Wq/yue/食神

《食神》（The God of Cookery）係一套港產片，主角係周星馳。

語錄

幻覺嚟嘅啫，嚇我唔倒嘅！
鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，專登加啲咖喱汁將佢做成咖哩魚蛋，但係咁做太天真，因為你煮o既時間唔夠，咖喱味根本只係喺表面，而冇入到裡面，掂到湯之後重要沖走埋。好好地一粒咖喱魚蛋，俾你整到冇魚味亦都冇咖喱味，失敗！蘿蔔冇揀過啦，太多渣，失敗！啲豬皮又煮得太淋，冇咬口，失敗！啲豬紅鬆泡泡，一夾就散，失敗中嘅失敗！最慘係啲大腸，粒面都重未通乾淨，重有舊屎，你有冇攪錯呀﹖(同一番說話喺食神出現過三次，史提芬周and唐牛)
佢高傲，但係宅心人厚﹔佢低調，但係受萬人景仰﹔佢可以將神賜俾人類嘅火運用得出神入化，做出堪稱火之藝術嘅菜式！究竟佢係神嘅化身，定抑或魔鬼嘅使者﹖冇人知，但係有一樣嘢可以肯定嘅，每個人都會俾一個稱號佢 --- 食神！(歐海棠介紹食神)
情與義，值千金，刀山去地獄去有何憾。為知心犧牲有何憾，為嬌娃甘心剖寸心 (大聲叫︰「好兄弟！」同時用隻血淋淋既手大力拍落周星馳個膀頭度) 血淚為情流，一死豈有恨，有誰人敢過問。(莫文蔚雙手血淋淋豪情唱出)
爭咩丫，撈埋黎做個瀨尿牛丸丫笨！(八兩金，呢句本來係周星馳講既，但係八兩金講得有性格啲)
你呀，你唔係多舊魚呀，你呀，你多左好多舊魚呀，你呀。(某廚師)
咦﹖呀Richard個樣好Richard喎！(周星馳)
你估我唔到架啦！(周星馳)
少林寺十八銅人！(少林寺十八銅人每逢擺陣時大叫。注意個陣係只有頭三個人耍功夫，後面啲有啲做金雞獨立，有啲拎摺凳猛車周星馳)
從來冇試過咁清新脫俗o既感覺，牛肉嘅鮮、瀨尿蝦嘅甜，溝埋一齊嘅味道竟然比老鼠斑有過之而無不及，簡直比我嘅初戀更加詩情畫意，所謂「舉頭望明月，低頭思故鄉」，好詩！好詩！(李兆基，食第一啖瀨尿牛丸時墮入清新脫俗地享沙灘起舞時的幻想中時講)

（廟街）
相士：先生，你額有朝天骨，眼中有靈光，仙人托世，神仙下凡，終於畀我等到你。
（史提芬周欲走）
相士：咪喐，雖然我洩露天機，災劫難免，但系我命中注定，就算我冒再大嘅危險，我都要同你睇個全相嘅。
（史提芬周仍然不理）
相士：先生！先生！先生！先生！
（史提芬周幫襯火雞嘅面檔）
史提芬周：唔該畀碗嗱喳面呀。
史提芬周：鹼水面冇過冷河，所以成碗湯有鹼水味。魚蛋亦都冇魚味，但系你為咗掩飾，專登加啲咖喱汁將佢做成咖喱魚蛋，但系噉做太天真嘞，因為你煮嘅時間唔夠，咖喱味根本只系喺表面，而冇入到裡便，掂到湯之後重*要沖走埋。好好哋一粒咖喱魚蛋，畀你整到冇魚味亦都冇咖喱味，失敗！蘿蔔冇揀過啦，太多渣，失敗！豬皮又煮得太腍，冇咬口呀，失敗！啲豬紅松泡泡，一夾就散，失敗中嘅失敗！最慘系啲大腸，裡面都未通乾淨，重有嚿屎，你有冇搞錯呀？（火雞唔理佢）
史提芬周：喂！屎呀喂！（火雞唔理佢）
史提芬周：喂！屎呀喂！（嗌多次）
史提芬周：喂！屎呀喂！（嗌得重大聲）
火雞：攞去抆咗佢吖！（遞廁紙畀史提芬周）
史提芬周：唔好咁幽默好喎！我四圍唱你有屎架喎！
火雞：唱乜鬼嘢呀！話明嗱喳面有兩嚿屎有幾咁奇呀？廿三文呀！
史提芬周：你畀我呀？
火雞：噓！
史提芬周：噓！講咗咁耐嘢畀返卅文嚟睇醫生啦！
火雞：噓！
史提芬周：畀嚇面啦！話曬都食神呀！
火雞：食神？
史提芬周：食神！
（第邊）
相士：你額有朝天骨，眼中有靈光，仙人托世，神仙下凡，終於畀我等到你嘞。
神仙：我神仙喺呢區都起曬朵架啦！使咩你講呀？死婆！
相士：喂！搵食啫，唔使咁hurt我呀嘩？
神仙：死婆！
相士：死佬！
神仙：死婆！
相士：死佬！

……

（全港至尊名廚大賽）
司儀：全港至尊名廚大賽，現在開始！
（好多參賽者向史提芬周鞠躬）
司儀：有請我哋今晚嘅評判——食神！！
（啲記者爭相影相）
司儀：食神首先要品評嘅，就系大龍鳳酒樓嘅總廚，戴龍師傅嘅「皇帝炒飯」。
史提芬周（食咗一啖）：好！居然將啲米釀喺箕圍蝦裡便嚟蒸熟，再用原只吉品鮑魚搾汁，加上極品官燕嚟炒，表面上睇起上嚟平平無奇嘅炒飯，其實金雕玉砌，高深莫測。不愧有炒王嘅稱號。
戴龍：哈…哈…哈…
史提芬周：可惜，水分太多，飯粒太軟影響口感，因為你連炒飯最基本嘅常識都忽略咗。要用隔夜飯炒呀炒王！零分！
戴龍：啊！
司儀：跟住要試食嘅就系錦江飯店大廚劉三師傅嘅「錦繡多味魚」！
史提芬周：嘩！居然用蘇眉頭、星斑背、三刀腩、lap9魚身、奀哥尾嚟重新砌成一條魚，重要一邊蒸一邊炸，每種魚兩種食法，總共十種唔同味道，條魚真系……真系受咗輻射噉喎！睇見就想嘔喇，你重話叫我食？！零分！返屋企自己檢討嚇！
劉三：我……
史提芬周：你咪就系多嚿魚囉你！
廚師甲：唔系多嚿魚，你系多咗幾嚿魚呀！你呀！你呀！你多咗幾嚿魚呀！
司儀：即刻要試食嘅就系御善坊陳東師傅嘅素菜「金縷佛衣」！
史提芬周：咦！呢味齋菜，材料變化豐富，刀工細膩，造型突出，連最難雕嘅豆腐都畀你雕到十分精細喎！雕咗幾耐呀？
陳東：雕咗成日架啦！
史提芬周：噉咪得個雕字！臭曬啦！你聞到嗎？
陳東：聞到。不過，主要呢個菜式呢，顯示我快刀手嘅刀工啫！
史提芬周：唔該伸出你嘅左手。突出你嘅中指。（陳東嘅中指粘咗膠布）
史提芬周：快刀手，就切損手，好嘢！（畀陳東零分）
司儀：而家只系剩得五羊酒家大廚楊震天嗰味「乾坤燒鵝」啫，睇嚟今次要攞冠軍佢好穩陣啦！
史提芬周（用手掂燒鵝）：凍曬嘞！零分！收工！
楊震天：咪住！叫得「乾坤燒鵝」，當然內有乾坤喇。其實，我系食裡便啲禾花雀咋！啲禾花雀吸收燒鵝嘅香味，而且保溫，喺呢個時間食，啱啱好呀！每一個細節，我都計算埋架！食神，你無話可說啩！
司儀：精彩呀！今屆嘅至尊名廚終於誕生嘞！
史提芬周：咪住！都系零分！
楊震天：嚇！
司儀：喂！唔系呀嘩？
楊震天：點解呀？
史提芬周：因為太醜樣嘞。
楊震天：冇可能嘅，我啲禾花雀系百中選一，無論身材、樣貌都系一等一喎！
史提芬周：我並唔系指啲雀，系指閣下！
楊震天：我醜樣！（問旁人）喂！醜樣關餸咩事呀？
史提芬周：關事，試問見到閣下個樣，重邊有胃口食。所以我都唔敢望你。
楊震天：醜樣冇罪架！
史提芬周：有罪，作為一個廚師，應該考慮到食客最細微嘅心理，等於三級片嘅女星，都要去隆胸嚟取悅觀眾，你有啲潛質嘅，不過整咗容先講！
楊震天：呀！（雙手掩面痛哭）
記者：擘開佢只手啦！
司儀：估唔到食神對菜式嘅要求系咁嚴格架！究竟點先可以煮到個無懈可擊嘅餸出嚟呢？
史提芬周：其實煮食之道，最緊要系一個字——（劃咗個「心」字出嚟）
史提芬周：呢味「彩虹鮮花拔絲」，系我送畀大家嘅甜品。
司儀：嚇！繫個心字？！
史提芬周：冇錯，只有用心，先可以做到最好嘅菜！
楊震天：（食咗一啖）好好味呀！

司儀：佢高傲，但系宅心人厚；佢低調，但系受萬人景仰；佢可以將神賜畀人類嘅火運用得出神入化，可以煮出堪稱火之藝術嘅超級菜式！佢究竟系神仙嘅化身，定系地獄嚟嘅使者呢？冇人知，但系可以肯定，每一個人都畀佢一個稱號──食神！（畀史提芬周摑咗一巴）
史提芬周：你就噉神仙嘅化身咪得囉！你講乜嘢地獄嘅使者呀！地獄關我咩事呀？
司儀：我諗住加少少神秘感畀你咋嘛！
史提芬周：你諗住？噉幾時輪到我諗呀喂？神秘感！神你老母！黑曬畫面一眼spotlight打落嚟打到你條粉腸成隻鬼噉呀，你重嫌唔夠神秘感？我而家唔系拍恐怖片呀大佬！
司儀：導演叫架！
史提芬周：嗰個導演你同我搵人買起佢，跟住你再同我搵人買起你。有啲噉嘅廢柴導演呀！要有你啲噉嘅廢柴司儀大家配合埋一齊先嚟sin3到我咋嘛！你而家系咪玩我吖？
司儀：對唔住呀！我保證下次執好啲稿佢吖！我而家去改一改佢。
史提芬周：廢柴！你條廢柴！你記住呀你系一碌廢柴，你唔好行返去，你碌返去好呀你。
史提芬周（走去另一邊）：各位師傅，辛苦曬！
各師傅（拍手）：應該嘅！應該嘅！
（史提芬周同各師傅逐一扼手）
戴龍：心照啦食神！
史提芬周：唔好噉講！唔好噉講！
劉三：應該嘅！
史提芬周：多幾嚿魚呀你！
劉三：練咗好耐架喇。……
陳東：有咩需要幫手開聲呀你。
史提芬周：一定！一定！
楊震天：多謝你封大利市就真！
史提芬周：你知道收咗我大利市嘅咩？你知收到我錢架嚇嘩？噉你唔好成場鬼殺咁嘈啦！
楊震天：我好投入好大聲嚟講架喇！
史提芬周：唔系大聲就好戲架楊師傅！你尤其是最lau1尾嗰句「好好味呀」嗰句呀，你嗌到幾硬幾假呀！盲嘅都知道你做緊戲啦！你有冇職業道德架你呀？
楊震天：當時含住你整嘅水晶膠加雙氧水……
史提芬周：噉梗系水晶膠加雙氧水啦！唔系我撩到個字出嚟！你一早知架嘛呢啲嘢！
楊震天：好難頂吖嘛！
史提芬周：噉梗系難頂啦！而家就系要你難頂咋嘛！你重喺度駁嘴，你以為真系有料呀？有料你企喺度插我唔系我企喺度插你啦！你啲噉嘅死蠢！你畀著我兩年前唔好老脾，我一腳踭你落下便花園道呀，再掛喺皇后像廣場嗰度嚟鞭屍呀！你啲噉嘅……（揦起一堆煙頭塞落楊震天口中）即刻同我含住啲煙頭企喺角落頭呀，嗌「好好味呀」，嗌到我滿意為止呀！
史提芬周：阻唔阻你哋呀？
其他幾位師傅：我哋走先喇。
史提芬周：喂！好呀！好呀！好呀！唔該！唔該！唔該！多謝！
（史提芬周電話響，又走去另一邊）
（財團老闆拋一根煙畀史提芬周。）
史提芬周：喂！你只大快樂升咗幾個價位架喎！你唔通知我嘅？
財團老闆：系咩？我唔知喎！我自己都唔知！我發誓自己都唔知！傾返生意先，我有嚿嘢，諗住借助你嘅大名睇嚇大家有冇得合作嚇。
Richard：即食碗麵。
史提芬周：Maggie。
Maggie：而家市面上流行嘅「即食麵」呢系有五十三種。一年嘅營業額系有十三億，即食碗麵佔其中嘅三十三個percent，競爭都好大。
史提芬周：包裝唔錯呀！
財團老闆：個細侄負責搞嘅，佢好崇拜你架！Richard，叫史提芬哥啦！
Richard：史提芬哥。
史提芬周：咦！Richard，好Richard喎！受過高等教育定嘞！
Richard：系呀！美…美…美國哈佛大學。
史提芬周：美…美…美國哈佛大學。（眾人笑）
Richard：重有英國劍…劍…劍橋大學。
史提芬周：劍…劍…劍橋大學。（眾人大笑）
Richard：雙碩士學位。
（史提芬周拍手大笑）
Richard：或者等我講嚇呢個產品嘅設計吖！（走向史提芬周）
史提芬周：你做咩呀？你行過嚟做咩呀？你喺嗰便講你咪講囉！呢度系你行埋嚟嘅咩？你邊度鄉下呀？
Richard：潮州。
史提芬周：（潮州話）pu你阿母！你曉唔曉規距嘅啫？唉！你真系，重話碩士學位，食屎學位咋啩！
財團老闆：你行過去做咩啫？人地叫你喫屎呀！聽唔聽到呀你呀？
史提芬周：喂！算啦，唔好嚇親啲細侄啦！
財團老闆：噉系吖嘛！呢個細侄我唔教，邊個教佢啫。
史提芬周：定啲嚟呀你，唔好手震呀！嚟！乖啦！奀姑！奀姑！笑返。（Richard笑返）呀！！
史提芬周：喂！你呢碗嘢呢，我睇啲魚蛋曳啲喎！松泡泡冇彈力嘅！
財團老闆：愛嚟食啫！要咁彈做咩呀？打兵乓波呀？哈…哈…哈…
史提芬周：邊個話……唔可以……打兵乓波啫？（魚蛋打中財團老闆塊面三次）原來都幾彈喎！
（財團老闆企起身，睥住史提芬周）
史提芬周：飲杯先啦衰鬼！
財團老闆：衰鬼！喂！呢劑嘢你幾時有興趣幾時搵我！赴湯蹈火。
史提芬周：上刀山落油鑊。
二人：好兄弟！
史提芬周：真繫好兄弟呀！
財團老闆：睇住我呀大佬！
史提芬周：靠你啦大佬！合巹交杯！
（大廈內）
財團老闆：喂！有批牛肉好抵架，有需要咪打呢個電話囉。（畀卡片史提芬周）
史提芬周：鮑魚唔見你益嚇我。
唐牛：借借唔該！（阻喺史提芬周面前）阻大家一陣呀！我叫做唐牛，我系中國廚藝學院一百零五屆畢業生，我煮嘢好好食架。
史提芬周：啱啦！煮嘢好食咪終須乞食囉！餵你請埋曬啲傻仔唔掂架喎！
財團老闆：我唔識佢架大佬，唔系你啲人嚟咩？
史提芬周：阿肥牛，你邊個部門架？
唐牛：唔關事嘅，我行過架咋！
史提芬周：嚇！
唐牛（跪地）：其實我繫好仰慕食神你，所以想睇嚇食神你有冇可能畀個機會我，或者……畀我跟住你執頭執尾呀！
史提芬周：僕你個街呀！
財團老闆：SECU！
史提芬周：做咩啫？
財團老闆：鎖佢囉！
史提芬周：我有話鎖佢咩？
史提芬周：你好想跟我咩？
唐牛：系呀！你叫我做乜都得架！
史提芬周：即刻喺電梯口屙涿屎嚟睇嚇先講啦！
（唐牛喺電梯口踎低除褲，口擔廁紙）
史提芬周：得嘞！呢條肥仔幾掂喎！哈哈！聽日九點鐘，上四十一樓搵Amy啦！
財團老闆：喂！唔系吖嘛！
史提芬周：咩呀？我鍾意呀！
財團老闆：鍾意點就點！嗱！呢啲就Power呀喇！
唐牛：多謝！多謝曬！（財團老闆眼神詭異）

（第日）
職員甲：哎呀！（囉柚插住一支叉）
眾人：做乜事呀？做乜事呀？
職員甲：老世今晚留喺度食飯，我攞錯咗支紅酒上去，而家佢發曬脾氣呀！
職員乙：你攞錯咗邊支上去啫？
職員甲：佢要八二囉。
唐牛：我呢支咪八二囉！
職員甲：我攞錯咗支八三吖嘛！
職員乙：噉重唔嗱嗱聲攞上去？
唐牛：系咯！系咯！系咯！
眾人：你去啦！
（天台）
唐牛：周生，你支八二年呀！（唔小心kik7倒，支酒跌碎）
史提芬周（用毛巾替唐牛抹咗啲鼻血）：肚唔肚餓呀？坐低食嘢啦！
唐牛：點解會噉嘅？
史提芬周：我其實繫個好人嚟架。我都有同情心架。你哋估我唔到架嘞。快啲食嘢啦。
唐牛（耷低頭諗住食嘢，畀史提芬週一手撳落喺蛋糕上面）：點解又會噉嘅？
史提芬周：兜口兜面同你講咗架喇。你估我唔到架嘛。快啲食嘢啦。
唐牛：嚇？一次咪夠囉，重想整多次？！
史提芬周：嘩！畀你估到我想嚟多次我重有面嘅？！噉重得了嘅？！
唐牛：系喎，我真系戇居呀！
（耷低頭諗住食嘢，又畀史提芬週一手撳落喺蛋糕上面）
唐牛：我真系估你唔到呀！
史提芬周：兜口兜面講咗兩勻架啦！畀你班蛋散估到我就唔系食神啦！
唐牛：食神好嘢！
史提芬周：使乜講呀！掂呀！
唐牛：食神好嘢！

（唐朝分店開張日）

史提芬週（向手下交帶啲嘢）：張台有咁窄得咁窄，張凳有咁迫得咁迫咪等啲友坐得咁舒服，食完嗱嗱聲好走。飲管有咁粗得咁粗，冰有咁大嚿放咁大嚿，杯汽水咪雀一聲飲完買過第二杯囉。你係咪新嚟架？呢啲嘢要我教，你唔好一味得個岌，做啦仆街！
女職員：週生，可以剪彩咯㖞！
史提芬週：好！嚟！準備好未？準備好未？預備！（剪完彩）好！
鬼佬：Congratulation！
史提芬週：Thank You！入去食啲嘢！
財團老闆：餵！你間分店又開正喺我大快樂對面，認真唔話得喇！
史提芬週：FRIEN唔FRIEN呀？
財團老闆：衰鬼！

阿水：週生，恭喜！恭喜！
史提芬週：多謝！多謝！
阿水：飲多啲呀。飲多啲呀。

唐牛：陣間一嚟呢就有FANS同你獻花，跟住你上台呢……
史提芬週：邊個識得請啲FANS返嚟獻花咁有計呀？
唐牛：唔係請架！真係你FANS呀！
史提芬週：啊？
唐牛：女學生，斯斯文文，等你好耐架嘞！

　　（史提芬週諗返起自己嘅中學時代）

史提芬週（喺塊鏡前反复練習）：乜咁啱嘅？ ……

靚女：Hi，乜咁啱嘅？拜拜！（史提芬週攬住唐牛，個樣冧曬）

唐牛：週生，週生。獻花呀！
史提芬週：係呀！我知呀！
唐牛：嚟得未呀？
史提芬週：等你咋嘛！

　　（一核突女生撩緊鼻屎，撲埋嚟）

女學生：食神！
史提芬週：咦！有飛蝶㖞！（引開眾人視線，一腳將女學生踢開）

史提芬週：各位！我哋今日慶祝唐朝第五十間分店開張典禮即刻就開始嘞。
唐牛：時辰亦都擇啱曬，可以請阿灶君入廚房嘞！
史提芬週：但係我哋趁住重有些少時間呢，想同大家介紹一下唐朝新推出嘅“刻骨銘心初戀金銀情侶套餐”，孔子同耶穌都講過，“初戀無限美”，所以我哋揀咗呢個題材。加上高貴嘅用料，每個套餐只係賣九十九個九毫九，一嚿水都唔使呀陰功！隨餐重要附送印花一個，集齊印花五個，再加九十九個九毫九就可以換到呢個刻骨銘心嘅骨頭鏈嘴，呢個鏈嘴因為經我食神開光，所以對於青年男女談戀愛有妙不可言嘅功效嘅。
唐牛：加埋印度神油重如虎添翼添呀！
史提芬週：哈哈哈哈哈！
唐牛：不如請阿食神為大家示範嚇點整個套餐呀！
史提芬週：獻嚇醜就少不免架嘞！但係整得唔好大家唔好hoe1好呀！
唐牛：哎！整得唔好你就唔係食神喇！好嘢！好嘢！好嘢！
史提芬週：首先我哋要重金禮聘一啤熱戀中嘅豬，睺佢哋唔為意將佢哋放血。再用佢哋嘅血……
唐牛：即係豬紅吖。
史提芬週：哎！系濃情化不開嘅豬紅。做咩呀？見到啲同類嘅血，有多少難過呀？哈哈哈！
史提芬週：然之後我再將佢哋嘅皮炸成金黃色。
唐牛：即係豬皮吖！
史提芬週：系情比金堅嘅炸豬皮！
唐牛：即係豬皮囉！（眼中閃出殺氣）
史提芬週：再將一生只戀愛一次嘅“巴黎九棍魚”起肉打成魚蛋，再放喺印度嘅感情咖哩上便。
唐牛：咖哩魚蛋？豬紅、豬皮、魚蛋，有冇蘿蔔添呀？
史提芬週：嗨！呢啲人多事呀！呢度唔使你，出去幫手招呼人客！系！其實梗系唔少得代表天長地久嘅韓國野生蘿蔔，同埋一條蕩氣迴腸嘅豬大腸，再鋪喺蔫韌纏綿嘅生面上便。
唐牛：就一家團聚成為一碗街邊嘅嗱喳麵。
史提芬週：哎！哎！哎！哎！
唐牛：呢碗嘢賣九十九個九毫九過唔過分呀？
史提芬週：哎！哎！哎！哎！
唐牛：不過！一碗嗱喳麵能夠整到好食都唔容易㖞！因為越簡單嘅嘢越難整吖嘛！
史提芬週：呀！所以個意義咪止唔係就係噉囉！
唐牛：好！就等我試嚇你碗嗱喳麵呢！
唐牛：咖哩魚蛋冇魚味，咖哩又唔入味，失敗！豬皮煮得太腍，冇咬口，失敗！豬紅鬆泡泡，一夾就散，失敗！蘿蔔揀都冇揀過一口都係渣，失敗中嘅失敗！最離譜系嚿大腸，完全冇通乾淨，重有嚿屎，你有冇搞錯呀？

史提芬週：戙篤笑咩家下叫你做？叻喇！返咗去後台補妝先啦！
唐牛：你噉樣做生意？你有冇良心呀？
史提芬週：SECU！ SECU！（唔見啲保安行動）
唐牛：呢嚿骨頭呀！我每晚有份喺垃圾筒度執架！你夠膽賣成嚿水，你噉樣呃啲顧客我實在睇唔過眼呀！我唔會再幫你做啲噉嘅嘢架！你呢啲咩食神呀？除咗呃人重識唔識煮嘢呀？重識唔識揸鑊吖？重識唔識揸刀呀？
史提芬週：你頂住，我走先！
保安：人哋問緊你嘢，你答咗人先走得架！
史提芬週：咩話？啊？好嘢！
唐牛：你根本就冇資格叫食神！
史提芬週：我唔會喺度同你撐架！你慳啲呀！
唐牛：你連喺街邊賣嗱喳麵都冇資格呀！
史提芬週：對唔住！你已經唔係本集團嘅人。你再喺度發噏瘋我叫警察！你冇資格企喺我面前講嘢，我先系食神！你連同我挽鞋都未夠班呀，契弟！你想玩我？！我唔怕瘀架！嚟呀！嚟呀！我買起你全家都重得呀！
唐牛：你恐嚇我冇用架！
史提芬週：有人喺度搗亂！唔準影！
唐牛：夠膽揦起把菜刀證明畀大家睇你重識煮嘢吖笨！
史提芬週：我唔識？（拿起刀，畀唐牛一羹打飛）
唐牛：身為一個廚師，你連揸刀嘅基本腕力都冇。嘩！（爆衫，一身廚師打扮）

　　（史提芬週呆曬）

唐牛：等我唐牛嚟話你聽，點樣整一碗靚嘅嗱喳麵。

（唐牛整嗱喳麵）　　

唐牛（搞掂）：煮嗱喳麵都要心思架，一字記之曰“心”！我先系真正嘅食神！

（史提芬週回憶舊事）

唐牛：我真係估你唔到呀。我係中國廚藝學院一百零五屆畢業生。我煮嘢好好食架。
史提芬週：煮嘢好食咪終須乞食。煮嘢好食咪終須乞食。
唐牛：食神好嘢！

（史提芬週唔小心打爛咗灶君，咁啱呢個時候衛生署職員入咗嚟。）

衛生幫（出示拘捕令）：阿周生，有五十幾個客人喺你餐廳食咗牛扒餐，感到不適，我哋懷疑你用咗英國嘅走私牛肉，而家請你即刻跟我哋返去協助調查。

　　（史提芬週諗返起財團老闆之前介紹一啲牛肉畀自己）

財團老闆：餵！有批牛肉好抵架，有需要打呢個電話吖。好抵架，有需要打呢個電話吖。

（史提芬週畀搭上孖葉，拉去協助調查。）

（史提芬週見到原來財團老闆同唐牛系夾埋嘅。）
（史提芬週上曬報紙頭條）
（唐牛做咗食神，史提芬周正式破產。）

唐牛：啲凳有咁窄得咁窄，啲飲管有咁粗得咁粗，啲冰有咁大粒得咁大粒，啲薯條有咁熱氣得咁熱氣，等啲僆仔食完之後有咁口渴得咁口渴，呢啲嘢你應該知唔使我講架啦！

廚師：噉樣對啲小朋友嘅健康好似唔係幾好㖞！
唐牛：以前史提芬週除咗插你哋之外有冇開拖打你哋架？
廚師：冇。
唐牛：吆！吆！吆！吆！（將廚師打倒在地）嬲得我吖！唔好迫我吖嘛！我好人嚟架嘛！拉佢出去吖！

（史提芬週欠下巨債無法償還宣布破產）
（史提芬周身敗名裂行踪成迷）

（廟街）

史提芬週：蘿蔔冇揀過啦，太多渣，失敗！豬皮又煮得太腍，冇咬口呀，失敗！啲豬紅鬆泡泡，一夾就散，失敗中嘅失敗！最慘系啲大腸，裡面都未通乾淨，重有嚿屎，你有冇搞錯呀？
火雞：唔奇吖。話明嗱喳麵有兩嚿屎有幾咁奇呀？廿三文呀！
史提芬週：你畀我呀？
火雞：噓！
史提芬週：噓！講咗咁耐嘢畀返卅文嚟睇醫生啦！
火雞：噓！
史提芬週：畀嚇面啦！話曬都食神啦！
火雞：食神？
史提芬週：食神！唔係講笑架，真係！餵！幫幫手啦！做兄弟，一個幾毫都好呀！封返多少吖，真係。拍硬檔吖！

(兩個人走出嚟將史提芬週拳打腳踢）
火雞：算啦！算啦！
兩人：唔好阻住做生意吖嘛！
火雞：得啦！點呀你？
史提芬週：冇事！冇事！冇事！咦！見曬紅添呀真係！嘩！呢鑊真係要睇醫生㖞！畀返多少好㖞！
瘦骨仙：玩嘢嚇嘩？
史提芬週：冇嘢！冇嘢！唔好意思，大佬！
瘦骨仙：你玩嘢我同你玩呀！
史提芬週：唔係！唔係！大家好兄弟好唔好呀？好兄弟，我食神呀，畀嚇面吖大家。對唔住，對唔住，唔好意思，唔好意思，真係，真係。

（史提芬週畀人當街毒打，火雞出嚟勸開眾人）
眾人：打死佢！
瘦骨仙：夠膽喺度揾食！斬佢隻手落嚟！打佢老母！

（火雞將史提芬週拖入後巷）
肥雪：咦！咩料呀？畀我舂返槌先啦！唔該吖！
火雞：走！走！走！走！

（史提芬週一路瞓喺後巷，夜深人靜嘅時候火雞走去睇佢。）
火雞：肚唔肚餓呀？
史提芬週：麻麻哋吖！
火雞：食唔食嘢呀？
史提芬週：是但啦！

（火雞遞碗叉蛋飯史提芬週食）
史提芬週：碗飯……好好食！
（將碗飯食到見曬底，一粒米都冇剩，突然聽到嘈雜聲，出面兩幫人準備講數）
神仙：餵！重唔幫拖！（拉咗史提芬週出去，兩幫人對峙，鵝頭同火雞坐喺中央）

火雞：鵝頭！我係個女人仔嚟啫！你要蝦我就蝦啦！不過當年昆叔嘅頭馬飲大咗兜頭劈我一刀，畀我揦住兩把嘢由西貢街斬到佢落公眾四方街，有邊個唔識我“雙刀火雞”呀？阿姐十二歲出嚟廟街碌，乜嘢風浪未見過呀？你睇嚇你帶啲噉嘅二打六嚟踩我場！你嚇鬼呀？
鵝頭：火雞，你講咩呀？我要踩你個場呢，肯定唔止咁少人！我嚟系話聲畀你聽，以後“攋尿蝦”就跟我！
火雞：你話跟就跟呀！你估你天王老祖呀？ “牛丸”單嘢都未同你計呀！
鵝頭：噉講法，食屎都得嘞！總之牛丸呢，就各有各做，攋尿蝦我包嚟做！
火雞：噉唔使講規矩啦！
鵝頭：我依家就係同你講規矩，總之四四六六傾掂佢！
火雞：就同你四四六六，你哋四我哋六！
鵝頭：唔係吖嘛！我撞聾呀！不如九一，我九你一！（兩幫人各自起哄）
瘦骨仙：唔好喐呀！劈你哋架！
神仙：唔好喐呀！　　
鵝頭：我畀曬啲攋尿蝦你又點啫！你識整咩？
火雞：我哋唔識你哋識咩？
鵝頭：我哋堅記嘅椒鹽攋尿蝦，不留都賣到出曬位嘅！重有吖，辣椒同淮鹽比例啱啱好，鑊油晚晚都換嘅，奉旨冇油膉味呀！火爐呀十足，連啲蝦殼都炸到卜卜脆架！
史提芬週：噉搞法，就冇咗攋尿蝦嘅鮮味嘞！
鵝頭：邊個喺度阿吱阿咗呀？
火雞：總之我哋“白焯攋尿蝦”鮮味十足。
鵝頭：白焯！去整返你啲一坺屎嘅牛丸喇！
火雞：你啲牛丸做唔掂，想擸埋我啲攋尿蝦咋啩？
鵝頭：牛丸你唔做我哋做埋！畀張好牌你，你都唔識上！
史提芬週：爭咩呀？兩樣溝埋變做攋尿牛丸吖，笨！
鵝頭：邊個？邊個又搭嗲？阿大喺度講緊嘢邊個夠膽插嘴！

（史提芬週做出手勢叫神仙唔好出聲）
火雞：唔好迫我啲僆，係你啲僆講唔得呀？
鵝頭：我啲靚咁有家教，肯定唔係佢哋講！
火雞：系咩？

（鏡頭一轉，兩班人馬一字排開。）
鵝頭：逐個講：“爭咩呀？溝埋嚟做攋尿牛丸吖，笨！”
火雞：有講個笨字咩？
鵝頭：肯定有呀，我出名順風耳呀！
二人：你講先！
手下甲：爭咩呀！溝埋嚟做……流利牛丸吖笨！
鵝頭：唔係！你！
手下乙：爭咩呀！溝埋一齊做牛丸……攋尿吖笨！
鵝頭：你！
手下丙：我使唔使ngan3嚇ngan3嚇先講呀？
鵝頭：隨你！
手下丙：溝咩呀？哎！ Sorry！
鵝頭：講過啦！繼續啦！
手下丙：爭咩呀？溝佢嚟做攋尿牛丸吖！笨！
鵝頭：你！
手下丁：（閩南話）別吵了！做尿尿牛肉丸就行了！笨！
鵝頭：你講咩春呀？
手下丁：（閩南話）閩南話囉！
鵝頭：閩南話？！你返去食屎喇！

（鵝頭繼續聽其它人講，肥雪喺度自己練習。）

鵝頭：你！
肥雪：爭咩呀？溝埋一齊做攋尿蝦啦笨！
鵝頭：你！（神仙忍不住笑）笑咩呀？講呀！
神仙：爭咩呀？溝埋一齊嚟做攋尿牛丸啦笨！（一路笑一路講）
鵝頭：你！
史提芬週：爭……笨！（含糊其詞）
鵝頭：你！（史提芬週見成功過關，得意洋洋）
瘦骨仙：爭咩呀？溝埋一齊嚟做...
鵝頭：咪住！你再講多次！（指住史提芬週）你呀！
史提芬週：爭……笨！（含糊其詞）
鵝頭：再清楚啲講多次！
史提芬週：……笨！（含糊其詞）
鵝頭：冚家鏟！重唔係你？
史提芬週：餵！我咁求祈你都認得出？
鵝頭：嚇！你把聲咁jap9，化咗灰都認得啦！火雞，你嘅人呀！點睇呀？

　　（史提芬週畀人撳住喺檯面。）

鵝頭：架撐！你個爛癱，成晚窒頭窒尾，冇大冇細，想唔愛手指尾定手指公呀？
史提芬週：手指甲啦！
鵝頭：嚇！（一刀劈嚇，火雞徒手接住）
火雞：喺我環頭邊個夠膽喐佢！
鵝頭：噉你即係算點呀？
火雞：佢系我嘅人，我唔攬佢我重可以出嚟行嘅！（一手將鵝頭把刀擗開）
鵝頭：噉即係唔使講規矩啦！行開！（揦起個台磧向火雞）仆街！
大話周星馳站zhouxingchi.cn
（火雞用刀將台劈穿，刀鋒停喺鵝頭面上，眾人亂曬龍。）
鵝頭：定啲嚟！雞姐！我諗過架喇！總之以後攋尿蝦、牛丸，乜Q都畀曬你做，噉得嘞啩？

（火雞將刀移開，鵝頭等人好唔服氣地離開）
史提芬週：唔該曬你呀餵！
火雞：做兄弟唔使講嘢！
史提芬週：好似你咁夠義氣嘅人真係難揾！
火雞（唱）：情與義，值千金，刀山去地獄去有何憾！為知心，犧牲有何憾！為嬌娃，甘心剖寸心！好兄弟！血淚為情流，一死豈有恨，有誰人，敢過問！

　　（火雞同史提芬週並排坐，鵝頭帶住班人嚟尋仇，但冇幾耐三人坐埋一齊，望住一粒嘢彈嚇彈嚇。）

鵝頭：攋尿牛丸？
史提芬週：冇錯！
鵝頭：點解會噉……彈嘅？
史提芬週：因為粒牛丸中間系空嘅，原理就好似而家鞋底有氣嘅Air波鞋一樣！
鵝頭：我想整啖得唔得呀？
史提芬週：快啲吖！
鵝頭：好爽呀！
史提芬週：爽呀？
鵝頭：爽呀！
史提芬週：全靠佢咋！阿火雞姐嘅腕力驚人，只有佢先可以打出噉靚嘅牛丸，因為平均每底牛肉需要二萬六千八百幾次不停系噉舂系噉舂。
鵝頭：但係“攋尿牛丸”點“攋尿”法呀？
史提芬週：成粒啪落去睇嚇點！

（鵝頭將成粒“攋尿牛丸”擺入口中，啲水如火山爆發般噴出，鵝頭幻想自己喺沙灘上狂奔）
鵝頭：從來未試過噉清新、脫俗嘅感覺，牛肉嘅鮮、攋尿蝦嘅甜，溝埋一齊嘅味道，居然比老鼠斑有過之而無不及，甚至比我嘅初戀更加詩情畫意，所謂“舉頭望明月，低頭思故鄉”，好詩！好詩！

嘍囉：餵！大佬，冇嘢呀你？
鵝頭：行開，呢粒嘢掂呀！
史提芬週：名我都改埋呀，“爆漿攋尿牛丸”！呢劑我睇發達都似呀！

鵝頭：講呀！你當我kai1架！咁易發達，我夠會講啦！
火雞：我信佢！應該點做？
史提芬週：梗系開間舖頭做旺佢揾咗第一陣錢先啦！
火雞：嘩！噉我咪可以換過部最新嘅卡啦OK！
鵝頭：火雞，講出嚟都畀人笑啦！梗系買層樓收租吖嘛！噉先至系最高章！
史提芬週：梗系啦！不過如果畀我呢，開分店，一間變兩間，兩間變四間，四間變八間，八間之後上市，上市咪再集資囉！跟住炒股票囉！搞埋地產呀笨！跟住，再分拆上市，到時淨系收股息我都唔知點計呀！哈哈哈！
鵝頭：哈！
火雞：嚇！你笑呀？你明呀？
鵝頭：明就唔係好明嘞，不過聽落就好有計呀！

（三人大笑，史提芬周望住“食神”唐牛嘅海報苦笑。）（第二日，眾人合力砲制攋尿牛丸，“爆漿攋尿牛丸”正式開張。）　　

（一名老婆婆行過）

史提芬週：阿婆，整碗攋尿牛丸試嚇啦餵！
火雞：食咗唔會攋尿架！
鵝頭：好過癮架！（阿婆畀嚇走）

　　（攋尿牛丸好耐都冇生意，價錢由廿五文降至免費）（一肥護士行過）

肥護士：免費唔使錢噉抵！整碗攞走！
史提芬週：噉咪做成第一單生意囉。距離上市集資近咗一大步架啦。

（肥護士將攋尿牛丸帶返醫院）

一醫生：餵！快啲攞份報告畀我吖。
肥護士：哦。（擺低攋尿牛丸）
（碗牛丸畀送去病房畀一個厭食症病人食咗。）
肥護士（異常興奮）：佢食嘢喇！

（肥護士帶住成班厭食症病人去食攋尿牛丸。）

肥護士：係呢度喇！（衝入間舖頭）唔使錢架！你哋入嚟食啦！
史提芬週：唔使錢架？你真係嚇！做嘢！（價錢升至四十文）

　　（攋尿牛丸開始大受歡迎，傳媒大肆報導。）

記者：今期嘅城市話題就係連群醫都束手無策嘅厭食症，竟然畀一粒叫做攋尿牛丸醫返好，而喺短短嘅時間重賣到街知巷聞添，而原來發明呢一粒攋尿牛丸嘅，就係飲食界嘅傳奇人物，前唐朝飲食集團主席，曾經有食神稱號嘅史提芬週！（走向史提芬週）系啦史提芬週，點解你呢個攋尿牛丸會噉受歡迎啦呵？
史提芬週：吖！我諗問我係唔公平嘅，最好問一問啲顧客為咩事要嚟幫襯我啦！呀，細路！為咩事你要嚟食攋尿牛丸呀？
手下丙（著住校服）：呀！自從我食咗啲攋尿牛丸之後呢！啲腦筋好咗好多呀！次次考試都得一百分添呀！
記者：真係噉勁？
火雞：哦！我食咗之後咪靚咗囉！哈哈哈！
瘦骨仙：我食咗之後個人明顯高咗，大隻咗，個自信心返咗埋嚟！呀！

記者：噉你今次重出江湖呢，係咪諗住東山再起呢？
史提芬週：東山再起？哈哈哈哈！
記者：噉你可唔可以總括一下攋尿牛丸嘅成功秘訣呀？
史提芬週：好簡單，好食、新奇又好玩！
記者：好玩？點玩呀？

　　（史提芬週將攋尿牛丸拋向天空，跟住就打起乒乓波上嚟。）（財團老闆同唐牛睇緊電視。）

財團老闆：真係要嚟打乒乓波！有冇搞錯呀？
唐牛：呢粒嘢呢真係……抵死得嚟好夠噱㖞！我都忍唔住買咗兜！
財團老闆：冇理由畀佢……揸住多多嘢嚟發圍先得架！
唐牛：唔使咁躊躇！始終細ngai1嘢，發圍極有譜吖！
財團老闆：至怕佢發圍兼起啤咋！