Wq/yue/維基語錄:編輯凡例

以下係粵語維基語錄嘅臨時編輯凡例。如果有任何意見，請移步至Talk:Wq/yue/維基語錄:編輯凡例發表。

准入標準

• 喺中文、英文、法文維基語錄有獨立文章嘅人物或著作自動准入。
• 其他情況分別討論。

質量標準

粵語維基語錄嘅質量標準係：

• 原文、粵語翻譯、準確出處三者缺一不可。但係有以下兩種例外：

• 普通話或者唐宋至今嘅文言文，如果係相對顯淺嘅話，可以唔翻譯成粵語。
• 出自漢譯宗教經書嘅語錄或語錄部份，適用「五種不翻」原則，可以唔翻譯成粵語。

• 差緊任何一樣嘢，而又唔符合以上例外嘅語錄，任何人都可以隱藏或者刪除。但係為徂避免被誤判為破壞，喺編輯摘要道寫低個理由係有益無害嘅。

出處嘅準確程度

• 訪問：必須註明焉年焉月焉日接受焉位記者或者焉間媒體嘅訪問，否則就必須註明被引用嘅語錄出自乜嘢媒體。
• 演講或言論：必須註明焉年焉月焉日喺焉道發表嘅演講。
• 書信：必須註明焉年焉月焉日寫畀焉個人嘅信。
• 著作：必須註明書名，可以嘅話最好註明章節同/或頁數（但係如果你查嘅係電子書嘅話，就唔需要註明頁數）。