佢呀！
• 龜公：做咩呀？啊？
• 韋春花：就憑我韋春花咁多年嘅經驗呀！如果男人一縮陽呢，只要喺佢尾龍骨大穴位度攞支釵一厾落去，就會“厾咬”，噉樣彈返出嚟架喇。
• 龜公：哦！
• 韋春花：托起佢個窟！
• （韋春花用金釵厾咗肥佬嘅尾龍骨一下）
• 韋小寶：哎吖！差啲畀佢扳中！

• 韋春花：冇嘢睇吖！冇嘢睇吖！返落去啦！返落去啦！

• 官兵頭：行開！企埋一邊！做乜嘢呀？
• 韋春花：做咩呀？

• 官兵頭：冚棒唥咪喐！我哋嚟捉拿天地會反賊陳近南嘅。搜！
• 眾人：系！

• （七旗旗主同康熙秘密開會）
• 七旗旗主：參見皇上！
• 康熙：出便咩事？
• 海大富：皇上，系鰲拜嘅人！四大高手到齊！
• 康熙：係咪嚟揾朕架？
• 海大富：相信唔係。

• 韋小寶：咩呀？咩呀？咩呀？做咩呀？做咩呀？咩事幹呀？咩呀？咩呀？咩呀？

• 官兵頭：邊個知道陳近南喺邊？
• 韋春花：咩呀？
• 眾人（指韋小寶）：佢呀！
• 韋小寶（揾把扇遮住自己塊面）：我講古架啫，大佬！
• 官兵頭：拉佢返去嚴刑拷問！
• 畫外音（陳近南）：不得濫殺無辜！

• 陳近南（現身）：陳近南在此！
• （眾人四散）
• 韋小寶：陳近南？！

• （陳近南同班官兵鬥法）
• 陳近南：週堂主，有機會走先！
• 週堂主：總舵主，呢幾個狗賊重未有資格要我哋落荒而逃！

• 韋小寶（匿埋一二角）：你睇唔睇到呀？好厲害呀！
• 龜公（驚驚哋）：你重講！

• 陳近南（抱起矮仔）：跟我走！
• （陳近南畀矮仔暗算）
• 矮仔：死呀你！

• 韋小寶：弊！
• 韋小寶（大嗌一聲，推出轎，埋去陳近南身邊）：唔使驚，我嚟救你架。
• （週堂主不幸犧牲咗）

• 韋小寶（將轎推入一條巷仔）：跟我嚟呀！

• （狗竉前）
• 韋小寶：鑽入去呀。
• 陳近南：咩嚟架？
• 韋小寶：狗竉呀。
• 陳近南：要我陳近南鑽狗竉？！唔得！（想掉頭走）
• 韋小寶：嗨，佢哋睇住我救你出嚟，勢估唔到一個屈尾十鑽返入去架嘛。大丈夫能屈能伸，留返條命仔緊要呀。快啲啦。嚟！
• （陳近南無奈鑽入去）

• （韋小寶小心翼翼噉閂埋度門）
• 陳近南：青木堂主點呀？
• 韋小寶：死咗嘞。
• 陳近南：啊？
• 韋小寶：我幫你揾啲水抹淨隻眼先啦。
• 陳近南：唔得！啲石灰粉一掂到水就會滾，會燒傷我對眼嘅！
• 韋小寶：噉點呀？
• 陳近南：要用菜油抹呀。
• 韋小寶：好！我去廚房攞。
• 海大富：呢位大人！
• 官兵頭：咩事呀？
• 海大富：在下海大富，宮中敬事房首領太監。
• 官兵頭：哦，原來系海公公，失敬。
• 海大富：皇上有聖諭在此。（官兵頭欲跪，海大富拉住）哎，皇上有令，立即撤退所有兵馬！
• 官兵頭：系！（接過聖諭）

• （房內）
• 康熙：噉就決定聯手對付鰲拜。
• 七旗旗主：喳。
• （海大富入房）
• 康熙：海公公！
• 海大富：皇上！
• 康熙：出麵點呀？
• 海大富：兵馬經已撤退，皇上馬上可以回宮。
• 康熙：好！

• （麗春院外）
• 官兵頭：大人有命，要我哋立即撤兵。
• 官兵頭乙：好！我知道！收隊！

• 龜公：喂喂餵！出面班官兵呀，走曬喇！
• 陳近南：噉我都告辭。
• 龜公：哎，你走還走㖞，記得帶埋佢走呀。（指韋小寶）因為係人都見到佢就救咗你嘅。費事第日啲官兵返嚟抽掅我哋呀。

• 韋小寶（跪低）：陳大俠，我好崇拜你架。不如你就收我為徒啦！好嗎？
• 陳近南：收你？
• 韋春花（拍陳近南膊頭）：佢救你一命㖞，你唔使報答佢呀？係咪噉話？（問龜公）
• 龜公：系吖，你唔帶佢走呀，我都掟佢走架喇。費事畀佢連累埋我哋吖。嚇嘩？
• 陳近南：加入天地會，系一件好危險嘅事，你唔會後悔吖嘛？
• 韋小寶：唔啱噉呀，你教我絕世武功我咪唔使驚囉。
• 陳近南：你叫咩名？
• 韋小寶：我叫韋小寶。
• 陳近南：好，我就收你為徒。你跟我返去天地會總壇。
• 韋小寶（笑口噬噬）：多謝！多謝！多謝！多謝！

• （天地會總部）
• （對聯，橫批：天父地母。左聯：地鎮南崗一派溪山千古秀。右聯：門朝大海三河合水萬年流。小寶揞住眼，揸刀斬雞頭。唔小心斬唔到雞頭斬到夥伴隻手，韋小寶講對唔住。）

• 陳近南：斬過雞頭，燒過黃紙，歃血為盟之後，韋小寶你就算系我哋天地會嘅兄弟。暫且編你入青木堂。我哋有十大會規，二十大守則，三十大戒條，八十小戒條，如果你犯咗其中一條嘅話，就算你係我徒弟，亦都要身受九九八十一刀而死。

• 韋小寶（跪喺地下）：唔使咁嘥力，我一刀就死架嘞！（笑笑口）
• 陳近南：唔好亂講嘢，起身。（小寶起來）青木堂主，慘死喺驁拜嘅爪牙手上，我哋一定要貫徹佢嘅遺志，誅殺驁拜呢個奸賊。同時，將滿清嘅皇帝同所有清狗趕出關外，复我大明嘅江山。
• 眾人（皆振臂高呼）：反清復明！反清復明！……
• 韋小寶（含糊其詞）：反清復明！反清復明！反清復明！……

• 陳近南：現在，我有一個極之危險嘅任務，希望有兄弟能夠自願出任。
• 眾（面面相覷）：嚇？咩嚟呢嚇？
• 陳近南：我查到清宮里便，有四本《四十二章經》，里便記載清廷喺關外收藏一個大寶藏嘅秘密，如果我哋能夠知道呢個大寶藏嘅秘密，我哋就可以攞返清廷喺大明江山所收集嘅民脂民膏，而且我哋重可以掘斷佢嘅龍脈！龍脈一斷，噉清狗嘅氣數已盡，而我大明江山就指日可複。（眾皆點頭）所以我想派人入宮，偷返呢幾本經。但係我知道呢個任務非常之危險，系九死一生。邊個唔想去嘅，就坐低。

• （眾人爭位坐低，小寶沒爭到）
• 韋小寶：餵！一人一半吖！餵！
• 某某：你去嗰便啦！

• （韋小寶見到堂中間有位，嗱嗱聲埋去坐。陳近南用腳將地下一根釘射入座位上，小寶一痛企返起身，畀陳近南揸實膊頭。）
• 陳近南：小寶，估唔到你一加入本會，就想立此大功呀。好，為師成全你。
• 韋小寶：系吖，系吖，不過實情就噉嘅！嗰張凳……（指住張凳）
• 陳近南：大丈夫一言九鼎，你知唔知道背信棄義系犯咗本會嘅會規第八條，要斬一手一腳架？
• 韋小寶：嚇？ ！呢度天地會定屈字堆呀？

• 陳近南：跟我入嚟。
• （兩人入房）
• 陳近南：小寶，你係一個聰明人，我就可以用一個聰明嘅方法同你講嘢，而出便嘅人就唔可以。
• 韋小寶：唔明。
• 陳近南：讀過書同埋明事理嘅人，大多數都喺清廷里便做緊官，所以如果我哋要同清廷對抗，就只可以用一啲蠢啲嘅人。對付啲蠢嘅人就絕對唔可以同佢講真說話，要用宗教嘅形式嚟到催眠佢哋，令到佢哋覺得所做嘅嘢都係啱嘅。所以反清復明只係一個口號，同阿彌陀佛其實係一樣。 （韋小寶點頭）清朝一直欺壓我哋漢人，搶曬我哋啲銀兩同埋女人，所以我哋要反清。
• 韋小寶：要反清嚟搶返啲錢同埋啲女，嚇嘩？根本複唔復明就係多嚿魚，關人鬼事！得架嘞！大家聰明人！明白！繼續！
• 陳近南：總之，如果成功嘅話，你就有無數嘅銀兩同埋女人，噉你願唔願意去？
• 韋小寶：願意，但係你頭先話九死一生，嗰下得人驚吖嘛！
• 陳近南（扐出一本書）：我可以傳授你絕世嘅武功。
• 韋小寶：咦？ ！咁大本，我睇都要練成個月㖞。
• 陳近南：呢本只係絕世武功嘅目錄，嗰堆先系絕世武功嘅秘笈。
• 韋小寶：嘩！睇都要睇一年㖞！
• 陳近南：我就睇咗三年，練咗三十年，先至有今日噉嘅境界。
• 韋小寶：三十年？ ！我有幾耐時間練話？
• 陳近南：一晚。
• 韋小寶：哦，都重有一晚時間練，咪即係九死一生呀？
• 陳近南：唔係吖！睇咗就九死一生，唔睇就十死無生。
• 陳近南：做咩呀？
• 陳近南（除鞋）：你而家去做臥底，第日一定會遇到自己人，所以我要同你做個記號，喺你腳板上面刺上“反清復明”四個大字。
• （小寶痛苦）
• 韋小寶：細力啲！唔得嘞！唔得嘞！（睇自己右腳）清明？
• 陳近南：攞埋嗰隻腳嚟。
• 韋小寶：重嚟？！遲啲先啦。嗰兩個字留返我自己雕得喇，好嗎？
• 陳近南：嗱，你唔好唔記得呀，如果唔係將來死喺自己人手上面，噉就唔值得嘞。

• （韋小寶孭住個背囊走去應徵做雜役）
• 畫外音：小寶，你聽日入宮去應徵做雜役，我哋就會有人接應你，暗號就係“單眼”。

• （招募處，好多人排隊）
• 韋小寶：嘩！咁長龍！排得嚟都死咗啦！（見到另一個招募處冇人排隊）呢邊冇人排隊架餵？！阿哥呀，呢度都係招募處嚇嘩？
• 守衛：系吖！系吖！入去啦！
• 韋小寶：好呀，唔該曬！（入去）
• （守衛甲走開，露出頭先畀佢遮住啲字，原來呢度系“太監招募處”，唔怪之得冇人排隊啦。）

• （小寶畀人綁喺床）
• 韋小寶：嘩！呢張咩床嚟呀？好唔穩陣架？要綁住曬嘅？
• 老坑：做太監就梗係要閹架啦！閹就梗係要綁住架嘛！
• 韋小寶：邊個做太監呀？
• 老坑：梗係你啦！唔通我呀？！
• 韋小寶：你阿媽就做太監！我嚟應徵做雜役架咋嘛。
• 老坑：上面等人用，好有前途架。重有呀，閹咗呀好著數架！
• 韋小寶：餵！自己人㖞，唔好玩啦！
• 老坑：邊個同你玩呀？
• 韋小寶：有冇搞錯呀？我真係應徵做雜役架咋。噉啦，你畀我返出去過隔籬門口排過隊好過嘞！打攪曬！
• 老坑：哎！哎！哎！總之你入得嚟閹呢就唔出得返去！
• 韋小寶：啊？
• 老坑：算嘞，將錯就錯，同我撳住佢！

• （千鈞一發之際）
• 海大富：刀下留豬！唔好閹住！
• 老坑：海公公，噉點得架？
• 海大富：做咩事唔得呀？閹咗佢起碼要兩個月至行得返。但係而家我即刻就要用人。交畀我！帶佢回宮。有機會至喺宮里便幫佢淨身。
• 老坑：噉……噉……
• 韋小寶：噉咩呀？重唔鬆綁？

• 韋小寶：唔好意思，一場誤會嚟！咦，盲佬，你好面善㖞。有機會一齊消夜！（想走，畀海大富拉住）
• 海大富：想走？！小桂子，幫佢換過曬啲衫衭。重有，宮里便唔可以用真姓名。以後我就叫你做小春子。
• 韋小寶：餵！唔好用個春字好嗎？

• （宮內）
• 海大富：小春子，禁宮里便警衛禁嚴，五步一崗，十步一哨，所以你日夜都唔可以亂咁行。如果唔係會殺頭架，你知嘛？
• （海大富嘅大門打開，地下滿地落葉隨風飄揚。）
• 海大富：你好驚咩？ （近鏡，兩人十分靠近）
• 韋小寶：唔係吖。
• 海大富：唔係做咩騎住我？
• （韋小寶騎住海大富）
• 韋小寶（落返嚟）：我以為你鍾意咋，對唔住呀。
• 海大富：小桂子，點燈。
• 小桂子：喳！

• （海大富坐定。小寶隻手喺海大富眼前喐嚟喐去。）
• 海大富：做咩呀？ （頭轉向另一邊）
• 韋小寶：呢便呀，公公。冇，我欣賞緊你副墨晶眼鏡之嘛。幾好嚇㖞！
• 海大富：你識欣賞咩？
• 韋小寶：少少噉啦。不過以公公你咁英俊挺拔，氣宇不凡，重做太監做到有須咁突破，都唔使眼鏡都夠殺咯！
• 海大富：而家諦我呀，小春子？
• 韋小寶：小人不敢。 （立即低頭）
• 海大富：哼！我呢撇須系假嘅。 （搣咗又黐返），太監系一個唔完整嘅男人，呢撇假須，可以令到我有返多少自尊心。
• 韋小寶（海大富話口未完，就走去海大富身後，見到一樽樽嘅嘢）：嘩？ ！
• 海大富：你又做咩呀？
• 韋小寶：公公呀，玻璃樽里便裝住啲一份份系咩嚟？ （用手指搉啲樽）
• 海大富：鞭！
• 韋小寶：鞭？
• 海大富：第一樽系鹿鞭，（韋小寶一樽樽欣賞）第二樽系虎鞭，第三樽系牛鞭……
• 韋小寶：哦，第四樽一定係大笨象鞭！
• 海大富：唔係，係人鞭。系我淨身嗰陣切落嚟嘅寶貝。
• 韋小寶：嘩，原來你又係咁大架？ ！我以為淨係得我添！
• 小桂子：今朝抹樽嗰陣調轉咗呀，（將嗰樽“大笨象鞭”攞落嚟）嗰樽先至系，呢樽系蘿蔔嚟架。
• 韋小寶：哦，睇過（擺著看），乜都睇唔到嘅餵？ ！
• 小桂子：（畀放大鏡韋小寶）嗱，呢個睇得清楚啲架！
• 韋小寶：（把放大鏡放在眼前）哦，睇到嘞！嘩！好骨致㖞。
• 海大富：我一歲就淨身，算架勢架嘞！
• 韋小寶：幫你淨身嗰位重架勢啦！真好眼呀！
• 海大富：人人嘅寶貝都擺喺寶貝房，我嘅寶貝怕唔見，所以就擺喺呢度。
• 韋小寶：公公你請放心，我會幫你及住架嘞。 （忽然欠身）弊！想屙尿！

• （公公擺手示意。）
• 韋小寶：哦。公公呀，你屙尿呢，企響處定踎響處？
• 海大富：你講咩呀？ ！
• 韋小寶：（笑住走去屙尿）慌你唔係趴響處？ （見到成排人）嘩？ ！屙尿都要排隊？睬你都傻。 （走去最前）哎，老友，一齊你唔介意呀呵？ （側眼睄嚇隔籬條友，見有異）屙尿屙到七孔流血，你都算系第一個囉！ （睇後便，嚇到辮仔戙起，跑返出嚟，喺海公公面前停低，驚到講唔到嘢）
• 海大富：小春子，你練嘅系咩武功呀？練到條辮都直曬咁厲害嘅？
• 韋小寶：入……
• 海大富：入便咩呀？
• 韋小寶：好多……
• 海大富：好多死屍吖嘛！
• 韋小寶：你點知架？ （摸嚇條辮）你又知我條辮都直埋嘅？
• 海大富：（除咗副眼鏡）我有眼睇嘅！
• 韋小寶：啊？ ！乜你唔係盲嘅咩？
• 海大富：邊個話你聽我盲架？
• 韋小寶：噉又冇。
• 海大富：如果唔係我身邊嘅小太監全部都死曬，今晚絕對唔會破例未將你淨身就帶你入宮。
• 韋小寶：嚇？
• 海大富：今晚就同小桂子潛入太后嘅寢宮，幫我揾一樣好緊要嘅嘢返嚟。
• 小桂子（突然跪地）：公公！求公公饒命呀，個個手足入親去太后寢宮，第二朝都死喺禦花園嗰度，全身經脈都凍到結曬冰。求公公放過小桂子呀，饒命呀公公！
• 韋小寶：噉你就唔好咁冇膽，我新嚟就話可以唔去啫，你話曬喺度做咗咁耐都詐型就講唔通嘅。公公，你放心呀，我勸服佢陣間一個人去。
• （對公公：公公，請你放心，等我勸服他只讓他一個人去。小寶到小桂子身邊。）
• 韋小寶：老老實實啦！你唔去我摷你架！（韋小寶中咗小桂子一拳）
• 韋小寶：（揞住塊面）哎吖！公公，我受咗傷，要請兩日病假休息。今晚想去，都唔去得嘞！

• （小桂子挾持住韋小寶）
• 海大富：小桂子，你以為噉就可以避得開我嘅獨門絕招嘞咩？
• 小桂子：去又死，唔去又死！我點都要搏一搏架！（移至門口，推開韋小寶，飆出去）
• 海大富（運掌）：化-骨-綿-掌！（掌破壁而出，中小桂子）
• 韋小寶：重走？！不過公公你唔使面紅，你能夠隔咁遠一掌將佢打中都實在唔錯，我睇你功力重喺我之上添！

• （小桂子一段段化為血水，剩低啲衫，血流滿地，韋小寶睇到呆曬）
• 海大富（拍小寶兩個肩）：點呀？
• 韋小寶：化……骨……綿……掌？
• 海大富：我啱啱拍你呢兩掌都係吖！
• 韋小寶：啊哈哈哈！估唔到呀！估唔到呀！（暈咗）

• （路上，韋小寶喐嚟喐去，嘻嘻哈哈）
• 海大富（扚起小寶）：做咩呀？
• 韋小寶：我中咗化骨綿掌，啲骨化緊呀！
• 海大富：你正話中嘅系慢性化骨綿掌啫！
• 韋小寶：慢性？
• 海大富：自已睇下隻左手。（韋小寶亮出手臂）呢條綠氣過一咗手踭，你就會全身骨骼盡碎而死。不過，起碼重有一個月時間。
• 韋小寶：公公，我同你無怨無仇，點解你要噉害我呢？
• 海大富：只要你乖乖哋去太后嘅寢宮幫我揾啲嘢返嚟，到時我自然會幫你化解。（又拍了小寶的肩）
• 韋小寶：死火！又中掌！
• 海大富：呢幾下唔係。
• 韋小寶：哦。實在你要我幫你攞啲咩嘢得架？
• 海大富：去攞《四十二章經》。
• 韋小寶：《四十二章經》？
• 海大富：唔好講咁多，即刻上去。

• （到樹上）
• 海大富：唔使驚。嗱，下便就係太后嘅寢宮—慈寧宮。呢個時候佢一定去咗坤和殿度拜神。起碼一個時辰至返嚟，你有大把時候，偷到經之後，馬上攞返嚟畀我。
• 韋小寶：萬一佢突然之間返嚟噉點呀？
• 海大富：我會暗中保護你。落去！
• 韋小寶：點落啫？咁高！
• 海大富：我用掌力送你一程，放心，冇事嘅。
• 韋小寶：喂喂餵……

• （小寶畀送到慈寧宮前）
• 韋小寶：真係冇事㖞。（突然倒地）意外嚟啫！（起身）
• （小寶四圍揾）
• （忽聽宮女唱：“恭迎太后御駕回宮！”）
• （太后回宮）
• 韋小寶：咁快嘅！
• （小寶躲起來）
• 韋小寶：咦，呢個太后都幾巴閉架㖞。
• 宮女：太后，既然鳳體違和，請容奴婢為太后寬衣就寢。
• 韋小寶（匿埋一二角）：嘩！個樣咁惡啃嘅！畀我啃啦。畀我啃啦。

• （太后寬衣）
• 韋小寶：除！除！

• （突一黑衣人（海大富）竄入慈寧宮）
• （皇太后著返件衫，手下宮女出門應戰）
• （皇太后同黑衣人正面交鋒）
• （黑衣人實施調虎離山之計）
• 韋小寶：嘩！原來太后都識武功架？！

• （韋小寶安心入去偷嘢）
• 韋小寶（一揾就揾到《四十二章經》）：啊？唔係吖嘩？咁易揾到嘅！
• 建寧公主（搶咗韋小寶手上嘅《四十二章經》）：餵！死太監仔吖！偷嘢？ ！
• 韋小寶（堆笑）：大號叫乜哥呀？
• 建寧公主：我你都唔識？ ！新嚟架？
• 韋小寶：系吖！點稱呼呀，阿生？
• 建寧公主：阿生？乜你認為我係阿生咩？
• 韋小寶：莫非你又係太監？ ！
• 建寧公主（諗咗嚇）：系吖。
• 韋小寶：哎，噉就咪玩啦，自己友。攞返嚟呀！
• 建寧公主：唔畀。
• 韋小寶：哼！你唔畀我，我唯有摷你架咋㖞！
• （韋小寶中咗建寧公主一拳）
• 韋小寶：家陣你畀我，我都摷你呀！ （又中一鑊）哎吖！ （追打建寧公主）你個死仆街！我殺你個冚家鏟！我殺你個……
• 建寧公主（逃）：救命呀！
• 韋小寶：咪走呀你！
• 建寧公主：阿哥呀！
• 韋小寶（又僕親）：冇事，意外嚟啫！咪走呀！企喺度！

• （建寧公主跑入另一間房）
• 建寧公主：阿哥，救命呀！有人追我呀！阿哥！
• （韋小寶停低）
• 康熙：餵！你係邊個嚟架？
• 韋小寶：唔關你事！
• 康熙（問建寧）：咩事呀？
• 韋小寶：餵！咪以為你兩個人我就驚㖞！你好快啲攞返本嘢落嚟㖞！
• 建寧公主：夠膽你就上嚟吖！
• 康熙：你做咩事同佢爭執啫？！佢系邊個管事太監嘅手下嚟架？等我話畀佢嘅阿頭頭聽，叫佢責罰佢！
• 建寧公主：唔好呀！呢個太監傻傻哋架。佢以為我同你真係太監嚟架！
• 康熙：唔係咁傻啊嘛？
• 建寧公主：重有呀，平時啲人見到我哋驚到好似只鵪鶉噉架嘛。但係佢又唔會呀，佢見到我真係打架。出盡力噉打我架！（康熙叉腰）
• 建寧公主：夠膽就上嚟吖！

• 韋小寶（上樓梯）：就上嚟摷你至得。（行至一半）慌唔係有機關，我冇咁笨。（落返去）系男人就落嚟打過！
• 康熙：你好鍾意打交咩？
• 韋小寶：唔係我鍾意打交，係好多人鍾意畀我打啫！
• 康熙：好！（走落樓梯）你想點打法？
• 韋小寶：嗱，我打交有三大規矩，第一，唔準打我塊面。第二，淨系準打你塊面。（打咗韋小寶一拳）
• 康熙（中招）：哎吖！狡猾小太監吖！（追打韋小寶）

• 康熙：死吖！
• （康熙將韋小寶一腳踢倒）
• 韋小寶：暫停！
• 康熙（欲打）：又想出籠了？
• 韋小寶：嗰條友撻咗我本經。你叫佢畀返我，我同你再打過。好痛呀！停！
• 康熙：你係咪攞咗人啲嘢呀？
• 建寧公主：冇呀！邊有攞佢啲嘢啫？快啲打佢啦，打佢啦！
• 韋小寶（手指指）：嘩！你揸住響手都重話冇呀你！講你聽呀，我返去班馬你就知錯呀！我師父武功蓋世，打個乞嚏你都七孔流血呀！
• 康熙：你師父系邊個呀？
• 韋小寶：就係平生不見陳……公公，便稱英雄也枉然嘅海大富海公公。
• 康熙：海大富係你師父？
• 韋小寶：死未？！
• 大話周星馳站zhouxingchi.cn
• （康熙不禁失笑）
• 韋小寶：驚到笑哩？！
• 康熙：餵！係咪好好玩呀？
• 韋小寶：係就係好玩！不過啲功夫就差啲。餵！不如噉……（咬耳仔）

• （建寧公主寫信）
• 韋小寶：餵！唔使寫信道歉嘞。總之求祈投降畀返本經我就算嘞！
• 康熙：今日到此為止！聽日再同你玩過。如果你聽日打得贏我呢，（扐起嗰本《四十二章經》）就還返呢本經畀你。再送多一本畀你添。
• 韋小寶：你又有多本？！
• 建寧公主：梗係有啦！悶到死！都唔知要嚟做乜！阿哥呀！
• （康熙戥咗個大大嘅印落去）

• （海大富住所）
• 海大富：太后寢宮，竟然有一個武功同年紀都同你差唔多大嘅小太監？
• 韋小寶：咪系！我歷經滄桑，犧牲色相先揾到本《四十二章經》都畀佢搶埋。重要我聽日再摙過呀！話要打贏佢先畀得返我噉講。

• （海大富拍咗韋小寶嘅膊頭一下）
• 韋小寶：哎吖！又一掌！
• 海大富（叉住韋小寶條頸）：你中咗我化骨綿掌，竟然重夠膽講大話？！
• 韋小寶：冇呀，我撻曬你朵重畀佢修多幾件呀。（喺腰間扐出嗰封信）有封嘢話畀你睇添呀！嗱！

• 海大富（讀信，康熙旁白）：公公，呢個小太監好有趣，可惜功夫就差啲。請你將最好嘅武功教畀佢，等佢可以經常陪朕玩！記住，你千祈唔可以責罰佢，亦都唔可以刻薄佢，重要聽曬佢話，不可逆旨。如果唔係，朕會好唔*高興！（睇完）
• 韋小寶：做咩呀？冇咩吖嘛？
• 海大富（態度大變）：唔知小春子公公想學啲咩武功同呢個人比噉呢？
• 韋小寶：（心諗）嘩！睇佢衰樣，真係爭人好多錢噉㖞。想我學功夫呀？！趣趣哋就化骨綿掌啦！
• 海大富：都好！化骨綿掌練得三、五十年都略有小成。
• 韋小寶：嘩！你啲絕世武功喐啲就話練一百幾呀年嘅。化骨綿掌都未練到一半就入棺材嘞！化痰都唔得啦，你真失敗嘅！
• 海大富：噉又係，況且化骨綿掌殺傷力太強，恐防會傷害到皇……
• 韋小寶：皇咩呀？
• 海大富：皇城里便嘅和氣！
• 韋小寶：噉求祈有啲咩撚手嘅耍出嚟等我揀嘞！
• 海大富：好！
• 韋小寶：啊餵！
• 海大富：做咩呀？
• 韋小寶：我打咗成日，肚餓！攞啲嘢出嚟我消夜呀！（海大富掩嘴而笑，乸乸哋嘅）
• （韋小寶享受消夜，海大富辛苦耍功夫）

• 插曲：
• 問我是正是邪未肯理
• 任你用愛用情你歡喜

是非事實胡加渾

• 快拋開一切去嬉戲
• 是狂是放，不管咁多
• 開心去演齣戲
• 韋小寶：揦咁大把嘢，擔泥咩？！見你就辛苦啦！換過把輕手啲嘅嚟呀。
• 海大富：哦。（換刀）

• 插曲：
• 要快樂時你用心揾嚇樂趣！
• 我哋做人最不羈，一切像遊戲！
• 笑住做人最不羈，一切像嬉戲！
• 醒醉之間發癲發夢假假真真

• 韋小寶：嘩！有啲睇頭㖞！幫幫手呀，唔該！（掟個西瓜過去海大富嗰度）

• 插曲：
• 要快活時我開心找快活去！
• 要快樂時你用心揾下樂趣！
• 韋小寶：小喇叭自己阿媽你！切到邊大邊細噉點出大場面呢！換過！換過！

• 插曲：
• 醒醉之間發癲發夢假假真真
• 都不過一齣戲
• 韋小寶：飛上飛落噉好好玩呀？！重細咩家陣？！明知我打緊邊爐吖嘛！發曬啲樹葉落嚟！你幾呀歲人玩少陣好唔好啫？
• 海大富（抌咗把刀）：小春子，嫌三嫌四到底想點？！
• 韋小寶：餵！你要我學功夫架咋㖞！
• （海大富揸韋小寶胸）
• 韋小寶：做咩呀？
• 海大富：重走！
• 韋小寶：餵！你唔厭架咩？
• 海大富：死啦！（搣爛咗韋小寶件衫）
• 韋小寶：咪住！
• 海大富：做咩呀？
• 韋小寶：餵！餵！餵！正話你呢一招呢，咩嘢嘅名堂？
• 海大富：百發百中穿心龍爪手！
• 韋小寶（心諗）：百發百中揸波龍爪手？！
• 海大富：做咩呀？
• 韋小寶：有內涵！我就揀呢招。
• 海大富：係呢招啦嘛？
• 韋小寶：瞓身落去練呀！
• 海大富：嚟呀！我揸！
• 韋小寶：我揸！

• （第二朝）
• 康熙（中招）：你呢招喺邊度學返嚟架？
• 韋小寶：你咪嚟！本來我呢招一留都施展喺女人身上嘅！不過見你個人就冇乜點，破例畀你見識嚇噉解。

• （康熙節節敗退）
• 建寧公主：阿哥，乜你今日咁失威架？唔夠人打嘅！
• 康熙：你千祈唔好過嚟呀！呢個人招招下流！梗揸呢度架！
• 建寧公主：你顧掂你自己先啦！

• （康熙打韋小寶塊面）
• 韋小寶：餵！話明唔準打麵架㖞！
• 康熙：噉你又揸我胸？
• 韋小寶：揸你咪揸你囉。你又唔係靠對波揾食。我呢啲靠塊面口揾食架嘛！
• 康熙：你呢個小太監呀，油腔滑調！卑鄙下流！
• 韋小寶：你唔係太監！全個紫禁城淨係得皇上有啫啫架咋！你以為自己乜水呀？

• 康熙（撻低韋小寶）：重有咩好講？
• 韋小寶：你投唔投降？
• 康熙：無厘頭！
• （韋小寶趁機揸康熙下體，康熙痛到）
• 康熙：好痛呀！
• 韋小寶：投唔投降？
• 康熙：好痛呀！放手呀！放手呀！我投降喇！
• 韋小寶：贏咗！
• 建寧公主：哥呀，乜你咁渣架？

• 康熙：有冇搞錯呀？咁大力呀！好痛呀！好痛呀！
• 建寧公主：點呀？
• 韋小寶：係要揸嘅你真係！

• 建寧公主：痛唔痛啫？
• 康熙：梗系痛架啦。

• 韋小寶：乜你有……
• 建寧公主：哎，你頭先咪話過，成個紫禁城淨係得皇上至有……
• 康熙：建寧你……

• 韋小寶（嚇到飛起）：皇上？

• 畫外音：奴才禀告皇上，太子少保鰲拜鰲大人求見！
• 建寧公主：噉點呀？
• 康熙：鰲拜呢個老賊呀！竟然冇朕嘅吩咐，直闖御書房，太放肆嘞！你立即同佢迴避嚇先。快啲啦！快啲啦！
• 建寧公主：快啲匿埋吖！
• 康熙：下便啦！下便啦！

• （鰲拜帶大班大臣撞門入嚟）
• 鰲拜：鰲拜參見皇上！
• 眾大臣：微臣參見皇上！
• 康熙：平身！
• 鰲拜：謝皇上！
• 康熙：鰲少保同埋咁多位大臣嚟求見，係咪有事要禀告？
• 鰲拜：請皇上馬上下一道聖諭，拘禁大學士索尼！
• 康熙：鰲少保！索尼大學士佢同你一樣，系四位先皇欽點輔佐朕嘅顧命大臣之一，功在社稷。點解你無緣無故要將佢拘禁？
• 鰲拜：索尼罪大滔天，搞到百姓怨聲載道，兵部更加對佢不滿。如果唔將佢拘禁查辦嘅，只有難平民憤。所以各位同僚推舉鰲拜，嚟求皇上降旨嘅。
• 康熙：冇憑冇據！點可以隨便拘禁顧命大臣？
• 鰲拜：微臣嘅說話就係憑據，微臣手握天下兵馬，手下何止百萬！微臣口中軍令重於泰山。手上軍旗一揮，千個人頭落地！唔通皇上認為微臣會講大話？就算皇上認為微臣會講大話，唔通滿朝文武百官都講大話？
• 眾臣：請皇上三思！
• 康熙：朕需要參詳一下！
• 鰲拜：百姓身處水深火熱之中，皇上萬萬不能再拖延半刻！
• 康熙：朕需要考慮一下呀！
• 鰲拜：皇上，請準微臣磨墨！

• （台底）
• 韋小寶：佢就係鰲拜呀？
• 建寧公主：系吖！
• 韋小寶：咁惡嘅？！
• 建寧公主：系吖！
• 韋小寶：搞咩啫？我就唔係女人！
• 建寧公主：你知你唔係女人，我夠知你唔係男人咯！
• 韋小寶：Shuuuu！

• （鰲拜磨緊墨）
• 韋小寶（彈起身）：唔好彈呀餵！哎吖！
• 鰲拜（嚇咗一跳）：邊個？
• 韋小寶：系我呀！
• 鰲拜：大膽太監，匿埋喺度做咩呀？ ！
• 韋小寶：你估嚇！
• 鰲拜：人嚟！即刻拖佢出去斬！
• 康熙：咪住！
• 韋小寶：咪住！
• 鰲拜（問康熙）：佢究竟系咩人？
• 康熙：佢系朕嘅心腹！

• （韋小寶松咗一口氣）
• 眾臣（爭相擦鞋）：心腹大人！心腹大人！
• 韋小寶：好話！好話！
• 鰲拜：心腹？點解我從來都未聽過嘅？
• 韋小寶：餵！咁大聲同皇上講嘢？你係咪想死？皇上吉祥！你睇我？過分！你咩名？幾多歲？喺邊度做嘢？ （鰲拜擰轉頭望皇上）唔好望！講！ （教訓眾大臣）起曬身做咩呀你哋？跌返低！ （鬧返鰲拜）你硬系望咩嘢啫？講啦！
• 鰲拜：皇上！我唔理呢個系咩人。我只係要你即刻下令拘禁索尼！
• 韋小寶（擋喺康熙身前）：做咩啫？做乜嘢啫？皇上自有分數，使你一味嚟啫住！基本上索尼飲茶唔畀錢，調戲伯爺婆同勾引你老婆，我哋都知架！
• 鰲拜：你亂講！
• 韋小寶：未講完！其實我就係皇上身邊嘅……臥底！
• 康熙：系！
• 韋小寶：金牌臥底！專門就係臥喺你哋啲隔籬左右呀，嚟到裝呢個索尼嘅同黨蒲頭。你咁急要殺索尼，慌你唔係就係佢同黨？ ！
• 鰲拜：亂噏呀！我手握天下兵馬，膝下何止百萬呀！我使同索尼做同黨？ ！
• 韋小寶：哦！ ……
• 康熙：哦！ ……
• （兩個人手指鰲拜，一時諗唔到講咩好）
• 康熙：哦咩呀？
• 韋小寶：你話吖！
• 康熙：哦！恐嚇！
• 韋小寶：恐嚇皇上！大家都聽到佢恐嚇皇上！
• 眾臣：聽唔到！聽唔到！
• 韋小寶：我同皇上都聽到！呢鑊冇得傾，人嚟，拖出去斬！
• 康熙：餵！
• 韋小寶：咪住！嗱，我見你個人冇乜點，我畀多次機會你，你扯！
• 鰲拜：我殺你個小滑頭！
• 韋小寶：多謝曬！不過殺人唔使勞煩你！只要皇上聖旨一下，大家都要人頭落地。不過唔知你先定我先啫！
• 康熙：鰲少保，索尼嘅事，朕自有解決方法。聽日朕自有賞賜送去你嗰度。你而家同眾大臣先行告退！
• 眾大臣：鰲大人，我哋都係先行告退嘞！
• 鰲拜（大笑）：果然英雄出少年！皇上！微臣告退！
• （鰲拜同班大臣告退）

• （康熙同韋小寶嚇到）
• 建寧公主：阿哥！小春子今次叻過你喇！你頭先驚到縮埋成只鵪鶉噉呀！
• 康熙：今次全靠你嘞！
• 韋小寶：乜說話吖！（跪低）剛才小春子誤揸龍啫，罪該萬死！求皇上恕罪！
• 康熙：不知者不罪！
• 韋小寶：謝皇上！
• 建寧公主：阿哥呀，我覺得小春子好得意呀！不如你賜咗畀我吖！
• 韋小寶：啊？
• 康熙：不得胡鬧！（起身）

• （韋小寶起身）
• 康熙：平身！朕正在用人之際！小春子有勇有謀，膽識過人。你願唔願意為朕效勞？
• 韋小寶：小人實在求之不得。
• 康熙：噉好，朕現在就封你為御前金牌臥底小密探！
• 韋小寶：小人收到。
• 康熙：除咗對付鰲拜之外，重要監視海大富！
• 韋小寶：海公公？！

• 康熙：海大富系先皇嘅心腹，朕最近發現佢行踪詭秘，恐怕另有圖謀。況且海大富對太后有偏見。朕要你監視佢一舉一動，回報畀朕知。
• 韋小寶：系！
• 康熙：朕同你嘅關係，以及今日所發生嘅事，只有我哋三個人知道。如果你洩漏咗出去，朕就將你人頭落地。
• 韋小寶：系嘅！（指建寧公主）如果佢洩漏呢？
• 康熙：一樣會將你人頭落地！
• 韋小寶：皇上處事公正嚴明，小人真係佩服萬分！
• 康熙：以後你隨叫隨到！協助朕監視朝中奸黨！
• 韋小寶：喳！
• 建寧公主：順便監視埋我吖！

• （海大富府上）
• （韋小寶又喺度講古）
• 韋小寶：嗰一招所謂老樹盤根，我一個翻身將佢下盤制住。佢回頭一望！突然打出一招所謂獅子偷桃！
• 海大富：猴子偷桃咋啩？
• 韋小寶：獅子唔偷得桃嘅！獅子唔食生果嘅！你聽古就咪駁古呀，阿炳！（繼續講古）嗱，話說嗰招獅子偷桃，我竟然偷唔到㖞！但係手上就無埕埕多執毛！嗱，大家又估嚇點解吖嗱？
• 海大富：係咪胳肋底毛嚟架？
• 韋小寶：錯曬！
• 海大富：亂噏無謂！（打爛曬啲凳）

• 韋小寶（手揸繩）：你估你係第一個想整我啲台凳咩？我早有準備架啦。
• 海大富：你唔知我除咗化骨綿掌之外，重有化繩綿腿嘅咩？！

• （韋小寶跌落地）
• 海大富：《四十二章經》呢？
• 韋小寶：唔記得咗擺喺邊！
• 海大富：你手上嘅綠氣上到手踭未呀？！
• 韋小寶（撩起衣袖）：就到！不過如果你幫我解咗化骨綿掌毒，我或者會醒返起！
• 海大富（叉住條頸）：你重敢玩花樣？！

• 海大富：邊個？
• 畫外音：海公公，我哋系太后派嚟架。
• 海大富：海大富有病在身！未能出迎幾位姐姐。唔知太后有咩吩咐呢？
• 畫外音：太后想請公公嘅手下小春子去一趟。
• 海大富：係咪小春子有咩過錯呀？
• 畫外音：廢話少講，快啲叫小春子出嚟，我哋趕住復命！
• 海大富：太后做咩事揾你？
• 韋小寶：我靚仔啩！
• 海大富：好！呢度有包五毒散，你有機會就放落太后所飲嘅茶或者酒里便！
• 尾巴：好危險架㖞！
• 海大富：我會暗中保護你！去！

• 韋小寶（開門）：屈完屈一個又一個！
• 宮女：你就係小春子喇嚇嘛？
• 韋小寶：正是！太后揾我嚇嘩？有勞兩位姐姐帶路。

• （宮女掹劍）
• 韋小寶（嚇到飛起）：我冇話唔去㖞！

• 韋小寶：做乜嘢啫？

（韋小寶畀捲入地氈） 韋小寶：餵！姦好喇！千祈唔好殺呀！大家揾食啫，何必攞命呢？係咪噉講呀？！

• （四宮女出門）
• 韋小寶（個心卜卜跳）：唔通我未閹嘅秘密畀太后知道咗？ ！系嘅話就大劑嘞！ （有人開門入嚟）邊個？
• （原來系建寧公主）
• 韋小寶：你？
• 建寧公主：你唔認得我喇？
• 韋小寶：認緊！認緊！
• 建寧公主：你估兄皇唔賜你畀我，你就可以飛出我嘅手指罅咩？ ！我咪一樣可以叫母后嘅宮女捉你返嚟！
• 韋小寶：母后？ ！噉太后咪……
• 建寧公主：太后咪即係我母后，皇帝咪即係我阿哥囉。
• 韋小寶：噉你係％§……
• 建寧公主：見到建寧公主重唔下跪？ ！
• 韋小寶：哦！ （欲跪）
• 建寧公主：遲咗喇！大逆不道，斬！
• 韋小寶：啊？你唔好咁衝動啦！我綁住唔喐得啫！
• 建寧公主：唔理！大逆不道，斬！ （手上無情情多咗把刀仔）挖咗你對眼抑或割咗你個鼻，抑或切咗你唔應該有嘅地方？ ！
• 韋小寶：計我話呢，你不如放咗我出嚟先。至多你叫我做乜我照做啦，好嘛？
• 建寧公主：試嚇先。整個至靚仔嘅樣出嚟睇嚇。
• 韋小寶：唔需要呀。家陣經已系嘞！
• 建寧公主（笑）：噉整個至醜樣嘅樣出嚟睇嚇！
• 韋小寶：唔得㖞！點整都唔會醜架㖞！
• 建寧公主：哈哈哈！或者整個至淫賤嘅樣出嚟睇嚇。
• 韋小寶：更加唔使吖！你照照鏡咪系囉！
• 建寧公主：我呀？ ！ （大笑）

• 建寧公主（打韋小寶塊面）：大膽！呣！係幾好玩㖞！好啦！放你出嚟！

• 建寧公主：哎！哎！餵！不如你扮龜吖！
• 韋小寶：哎！對唔住！扮咩都得！但我唔會扮龜嘅！
• 建寧公主：點解呀？
• 韋小寶：呢個系我原則嚟！
• 建寧公主：噉好啦！你唔扮龜就要畀我打！
• 韋小寶：噉好嘞！我扮龜！
• 建寧公主：我又唔要嘞！打！笑呀！笑！
• 韋小寶：唔好打！
• 建寧公主：繼續笑！笑呀！
• 韋小寶：我都係扮龜呀！扮龜好過癮架！系吖！
• 建寧公主：噉呀？
• 韋小寶：系吖！你信我呀！
• 建寧公主：噉好啦，噉你扮一隻畀我打嘅龜！（用藤條猛抽韋小寶）扮呀！快啲扮呀！扮唔扮呀？打到你扮！
• 韋小寶：好咯㖞！小喇叭！（忍無可忍，一拳打到建寧公主飛起）點解？點解你要迫我？

• 建寧公主（攬實韋小寶隻腳）：嚟呀！我求你呀！你打我啦！
• 韋小寶：你講笑咋嚇嘩？
• 建寧公主：系吖，唔該你吖！你用你最厲害嗰招嚟打我吖！嚟呀！
• 韋小寶：我由頭到尾得一招架咋㖞！
• 建寧公主：噉你就用嗰招呀！嚟呀！唔該你吖！打我呀！打我呀！
• 韋小寶：餵！噉點好意思呀？
• 建寧公主：快啲啦！快啲呀！等我呀！
• 韋小寶：怕咗你嘞！公主，請接招喇！（韋小寶施展揸波龍爪手）

• （韋小寶失身於建寧公主，韋小寶喺度抹眼淚）
• 建寧公主：傻仔嚟嘅！喊咩啫？我會好好噉對你架嘛！
• 韋小寶：呣！你係至好呀！你呀！
• 建寧公主：我有分數喇！嗱，有件新衫呀，著住佢先啦。唔好畀人睇蝕曬！

• （太后撞門入嚟）
• 太后：建寧，你哋兩個喺度做乜嘢呀？
• 建寧公主：伏匿匿呀！
• 韋小寶：系！梗系啦！
• 太后：建寧，本來你就頑皮任性，我都由得你。但係你竟然同啲小太監喺度胡混！雖然搞唔出啲乜嘢，但係畀人知道咗，你叫我點見人呀？
• 建寧公主：母后，我下次唔敢喇！我真係唔敢喇！
• 韋小寶：呢次算啦！下次唔好喇！

• 韋小寶（想撇）：小人告退！
• 太后：企喺度！
• 韋小寶：嚇？
• 太后：為咗保存公主嘅名譽，唯有委屈你嘞！
• 建寧公主：唔好呀！

• （太后正欲喐手之際，海大富及時出現救咗小春子）

• 海大富（脅持住建寧公主）：你放咗佢先，如果唔係我先殺公主！
• 太后（脅持住韋小寶）：你究竟系邊個？三番四次入我寢宮！知唔知系誅九族嘅大罪呀？
• 海大富：你冒充太后，咪一樣系誅九族嘅大罪！
• 太后：你亂講！
• 海大富：我冇亂講。上一次同你交手，我已經知你用嘅系神龍教嘅武功。你潛伏喺宮內到底有咩目的，快啲講！
• 太后：想我講？！睇你有冇本事喇！（推開韋小寶）

• （海大富大戰假太后）
• 海大富：嚇？金蛇纏獅手？

• （海大富詐死）
• 太后：雕蟲小技，敢同我交手？！

• （太后走去揭開海大富嘅面紗，中咗海大富一掌）
• 海大富：你武功雖然系高，可惜江湖經驗唔及我！
• 韋小寶：撞鬼咯！乜你兩個搞成噉呀？
• 海大富：小春子，你唔使驚！即刻同我殺咗個妖女佢！
• 韋小寶：啊？我雞都未劏過一隻架㖞。唔好揾啲噉嘅嘢搞呀！

• 太后：你夠膽以下犯上？！小春子，攞我呢支神龍刺，喺佢眉心拮落去。我封你做大官！
• 韋小寶：你唔殺我都算偷笑啦！重話畀官我做？！信你唔過㖞！
• 海大富：你唔好信佢！佢嘅真氣畀我打亂，一喐就會走火入魔，你快啲攞支刺刺落佢頭頂度！
• 韋小寶：餵！你兩個霎氣唔關我事啫！當我冇嚟過好唔好呀？
• 海大富：小春子，快啲殺咗佢。如果唔係，我死咗就冇人幫你解化骨綿掌毒架！
• 太后：我幫你解！
• 海大富：佢亂講！佢唔識解化骨綿掌毒嘅！

• 畫外音：皇上駕到！
• 太后：皇上駕到嘞！見到噉樣嘅情形，佢一定唔會信你嘅。一定會殺咗你先。
• 海大富：我就拼住走火入魔，都要先攞你命！（企起身）

• 韋小寶：喂喂！唔好咁衝動！你嗱嗱聲幫我解咗毒先啦！哎吖！怕咗你嘞真係！
• 韋小寶：噉系吖嘛！
• 海大富：唔好阻住！
• （韋小寶一個唔小心，將支神龍刺插入海大富身體）
• 海大富（表情複雜）：你……
• 韋小寶：我冇心架！

• （海大富飛出慈寧宮）

• （皇上後腳趕到）
• 皇上：母后！母后！朕剛才經過慈寧宮，突然聽到有巨響！唔知發生咩事呢！
• 太后：頭先有個黑衣人想行刺哀家！好彩得呢位小太監捨命相救，母后先至冇事咋！
• 皇上：小春子，見唔見黑衣人呀？（韋小寶猶豫不決）見唔見嗱？
• 韋小寶：見！但係睇唔清楚佢系邊個。公主喺里便都畀佢點咗脈暈咗！
• 皇上：人嚟！快啲請太醫救公主！加強附近所有戒備！
• 手下：喳！
• 皇上：母后你受驚，你先入去休息一下。
• 韋小寶（想扶太后入去休息）：系吖！系吖！
• 太后：唔使你扶！（轉身入寢宮）

• 皇上：有冇發現呀？
• 韋小寶：暫時重未有！
• 皇上：重唔快啲去監視海大富？！快啲呀！
• 韋小寶：哦！

• （韋小寶返海大富寢宮）
• 韋小寶（驚驚哋）：你保你大呀公公！就算你真係死咗都好，千祈唔好返嚟嚇我呀！唔該唔該！

• （海大富失驚無神噉喺韋小寶，嚇咗韋小寶一大餐）
• 韋小寶：唔關我事架公公！你要揾就揾阿太后或者揾……阿邊個都好啦！總之你唔好揾我！最多七月十四我燒多啲嘢畀你呀！冤有頭債有主大佬！唔關我事架！（掩面）
• 海大富：啫啫！你係啫啫！啫啫呢度！啫啫！
• 韋小寶：條脷似你啫啫，係呀！係呀！
• 海大富；唔係唔係唔係！你個樣似我啫啫！
• 韋小寶：公公！你話我條脷就冇所謂，話我樣我接受唔到嘞！

• 海大富：你個樣系啫啫！啫啫……
• 韋小寶（心諗）：語無倫次嘅，黐咗線？
• 海大富：你成個啫啫！
• 韋小寶：想揾啫啫呀？跟我嚟！
• 海大富：啫啫呢度！呢度！呢度啫啫！呢度！
• 韋小寶（抱住嗰樽鞭）：啫啫喺呢度！
• 海大富：喺呢度！
• 韋小寶：你而家即刻飲咗佢，飲咗就會有返條啫啫架嘞！（海大富抱住樽鞭）重有，我過去嗰便畀啲藥你食！食咗之後呢，條啫啫就變到老年咁大！
• 海大富：老年咁大？
• 韋小寶：老年咁大！
• 海大富：好嘢！（飲）

• 韋小寶：卅六著，走為上著！（撞正海大富）
• 海大富：我飲曬嘞！冇啫啫嘅？！啫啫呢？又話有藥食？！畀啲藥食！快啲畀啲藥食呀！畀啲藥我食！快啲啦！快啲啦！我要食！

• 海大富：有藥食呀！
• 韋小寶：唔好呀！嗰啲五毒散嚟架！公公！
• 海大富：好食呀！
• （海大富誤食五毒散）
• 韋小寶：唔係走火入魔嚇嘩？
• （海大富四圍跳，最後瞓喺地下）

• 韋小寶：公公！
• （海大富突然起身）
• （海大富模仿韋小寶嘅一舉一動）

• 韋小寶：公公！你冇嘢吖嘛？
• 海大富：公公！你冇嘢吖嘛？
• 韋小寶：我問你呀！
• 海大富：我問你呀！
• 韋小寶：你做乜學我講嘢呀？
• 海大富：你做乜學我講嘢呀？

• （韋小寶試嚇冚自己一巴，海大富都照做）
• 韋小寶：真係咁聽話？！
• 海大富：真係咁聽話？！
• 韋小寶：哦，呢趟發達咯！
• 海大富：哦，呢趟發達咯！
• 韋小寶：快啲幫我解咗化骨綿掌毒！
• 海大富：快啲幫我解咗化骨綿掌毒！
• 韋小寶：呀，唔係！
• 海大富：呀，唔係！
• 韋小寶：我幫你解咗化骨綿掌毒！嘟嘟嘟嘟嘟！
• 海大富：解你條啫！

• （御書房）
• 韋小寶：皇上開恩！小春子照皇上嘅意思去監視海公公。點知畀佢發現咗。
• 康熙：點會發現架？
• 韋小寶：皆因小春子發開口夢！畀佢聽到曬一切，重想殺我滅口。好在小春子喺打鬥嘅時候不斷叫住皇上個名，如有神助。重無端端點中埋佢嘅死穴！家陣海公公經已黐咗線。求皇上開恩恕罪！
• 康熙：噉你嘅膽真係好大！
• 韋小寶：系吖！系吖！我嘅膽唔細架！
• 康熙：居然冒充太監欺騙朕！
• 韋小寶：奴才不敢！
• 康熙：重講大話？！朕經已睇過曬所有太監名冊，根本冇你個名！淨身記錄亦都冇！你究竟喺邊度嚟嘅？
• 韋小寶：實不相瞞，小春子係被迫架。本來我入宮系想做蘇拉架啫！點知畀海公公見到，都唔知貪我乜嘢好，夾硬迫我入宮做太監做到而家。小春子真係冇心欺騙皇上嘅！
• 康熙：好！噉你平身先！
• 韋小寶：謝皇上！
• 康熙：你老實同朕講！你……淨咗身未？
• 韋小寶：未！

• （康熙揸韋小寶嗰度）
• 韋小寶：善有善恩！惡有惡報！天理循環！天公地道！我曾誤揸龍啫，今日皇上揸我，實在揸得有教育意義之極。我對皇上景仰之心有如滔滔江水綿綿不絕，又有如黃河氾濫，一發不可收拾！
• 康熙：夠嘞！呢次系報你上次揸朕之仇！一人揸一次，各不相欠！
• 韋小寶：謝主龍揸！
• 康熙：你唔係太監都好！根據前朝列祖訂下嘅禁例，太監系唔可以乾涉朝政！你唔係太監朕可以賜你一官半職。你叫咩名？
• 韋小寶：奴才姓韋名小寶，京城人士。
• 康熙：鰲拜殺咗索尼！
• 韋小寶：嚇？
• 康熙：鰲拜迫朕一步！朕就要退一步！朕覺得呢個時候，根本已經退無可退！
• 韋小寶：鰲拜呢條粉腸我唔會放過佢嘅。
• 康熙：鰲拜手執天下兵馬，朕如果稍有舉動，我恐怕佢會……造反！
• 韋小寶：不過天下兵馬佢唔會日日帶住四圍行架啫！我哋可以睺佢一個人嘅時候舂佢！
• 康熙：朕正有此意！多隆！多隆！

• 多隆（失驚無神走出嚟）：多隆叩見皇上！
• 韋小寶：你喺邊度走出嚟架？
• 多隆：咁秘密嘅嘢，點話得你下人知呀！
• 韋小寶：噉又係！
• 康熙：多隆系御前帶刀伺衛首領，忠心報國！韋小寶系……朕嘅心腹！
• （多隆面露驚喜之貌）
• 康熙：今日召集你兩位嚟，就係想同大家商議一下，點先可以，先可以製造到機會畀你兩個一齊去殺鰲拜！（轉身，見到韋小寶同多隆標曬冷汗）你兩個好驚咩？
• 韋小寶、多隆：唔……唔驚！
• 康熙：今日嘅事如果有第四個人知道，朕就將你兩個人頭落地。朕經已準備召鰲拜嚟御書房。睇嚇有啲咩辦法可以將佢殺死！
• 韋小寶（靈機一觸）：我哋可以用古代荊軻刺秦王嗰條橋，實行圖窮匕現，將佢搞掂！

• 韋小寶：又或者可以畀毒酒佢飲。
• 多隆：如果鰲拜真係唔死嘅話，微臣就埋伏十二個武功高強嘅伺衛，將佢亂刀斬死！
• 康熙：鰲拜武功高強，恐怕你哋殺唔到佢！
• 韋小寶：都未必嘅，我哋重可以裝機關！

• 康熙：好！
• 韋小寶：況且我哋重有一個高手！
• 康熙：邊個？
• 韋小寶：就係黐咗線嘅海公公！
• 康熙：海公公？！
• 韋小寶：佢黐線黐到我做乜，佢就跟住做乜。我哋大可以利用佢嚟扮成另外一個人走去暗算鰲拜！
• 康熙：扮邊個？

• （海大富扮關公）
• 韋小寶：扮關二哥！
• 海大富：扮關二哥！
• 韋小寶：我哋叫鰲拜嚟，然後屈佢不忠不義。
• 海大富：我哋叫鰲拜嚟，然後屈佢不忠不義。
• 韋小寶：要佢跪喺關二哥面前發誓！
• 海大富：要佢跪喺關二哥面前發誓！
• 韋小寶：佢份人誓願當食生菜，一定“loe”飯應嘅！
• 海大富：佢份人誓願當食生菜，一定“loe”飯應嘅！
• 韋小寶：到時唔跪就由自可，佢一跪嘅時候，我就手起刀落！
• 海大富：到時唔跪就由自可，佢一跪嘅時候，我就手起刀落！
• 韋小寶：唔好呀！
• 海大富：唔好呀！
• 韋小寶：好險！
• 海大富：好險！
• （韋小寶頂帽畀劈開兩半）

• 康熙：準卿所奏！聽日午時喐手刺殺鰲拜！
• 韋小寶、多隆：謝主龍恩！

• （韋小寶同多隆出御書房）
• 多隆：韋大人，咩事咁痛楚呀？
• 韋小寶（痛楚萬分）：正話畀皇上揸咗四嘢，抌咗八嘢！
• 多隆：韋大人竟然可以忍到而家？！真係堅毅不屈呀。卑職對韋大人嘅景仰，真係如滔滔江水連綿不絕。
• 韋小寶：又有如黃河氾濫，一發不可收拾吖嘛！餵！我諗住噉呀……
• 多隆：我諗住噉呀……
• （兩人同時攞咗張黃紙出嚟）
• 韋小寶、多隆：同你燒黃紙做兄弟！
• 多隆：買燒肉、斬雞！
• 韋小寶：餵！買燒肉叫雞會唔會好啲呢？

• （御書房）
• 畫外音：鰲少保鰲大人到！（鰲拜氣勢迫人）
• 韋小寶：鰲少保，皇上請你入嚟！
• 鰲拜：微臣鰲拜叩見皇上！唔知皇上召微臣嚟，有咩差遣呢？
• 康熙：賜坐！
• （鰲拜坐定）
• 康熙：俄羅斯人同本朝疆界一向糾纏不清。日前派遣使臣送上地圖，要與本朝商議新疆界。朕希望聽嚇鰲少保你嘅意見。
• 鰲拜：微臣想睇嚇幅圖先。
• 康熙：鰲少保，急亦急不在一時。人嚟，賜酒！

• （多隆扮成宮女端酒畀鰲拜）
• 韋小寶（攞幅地圖畀鰲拜睇）：鰲少保，呢幅就係俄羅斯人獻上嘅地圖，請過目！

• （地圖慢慢展開）
• 鰲拜（收埋地圖）：荊軻刺秦王呢招，結果自己都失敗。我真係估唔到，呢啲咁蠢嘅嘢，皇上居然都會學嘅。
• 康熙（拍台）：大膽鰲拜，竟敢對朕無理！
• 多隆：哼！水浸眼眉都唔知，你知唔知正話飲嗰啲系毒酒嚟架？
• 鰲拜：區區毒酒，我已經運內力迫咗出嚟！你試嚇。（用毒酒灌多隆）
• 多隆：救命呀！解藥呀！（走咗出去）

• 韋小寶：開機關！（唔小心韞埋自己）弊！好彩佢鎖住，冇咁驚！
• （鰲拜破咗機關）
• 韋小寶：救命呀！皇上！

• 鰲拜：皇上，本來君要臣死，臣不能不死。如果噉樣對鰲拜嘅，鰲拜絕不甘心。
• 康熙：大膽鰲拜，朕知你武功蓋世，本來想試嚇你架啫。你竟敢道出大逆不道之言？！
• 鰲拜：試我武功？！
• 康熙：當然啦！好！既然你話你自己系赤膽忠肝嘅，你大可以喺關二哥面前立下毒誓，話永遠效忠朕呀！
• 鰲拜：好！

• 鰲拜（喺海公公面前跪低）：鰲拜一生精忠為國，死而後已，如果有半點虛言，五雷轟頂而死！

• （弊弊冇咁弊，海公公瞌著咗）

• 韋小寶（走去海公公身邊）：關二哥顯靈喇！關二哥打鼻鼾嗱！聽唔聽到呀？（用力搣咗海公公蘿柚一嘢）

• 韋小寶：我斬！

• 海公公：我斬！（海公公劈爛咗鰲拜頂帽，但係個頭冇事）十三太保橫練金鐘罩？！

• 康熙：護駕！護駕！

• 多隆（帶住一班人撞門入嚟）：護駕！

• （鰲拜刀槍不入）

• 韋小寶：佢打唔死噉嘅？！
• 海大富：十三太保橫練金鐘罩，刀槍不入，水火不侵。
• 韋小寶：噉咪天下無敵？
• 海大富：我哋功佢下陰，插佢雙眼。
• 韋小寶：咦，你唔係黐咗線嘅咩？

• （班人畀鰲拜殺死曬）
• 海大富：小春子！
• 韋小寶：你唔好理我，自己搞掂佢先啦。嚟緊喇！嚟緊！

• 海大富（揸鰲拜下陰）：死喇！金鐘罩最高境界，縮陽入腹？！化骨綿掌！
• （大戰）

• 韋小寶：護駕！皇上，卑職護駕來遲罪該萬死！
• 康熙：重講咁多？！
• 多隆：皇上，卑職一路都喺度護緊駕！

• 海大富：化骨綿掌！啫啫！啫啫呀！

• 韋小寶：嘩！
• （鰲拜撲向康熙）
• 康熙：護駕！護駕！護駕！
• （康熙迫於無奈，跳落樓梯）
• 韋小寶：救皇上！
• 海大富：啫啫呀！（接住皇上，衝咗出去）
• 韋小寶：等埋！

• （鰲拜企喺韋小寶同多隆身後）
• （多隆暈低）
• 韋小寶：唔好呀！你唔殺得我架！到咗呢個時候，我唯有講個真相過你聽！其實我係你親身仔嚟架！阿爸！揸波龍爪手！（揸鰲拜對波）
• （韋小寶眨嚇眼就松咗人）

• 韋小寶：救命呀！鰲拜作反呀！人嚟吖！啲人死曬去邊呀！救命呀！火燭呀！快啲出嚟救火呀！

• （韋小寶衝入太后寢宮）
• 韋小寶：太后！太后，救命呀！
• 太后：你都好大膽㖞！我唔去揾你，你居然嚟揾我！
• 韋小寶：太后你聽我講，鰲拜作反嗱！佢殺咗皇上，而家嚟緊呢度。話要將你先姦後殺，再姦再殺呀！
• 太后：你講咩話？

• （鰲拜破牆而入）
• 韋小寶：太后你唔使理我，自己走先啦！（撇）

• （太后大戰鰲拜）
• 太后：天蠶絲！
• （鰲拜畀太后搞掂）
• 皇上：保駕！保駕！保駕！保駕！（皇上趕到）母后！母后！

• （韋小寶喺度扮曬嘢）
• 皇上：小寶！你冇事吖嘛？
• 韋小寶：皇上，經過一輪苦戰，我終於將鰲拜呢個反賊收服，得保太后平安，我就算死，都能夠瞑目！
• 皇上：你有冇受傷？
• 韋小寶：哎吖！我受咗內傷！不過如果有幾萬兩銀買啲藥食，應該無礙嘅！
• 皇上：將鰲拜收入天牢！
• 手下：喳！
• 皇上：母后！母后！
• 韋小寶：喂喂餵！

• （皇上入太后見房）
• 皇上：臣兒不孝，令母后受驚！
• 太后：好彩得韋小寶佢捨命救我咋。唔係哀家一定畀鰲拜呢個奸賊所害嘞！
• 韋小寶：微臣愧不敢當！
• 皇上：小寶，呢次你又立咗大功嘞！
• 太后：真可惜呀呵！佢系太監唔做得官呀。
• 皇上：母后明鑑，其實小寶並非系太監。佢系朕安排喺海大富身邊嘅臥底。佢系堂堂嘅男子漢。
• （太后好意外）
• 韋小寶：小寶並唔係存心欺騙，只不過有皇命在身，請大人恕罪！

• 多隆：韋大人咪可以做官？！
• 皇上：韋小寶聽封！
• 韋小寶：喳！
• 皇上：朕而家封你為，吳多閣大學士，御賜黃馬褂，負責抄封鰲拜家宅！多隆，你負責協助韋學士！
• 韋小寶、多隆：謝主上！

• （鰲府）
• 韋小寶（將一錠金收入袖）：憂懷國恨……呀……心暗傷！（喊）
• 多隆：大人，唱得唔好唔使喊嘅！
• 韋小寶（拍台）：混賬！我係因為傷心而喊。估唔到鰲拜呢個奸賊刮埋咁多民脂民膏。我係為國家為人民而喊嘅！（喊）
• 多隆：偉大！偉大呀，大人！
• 手足：多大人！ （獻上鰲拜嘅數簿）
• 多隆：大人，初步點算，鰲拜嘅家產總共系三十八萬兩！
• 韋小寶：呢個奸賊，居然落格落咗咁多錢！嗨！我呢世人至憎人落格嘅！ （手指多隆）一定要啟奏皇上，將落格嘅人五馬分屍。
• 多隆（少少驚）：大人！小人少少睇錯！鰲拜嘅家產應該系三百八十萬兩至真。
• 韋小寶：嚇？ ！仇恨似海一樣……永難忘！我一定要再啟奏皇上，要佢恢復明朝對付貪官嘅剝皮法。知唔知點呀？

多隆：點呀？

• 韋小寶：首先將你個人呢，埋喺啲沙裡面，壅住，凸出個死人頭。然後就揾把刀呢就喺你嘅頭頂中間劏開，擘大個死人竉。再揾啲水銀呢灌入去你嘅傷口里便。嘩！你成個人當堂就痕到冇法止架。
• 多隆：冇法止就點呀？
• 韋小寶：冇法止唔搏命掙扎想揾竉鑽囉，咁啱見頭頂有個竉呀。嘩！連層皮都唔要嘞，“啜”一聲噉鑽咗出嚟。不知何年何月得償所望。見痕唔見呀你？
• 多隆：好痕呀大人。卑職睇清楚鰲拜嘅總資產系一千三百八十萬兩。重有好多系冇記錄嘅。卑職建議將全部拎曬去大人府上，等大人點清楚至呈上去呀。大人！
• 韋小寶：好！好！ （行開）

• （見到好多人跪喺地下）
• 韋小寶：做乜咁多人跪曬響處？
• 多隆：禀告大人，呢啲冚棒唥鰲拜嘅老婆嚟架。
• 韋小寶：咁後生？！一定係畀鰲拜迫嘅。真可憐！（扶起條女）一睇就知佢唔夠瞓！即刻送去我屋企等我同佢瞓返兩晚。（扶起第二個）鰲拜果然心狠手辣，你睇嚇將佢打到腫成噉樣樣，即刻送去我屋企等我同佢醫。（第三個）金毛獅王嚟㖞！鰲拜通番賣國，呢個一定係洋鬼子女間諜！送去我屋企等我嚴刑拷問！（第四個）嘩！*黑柴都有？！送埋去我屋企！
• 多隆：咁黑都要呀？！
• 韋小寶：熄咗燈一樣架啫！（第五個）嚇？鰲拜呢個契弟，果然由八歲到八十歲都唔肯放過呀！
• 多隆：大人有啲誤會，呢個唔係鰲拜老婆。系鰲拜老母呀！啃唔啃埋呀？
• 韋小寶：送去你屋企！
• 多隆：送我屋企做咩呀？
• 韋小寶：家有一老就如有一寶，家下醒件寶畀你㖞！抵請消夜嘞啩？

• 鰲拜老母：好呀！好呀！
• 多隆：好咩呀？抦你吖嗱！

• 手足：啟禀韋大人，喺鰲拜寶庫里便揾到一支洋槍，一件天蠶寶甲。
• 韋小寶：乜都打唔入嘅天蠶寶甲？！重有乜都打得入嘅洋槍？！如果用支洋槍打落件寶甲度，你估有咩事會發生呢？
• 多隆：好容易啫，揾一個唔怕死嘅勇士著住件寶甲，大人開一槍試嚇咪知囉！
• 韋小寶：系㖞！

• （韋小寶攞多隆嚟較飛）
• 多隆（嚇到騰騰震）：大人，瞄準啲呀！
• 手足：啟禀韋大人！喺鰲拜嘅暗格里便揾到一本《四十二章經》！
• （韋小寶開槍，多隆倒下）

• 韋小寶（睇書）：呢本唔係《四十二章經》，呢本叫《金剛經》，知嘛？
• 手足：系！系！大人。
• 韋小寶：我攞返屋企畀我老母念！ （轉眼見到多隆瞓咗喺地下）嚇？唔係中咗嚇嘩？ ！
• 手足：系吖大人！頭先嗰槍正一正噉射中咗多大人嗱！
• 韋小寶：唉！估唔到連天蠶寶衣都頂唔住！同我好好哋噉殮葬咗佢。
• 手足：知道。
• 韋小寶：重有，佢屋企啲嘢唔好亂喐，過兩日去埋佢屋企抄家。
• 手足：系！大人。

• （麗春院）
• 韋春花：嚟吖！小寶！小寶呀！
• 眾女：韋大人！
• 韋小寶：我同我家姐講兩句說話，大家借開一陣先嚇！
• 韋春花：行開啲啦！行開啲啦！細佬呀，你真係做咗官呀？
• 韋小寶：系吖，重貪污咗幾千萬呀。（韋春花大笑）不過我家陣要走路架嘞，專登嚟帶埋你一齊去。
• （韋春花開心過度，暈咗）
• 韋小寶：家姐呀！家姐！（探鼻息）暈咗啫！重未死！快啲揾人嚟救醒佢！（轉身，一個人失驚無神戙咗喺面前）
• 陳近南：小寶！
• 韋小寶：太近睇唔清楚呀！閣下邊位吖？
• （陳近南拉開韋小寶）
• 韋小寶：師父，乜係你呀？！
• 陳近南：你喺宮里便所做嘅好事我冚棒唥知道曬。
• 韋小寶：唔係好明白噃。
• 陳近南：你眉心有股黑氣，係咪中咗毒呀？
• 韋小寶：系吖！系吖！我中咗慢性化骨綿掌呀！好淒涼呀，師父！
• （陳近南捋高韋小寶衫袖）
• 韋小寶：你睇嚇！想想辦法救嚇我吖，師父！
• （陳近南幫韋小寶解咗毒）

• 韋小寶：做咩呀？
• 陳近南：毒已經解咗嘞！
• 韋小寶：我都知道實醫得返好架！多謝師父！
• 陳近南：跟我返去！我有嘢同你傾！

• （天地會總部）
• 陳近南：我陳近南以總舵主嘅身份，升韋小寶為青木堂香主！
• 眾人：恭喜韋香主！
• 韋小寶：青木堂香主？！
• 陳近南（扐出一塊牌）：呢一個就係青木堂嘅令牌。本會嘅大敵鰲拜雖然畀韋香主捉住，而家韞喺天牢里便。但係有消息話，鰲拜嘅師弟同埋七大紅衣喇嘛將會嚟營救佢。所以韋香主就要先下手為強，將鰲拜呢個奸賊正法，同時將滿清嘅狗皇帝剷除！
• 韋小寶：剷除！要徹底地將佢哋鏟完再除！不過只怕細佬一個人嘅力量有限！
• 陳近南（細細聲）：你個龜蛋！左刮右刮，刮埋咁多油水！你而家錢銀同女人都有，重唔想出返啲力？
• 韋小寶：錢銀有啲，呃啖粥水食嚇啫。女人冇噃！
• 陳近南：出嚟！
• 韋小寶：邊個？（雙兒從天而降）

• 雙兒：雙兒拜見公子！
• 陳近南：佢兩個系孖生姊妹，一生出嚟就係連體。好彩得到我哋本會嘅神醫，施術將佢兩個分開。所以佢哋一言一語，一舉一動，食飯瞓覺都係一齊！就算系喐手打人，都比普通兩個人厲害一倍。我而家就賜畀你做貼身護法，幫助你剷除鰲拜同埋殺咗個狗皇帝！
• 韋小寶：師父，過嗰邊斟斟哩。

• （韋小寶走去一二角斟盤）
• 韋小寶：餵！你即係明揾兩個人嚟監視住我啫。嗱，老老實實嘞，我揾幾多同你五五分賬，你唔使我返入宮得唔得呀？
• （陳近南無語）
• 韋小寶：六四都有偈傾呀！
• （陳近南無語）
• 韋小寶：想七三呀？！大貪啲啩！
• （陳近南無語）
• 韋小寶：唔通八二咩？你都算冇人性呀你！
• （陳近南無語）
• 韋小寶：你唔係想九一嚇嘩？！噉我寧願返入宮嘞。
• 陳近南：嗱，你話架，我冇講過嘢呀！

• 陳近南：各位兄弟，馬上召集所有人馬，聽晚二更時分聚集喺城門之外。韋香主，你就放煙花為記號，到時我哋就殺入皇城直取鰲拜同埋狗皇帝嘅人頭！
• 眾人：攞佢人頭！攞佢人頭！攞佢人頭！攞佢人頭！……
• 韋小寶：呢鑊傑！

• （敬事房）
• 韋小寶（畀雙兒扮蟹綁住）：我都話唔偷走咯。你綁住我做咩啫？都返到入宮啦，你唔係噉都信我唔過嚇嘩？
• 雙兒：公子請自重，如果公子真係唔走，雙兒馬上為公子鬆綁！
• 韋小寶：餵！我韋小寶外號牙齒當金使，誠實可靠小郎君，並唔係浪得虛名架㖞。我講過嘅嘢一定算數就出曬名架啦！
• 雙兒：好！
• （雙兒同韋小寶鬆綁）

• 韋小寶：你哋唔畀我走無非都係想為國盡忠啫。噉你都要證明一樣嘢我睇嚇得喎。
• 雙兒：咩呀？
• 韋小寶：我要睇嚇你哋係咪真係有心靈感應。你痕就你會痛，你痛就你夾餸！
• 雙兒（點頭）：呣！
• 韋小寶：淨系講冇用嘅，係咪噉話呀？
• 雙兒：要唔要試？

• 韋小寶：好！嗱，你坐喺度，唔好喐！你跟我上嚟！唔好喐呀！（拉埋蚊帳）
• （韋小寶拗雙兒腳板底，兩個嘅反應如出一轍）
• 雙兒：公子，唔好啦！
• 韋小寶：堅架㖞！

• 雙兒：大力啲呀！大力啲呀！唔好停呀！大力啲呀！大力啲呀！唔好停呀！唔好停呀！
• 韋小寶：係時候嘞！

• （韋小寶中咗一巴）
• 韋小寶：呢個實驗證明咗你兩姊妹果然繫心靈相通，更加證明咗我嘅揸波龍爪手的確係百發百中。
• 雙兒：其實，總舵主交得雙兒畀公子你，我哋已經系公子嘅人。只望公子以禮相守，待反清復明後，雙兒一定以身相許。
• 韋小寶：點解你哋唔早講？嗱，而家你坐喺度，唔好喐。你跟我入去再做多個實驗。純粹學術性架啫嚇。

• 建寧公主（喺出便嗌）：小寶！
• 韋小寶：又邊個呀？
• 建寧公主：小寶你喺邊呀？
• 韋小寶：皇帝個妹？！快啲匿入去里便，快啲快啲！（雙兒鑽入床）記住唔好嘈呀！

• 建寧公主：小寶！小寶呀！哦，原來你匿埋喺呢度！呢幾日你去咗邊嗱？你唔使理我架啦！
• 韋小寶：忙吖嘛。
• 建寧公主（端杯茶畀韋小寶飲）：我喺太醫度攞咗啲虎鞭煎咗啲湯畀你補嚇。
• 韋小寶：系？！好！等我用手攞住你只杯嚟飲得。左！右右……！前啲！系！唔該！
• 雙兒：唔使！
• 韋小寶：屋大呀！有回音添！
• 建寧公主：古靈精怪！
• 韋小寶：攤凍些少得！
• 建寧公主：啱飲架喇！
• 韋小寶：好！等我攞起只杯嚟飲得！（倒曬喺自己頭上便）
• 建寧公主：做咩嘥曬啲嘢啫？倒到一頸都係吖！
• 韋小寶：冇！我個人心軟，想話硬頸些少噉解啫。
• 建寧公主：亂噏！
• 韋小寶：飲完囉㖞！好！等我遞返只杯過你得！

• 建寧公主（接過只杯）：你而家系韋爵爺咯㖞。噉重唔快啲向我皇兄提親？！你唔係唔記得嗰晚我哋已經行咗周公之禮架嘞嘛？你係咪唔認吖？我叫皇兄斬咗你個頭落嚟！
• 韋小寶：唔使嚇嘩？
• 建寧公主：唔使？！哦！你有咗第二個女人！
• 韋小寶：冇！傻架你！除咗你之外，任何女人喺我眼中都只係一涿屎！
• 建寧公主：你做咩呀？
• 韋小寶：有蚊呀！
• 建寧公主：有蚊？！
• 韋小寶：夠膽就飛埋嚟我心口度吖嗱。我一搥打死你！拋窒佢嚟先得架要！嚟呀！
• 建寧公主：噉你重唔快脆啲向皇兄提親？！

• （韋小寶畀雙兒打到嘔血，陰功咯）
• 建寧公主：你嘔血呀！
• 韋小寶：熱氣啫！
• 建寧公主：熱氣？！
• 韋小寶：梗系啦！你煲埋曬啲虎鞭湯呀！
• 建寧公主：你賴我啦！賴我啦！你賴死我啦！
• 韋小寶：唔好再講喇！重唔嗱嗱聲去執劑涼茶我飲？！行啦！我就嚟嘔血嘔死喇！

• （建寧公主行開咗）
• 韋小寶：唔好再打喇！再打我死嘞！
• 雙兒：邊個叫你咁衰呀？！

• 建寧公主（一個屈尾十，行返轉頭）：哦！原來你收埋兩隻狐狸精喺度，我叫母后殺咗你哋！（想走）
• 雙兒：追！

• 建寧公主：你哋啲三腳貓功夫，算系我手腳咩？！

• （雙兒收服建寧公主）
• 建寧公主：兩個打一個，算咩英雄呀？！
• 雙兒：唔準嘈呀！
• 畫外音：太后有請韋大人！

• 韋小寶：餵！快啲捉佢上床！

• 韋小寶（出門迎接太后派嚟嘅宮女）：咩貴幹呀？
• 宮女：韋大人，太后有請！
• 韋小寶：又請？！餵！冇乜緊要事就……
• 宮女：太后吩咐，如果韋大人唔去嘅話，就唔好怪奴婢得罪嘞！
• 韋小寶：等等！（入房）

• （雙兒捉住建寧公主）
• 雙兒：點呀？
• 韋小寶：出便嗰兩條八婆非常好武功！我哋唔好冒險！
• 雙兒：噉點算嗱？
• 韋小寶：我跟佢出一出去，好快返嚟！
• 雙兒：公子小心！
• 韋小寶：睇住佢呀！

• （慈寧宮）
• 韋小寶：微臣韋小寶向太后請安！
• 宮女：太后！
• 太后：恭喜你噃，韋爵爺。抄鰲拜嘅家，油水都撈得唔少啦！
• 韋小寶：微臣只知盡忠報國，絕不中飽私囊。韋小寶隻手若然有攞過鰲拜半兩銀，保佑我畀鰲拜摙死！
• 太后：嗰日如果唔係我出手阻止鰲拜，你早就畀佢摙死嘞！
• 韋小寶：太后母儀天下，武功蓋世，微臣感激不盡。
• 太后：鰲拜手上嗰本《四十二章經》，已經落喺你手上啦？ ！
• 韋小寶：《四十二章經》系咩嚟架？
• 太后：唔好喺聰明人面前講大話。你首先夾埋海大富喺我呢度偷咗正紅旗嘅《四十二章經》。跟住我知道皇上賜咗佢手上嗰本正白旗嘅《四十二章經》畀你。而家收入國庫嘅鰲拜家產之中，亦冇正藍旗嘅《四十二章經》，即係畀你攞埋。除咗雲南吳三桂手上嘅正黃旗《四十二章經》之外，四本經你已經得其三。寶藏嘅秘密，你知得好清楚啦！
• 韋小寶：咁難明嘅？ ！太后可否再講多次呀？
• （太后示意兩個宮女除咗韋小寶對鞋）
• 韋小寶：餵！做咩呀你哋？ （宮女除咗韋小寶嘅襪）
• 太后：右腳“清明”！左腳“反復”！你重唔認系天地會嘅人？
• 韋小寶：太后請息怒！系！我認系天地會嘅人，之但係太后你都係神龍教嘅人喎。本來河水不犯井水架。而家你講到咁大聲，即係分明迫我爆架啫！
• 太后：你爆畀邊個聽呀？ ！如果我殺咗你，你報夢畀皇帝聽呀？
• 韋小寶：我睇唔會嘅！要殺，你一早殺咗我啦！你唔想知道嗰三本經嘅下落咩？ （坐低）斟茶！
• （三本經突然出現喺檯面）
• 太后：我一早就跟踪住你，你將呢三本經收埋喺麗春院。跟住出嚟見到陳近南，我跟手就攞返嘞！
• 韋小寶：哈！攞咗嗱？！好咯！攞咗就冇事哩！微臣告退！

• 太后：你估我未睇過《四十二章經》咩？太后嗰本同皇帝嗰本我睇過無數次，仍然唔知道秘密收喺邊度。你講出嚟，或者我可以放你一條生路嘅！
• 韋小寶：既然太后講到噉，不如殺咗我算嘞！不過唔好忘記，我假假哋都叫做韋爵爺。家陣九萬幾人知我嚟咗呢度，包括你個女建寧在內！殺咗我你估你自己甩唔甩到身吖嗱？！
• 太后：你講我就信架嗱！
• 韋小寶：噉你搏一搏囉！
• 太后：你放心！今日系我哋神龍教嚴守嘅齋期，我哋唔可以殺生架！
• 韋小寶：系！早講吖嘛！嚇得人心肝仔卜卜噉跳！真係！
• 太后：不過我相信有個人好樂意殺你喎！

• （天牢，鰲拜囚禁之處）
• 太后：講！秘密究竟系乜嘢？
• 韋小寶：噉算點啫？！我真係唔知架嘛！
• 太后：唔知？！你係咪想落去同佢傾嚇偈呀？！
• 韋小寶：無謂啦！同佢又冇乜好傾架。
• 太后：感情可以慢慢培養架！

• （“ung2”韋小寶落去）
• 韋小寶（縮喺角落頭）：壯士！饒命呀！
• 鰲拜：你個死雜種仔呀！我要殺死你！殺死你！
• 韋小寶（鎮定非常）：過嚟呀！要殺我呀？！等你呀！喺我面前也文也武？！你估真係驚你曉縮陽呀？！鬼唔望你縮到上喉嚨，喺個口度凸返出嚟！你個冚家富貴，冇天裝，食屎屙飯，食屎狗！我就攞涿屎嚟窒死你個死雜*種！你老竇做雞，你老母生花柳，你話！估我唔知呀，你三歲就莊女人沖涼！四歲就迫女人莊你沖涼！五歲你就……

• （敬事房，雙兒及緊）
• 雙兒：韋公子咁耐都未返嚟，唔知有冇事呢？

• （建寧公主趁機逃脫）
• 建寧公主：救命呀！救命呀！母后！母后！

• （建寧公主都係飛唔出雙兒嘅手指罅）
• 建寧公主：大人有大量，大人不記小人過，玩嚇咋。（唔小心扣動機關，原來真太后畀韞喺石室里便）

• （天牢）
• 韋小寶：七十歲你條契弟先醒起去割包皮！七十一歲你就氹啲細路女去睇金魚，查實係非禮人哋。七十二歲你就貼錢去做屎窟鬼，邊個幫襯你送一千兩銀加只燒賣。
• 鰲拜：你鬧到攰嘞咩？！
• 韋小寶：唔係！諗諗嚇頭先四呀歲嗰年鬧得你唔夠絕。就由嗰年開始由頭再鬧過。焗鬼氣真係呀！

• （啲喇嘛衝入天牢嚟營救鰲拜）
• 喇嘛：師兄，我哋喺布達拉宮趕嚟救你架。

• （啲喇嘛將啲鰲拜手上嘅鎖鏈斬斷）
• 喇嘛甲：冇事吖嘛你？
• 喇嘛乙：呢個系咩人呀？
• 韋小寶：壯士饒命呀，我知錯嘞。
• 鰲拜：呢個而家系狗皇帝手上嘅紅人嚟嘅！帶埋佢一齊走做人質呀！
• 喇嘛甲：系！
• 喇嘛乙：走！

• （大樹林）
• 鰲拜：唔好行住！前面就係大內伺衛嘅哨崗。嗰度高手眾多。就靠你哋七個闖關，恐怕闖唔過去嘅。
• 喇嘛：師兄，噉你意思系……
• 鰲拜：你哋同我護法，等我運功迫出身上九支神龍刺，只要我真氣恢復運行。皇城之內，冇人系我對手！
• 喇嘛：好！噉我哋就幫師兄護法！

• （煙花）
• 韋小寶：天地會？！（陳近南蒲頭）師父！
• 陳近南：小寶！鰲拜？！
• 韋小寶：唔好畀佢迫到九支神龍刺出嚟呀！如果唔係就冇人夠佢打架嘞！

• 陳近南：先殺鰲拜，後殺狗皇帝！

• （激戰）
• 韋小寶：師父，要幫手開聲呀！
• 陳近南：踩住我個鈸，唔使理我！

• （韋小寶撞埋一樖樹度）

• （班喇嘛畀陳近南搞掂曬）

• （陳近南畀打翻喺地下）

• 韋小寶：師父！死啦！死啦！鰲拜刀槍不入，重曉縮陽！縮陽？！（諗返起家姐講過嘅說話：如果男人一縮陽呢，只要喺佢尾龍骨大穴位度攞支釵一厾落去，就會“厾咬”，噉樣彈返出嚟架喇。）

• （海大富失驚無神噉喺韋小寶身後蒲頭）
• 海大富：啫啫！
• 韋小寶：餵！餵！餵！餵！
• 海大富：餵！餵！餵！
• 韋小寶：你重未死呀？
• 海大富：你重未死呀？
• 韋小寶：你又黐咗呀？
• 海大富；系吖！我又黐咗呀！
• 韋小寶：哎吖！噉死喇！
• 海大富：哎吖！噉死喇！

• （鰲拜殺到埋身）
• 陳近南：小寶！小心呀！
• 海大富：唔好殺我啫啫呀！

• （海大富同鰲拜搏命）
• 韋小寶：唔好呀！你唔夠佢打架！小心呀，公公！

• （陳近南殺咗鰲拜）
• 韋小寶：師父，你殺咗鰲拜呀！你終於都殺咗佢嘞！
• 陳近南：全靠你嗰位朋友幫手。
• 韋小寶：系吖，唔該曬！嗰個我老友嚟！師父呀，你而家身受重傷，不如唔好殺皇帝住嘞！橫掂你殺咗鰲拜，經已幫各位兄弟報咗大仇。

• （韋小寶扶起陳近南）
• 陳近南：你過去睇嚇你位朋友。
• 韋小寶：師父，你走先啦，呢度交畀我！
• 陳近南：小寶，你萬事小心。
• 韋小寶：你都係。
• （陳近南飛走咗）

• （韋小寶扶起奄奄一息嘅海大富）
• 韋小寶：公公！公公！
• 海大富：啊？小春子！
• 韋小寶：你又醒返嗱？
• 海大富：你唔使驚！我嘅經脈盡碎，已經冇能力再殺你！
• 韋小寶：都係我對你唔住！
• 海大富：算啦！可惜我已經唔可以化解你化骨綿掌嘅毒！
• 韋小寶：師父已經幫我解咗嘞！
• 海大富：太后嘅秘密，你清楚曬未？
• 韋小寶：一早就知啦！原來佢就係……

• 太后：神龍教嘅聖女！
• 海大富：原來系神龍教嘅聖女！小春子，你放心。除非我死咗，如果唔係佢冇本事傷害到你一條毛！
• 韋小寶：嚇嘩？！你重唔走，佢一出手你冇命呀！
• （海大富斷咗氣）
• 韋小寶：唔係嚇嘩？公公！公公！你重唔嗱嗱聲走？佢變咗鬼你重死得快呀！
• 太后：韋小寶，你都算大命！韞你同鰲拜一個監房都唔死得！
• 韋小寶：你唔好亂嚟㖞！你食齋架㖞！
• 太后：已經過咗子時嘞，如果唔即刻交出三本《四十二章經》嘅秘密，你就要去見海大富同鰲拜！

• 畫外音：皇上駕到！

• （康熙騎住馬）
• 韋小寶：皇上！你嚟就好咯！
• 太后：皇上！韋小寶要害我呀！
• 康熙：母后，你點會喺度架？
• 太后：皇上，韋小寶同海大富原來系天地會嘅人。佢哋入寢宮綁走哀家，中途遇上鰲拜同佢哋嗰啲黨羽。兩幫人打起上嚟，全部都死曬！韋小寶重想殺哀家滅口添呀！
• 康熙：咩話？
• 韋小寶：皇上，廢話呢我就唔想多講嘞！實情係呢條友假扮太后，佢其實係神龍教嘅聖女嚟！

• （康熙同韋小寶即刻彈開）
• 康熙：唔係吖嘛？
• 多隆：御林軍戒備！
• 御林軍（彎弓搭箭）：系！

• 太后：皇上，所有天地會嘅人腳底都有反清復明四個字。唔信你叫佢除咗對鞋襪畀你睇嚇啦。
• 康熙：小寶！
• 韋小寶：唔係真架，皇上！
• 太后：人嚟！剝咗韋小寶嘅鞋襪！
• 韋小寶：皇上！咪住！餵！

• （韋小寶左腳刻住“清明”兩字）
• 康熙：清明？！
• 太后：另一隻腳就係“反”同“復”。加埋就係大逆不道嘅“反清復明”四個字。
• 康熙：除埋嗰只睇嚇。
• 韋小寶：唔好哩。

• （韋小寶右腳刻住“重陽”兩字）
• 康熙：重陽？！
• 韋小寶：小寶雖然未讀過書，但係都識得一個孝字。清明同重陽系拜祭先人嘅日子。小寶將佢刻喺腳板上便系想提醒自己準時去拜山啫，皇上！
• 康熙：母后！
• 韋小寶：都話佢唔係太后！佢系用易容術嚟假扮嘅。
• 太后：皇上，你噉都唔信我？

• 建寧公主（帶住真太后出現）：唔信！梗系唔信啦！
• 康熙：母后！建寧！
• 多隆：又多咗一個嘅？！
• 建寧公主：兄皇，唔好信呀，呢個先系真母后嚟架！
• 太后：皇上！佢系假冒架。佢韞咗我喺寢宮，假扮我個樣，已經半年架嘞！

• 韋小寶：皇上，證據確鑿，唔使諗嘞！
• 康熙：放箭！

• （假太后飛上枝頭）
• 假太后：韋小寶，我會記住你嘅！
• （拂袖而去）

• 韋小寶：唔係話要放箭啫，冤有頭……

• 康熙（下跪）：臣兒不孝，連累母后受苦。
• 眾人：太后萬福！
• 太后：好彩得建寧同呢兩位小太監救我咋！
• 建寧（咬耳仔）：系小寶話畀我知嘅！
• 太后：小寶？！

• 康熙（起身）：母后，小寶系臣兒嘅心腹！韋小寶，你今次殺咗鰲拜，揭穿假太后嘅陰謀，立咗大功！朕就封你為鹿鼎公！
• 韋小寶：謝皇上！

• 龍兒：韋小寶，我一定會再返嚟，下次我再出現嘅時候，你一定唔會再認得我係邊個嘅！
• （張敏變咗成林青霞）

(完)