Wq/yue/少林足球

《少林足球》（siu3 lam4 zuk1 kau4，英文：Shaolin Soccer）係一套港產片，2001年喺香港上畫，主角係周星馳。

語錄

• （休息室）
• 明鋒：你畀張支票我算咩意思呀？要我踢假波啊？！
• 強雄：唔系，唔系，唔系，我系中間人，我只系受人所托啫。
• 明鋒：你想玩我吖定系想害我呀？你唔好以為我冧咗，你就可以爬上去呀！你諗都唔好諗呀！你同我睇清楚呀，“黃金右腳”系我唔系你呀！！你想扒我頭？發夢呀！
• 強雄：我真系唔敢諗架，我最近手頭緊，想抽啲傭金，你千祈唔好話畀人知呀！
• 明鋒：你呢個敗類！連狗都不如呀！
• 強雄：對唔住呀，鋒哥，我走先嘞！
• 明鋒：喂！（明鋒抵受唔住支票嘅誘惑，攞返張支票）
• 觀眾：黃金右腳！黃金右腳！
• （明鋒射失波，畀人暗算打瘸隻腳……）

• （二十年後……）

• 女記者：強雄哥呀，你叱吒球壇二十年，自從黃金右腳射失咗十二碼受咗傷之後，你就一直未逢敵手，噉其實……
• 強雄：我哋唔好再提啲唔開心嘅嘢。
• 男記者：強雄哥呀，你隊魔鬼隊連續五屆超級杯都未輸過?，有咩秘密呀？
• 強雄：秘密？邊個系領隊咪即系秘密咯。
• 男記者：噉今年嘅超級杯應該志在必得啦！
• 強雄：你第一次做記者架？呢個問題重問？！

• （強雄入咗大廳）
• 強雄：黃金右腳。
• 明鋒：哎，雄哥，雄哥，早晨！早晨！
• 強雄：早晨！
• 明鋒：哎呀，雄哥，你只鞋汙糟咗呀，我幫你擦乾淨佢呀。
• 強雄：哎，唔使唔使唔使，我自己嚟（只腳踩喺明鋒頭上）
• 助手：雄哥呀，我去攞架車過嚟。
• 明鋒：雄哥呀，你咪話過，畀隊波我帶嘅？我得架！我準備好架喇！我一定將佢哋訓練到好似魔鬼隊咁勁嘅！
• 強雄：你個樣重可以帶波咩？！收山罷啦。
• 明鋒：唔系，雄哥，你咪話……
• 強雄：我話啫！人系要面對現實架嘛。你睇你，而家只腳跛咗。
• （指住明鋒個肚上面‘黃金右腳’四個字）
• 強雄：你估你重可以靠呢四個字呃飯食呀？！
• 明鋒：雄哥，我跟咗你咁多年，你今日同我講啲噉嘅嘢？
• 強雄：我今日不likey。人系會變架嘛。你個樣舊時好靚仔架！你睇嚇你，而家變成個衰樣！哎，返鄉下啦。我都養咗你廿年嘞，仁至義盡，飯盒錢唔少架！
• 明鋒：強雄！你唔好太過分?！廿年前你畀張空頭支票我，叫我打假波，sin3到我攤攤腰！如果唔系我今時今日會搞成噉？！
• 強雄：做咩呀？發爛鮓呀？大聲啲吖！喂，聽唔聽到呀你哋？！出便有記者呀，使唔使我叫佢入嚟呀？你估我養你廿年呀？我想揞住你把衰口咋！你估你而家乞兒噉樣，人哋會唔會信呢？！
• 明鋒：你！
• 強雄：唔好嬲，唔好嬲。如果要怪嘅，就怪你自己----貪心啫！返鄉下啦！講多件事畀你聽呀，敲跛你只腳嗰班人，都系我安排嘅！
• 明鋒（苦笑）：嘿嘿……哈哈……哈哈……哈哈……

• （街頭）
• 明鋒（飲啤酒）：咩事咁大不了呀？
• 星馳：波，唔系噉射嘅。
• 明鋒：講咩話？
• 星馳：我話，波----“笨”唔系噉射嘅。
• 明鋒：應該系點射架？
• 星馳：一句說話----腰馬合一。
• 明鋒：何為腰馬合一？
• 星馳：腰馬合一呢，喺我心目中浩氣長存嘅已故偉大武術家李小龍先生已經解釋過架喇。但系如果你再想知多啲嘅，唔啱跟我學兩堂功夫吖。
• 明鋒：學咩功夫吖？睇你個款，咪喺處掃地嘅？！
• 星馳：掃地只系我表面嘅工作，我真“正”身分系一位研究僧！
• 明鋒：研究生？！
• 星馳：從事如何有效地發揚少林武功嘅研究工作。呢張系我嘅卡片。
• 明鋒：少林正宗大力金剛腿？
• 星馳：系呀，好大力架。（踢腿）
• 明鋒：打打殺殺你揾過第二個啦。我受過高等教育嘅。

• 星馳：錯喇。你睇嗰個女仔。（手指前面行緊嘅一個靚女）
• 明鋒：靚女又點啫？我系讀書人呀。
• 星馳：唔系，唔系，唔系，你睇你睇你睇你睇你睇…………噢………

• （李卉踩中蕉皮跣低）
• 兩人：YEAH！
• 星馳：如果佢識得少林派嘅輕功就唔使搞成噉啦。嗱，你睇你睇----

• （明鋒表演少林輕功）

• 星馳：所以話，武功的確系——“神”！小姐，有冇興趣學功夫呀？

• 事頭婆：（普通話）你個死丫頭一點用也沒有！我只不過是去做一下麵膜。你把這裡惹得亂七八糟的！真是賤骨頭！你個臭要飯的，你過來幹什麼？
• 星馳（普通話）：你罵人不要罵得那麼凶。我是來買饅頭的。（攞咗個饅頭）

• 樓上某男（普通話）：喂！老闆娘，饅頭好了沒有啊？（喂！老闆娘，饅頭得未啊？）
• 事頭婆（普通話）：好了好了。等一下。那個臭要飯的有沒有給錢啊？
• （星馳走夾唔唞）
• 阿梅（普通話）：給了。
• 事頭婆（拎起對鞋）：這髒了吧唧什麼東西啊？還不把它給我扔了！

• （某舞廳內）
• 星馳：大師兄！大師兄！大師兄！大師兄！
• 大師兄：得嘞！得嘞！得嘞！得嘞！你哋做嘢啦，抹嚇嘢啦唔該？！
• 星馳：大師兄，你見唔舒服咩？
• 大師兄：擒晚飲大咗，個頭好怫呀，又想點呀？
• 星馳：我想話你聽，我醒喇。
• 大師兄：醒嘞咩？
• 星馳：醒嘞。我終於領悟到，如果要將少林功夫發揚去全世界，系要講包裝！
• 大師兄：咩包裝呀？
• 星馳：唱……歌。今日我嘅遭遇講出嚟你都唔信嘅。我經過間饅頭店?。
• 大師兄：唔好講嘞！
• 星馳：唔系哩，少林功夫加唱歌跳舞，你話有冇得諗？
• 大師兄：冇得諗！
• 星馳：你唔做過又點知啫？
• 大師兄：唔好做！我勸過你腳踏實地架啦。呢度有份洗廁所嘅你咪做住先囉，唔好發夢喇。
• 星馳：做人如果冇夢想，同啲鹹魚有咩分別呀？！
• 大師兄：你鞋都冇一對，咪鹹魚一條囉？！學咩人講理想吖？
• 星馳：噉又唔系呀，我心中嗰一團火系唔——會熄架！
• 大師兄：吹咪熄囉？！唔熄？
• 星馳：熄咗可以撻返著啫。
• 大師兄：夠喇！我有我嘅生活，你有你嘅撻火，總之你唔好煩住我啦！我重要揾食架，大佬！
• 星馳：哦，噉你當年苦練嘅鐵頭功，你忍心眼白白睇住佢荒廢曬咯?？
• 大師兄：錯，呢十幾年嚟我嘅鐵頭功從來未有一日荒廢過！

• 老闆：阿飛！
• 大師兄：老闆。
• 老闆（攞啤酒樽撲大師兄個頭）：頂你個肺，聽晚跳舞啲女詐曬型走曬喇，你重喺度懶懶閑？！
• 大師兄：唔系哩，我諗過重絕嘅橋。
• 老闆：咩橋呀？
• 大師兄：就系少林功夫加唱歌跳舞。
• 老闆：咩少林功夫呀？
• （大師兄指向星馳）
• （星馳練踢腿）

• 老闆：邊度得呀？一個咁寡？！
• 大師兄：一個夠殺架嘞。
• 老闆：不得！加埋你呀。
• 大師兄：我？！
• 老闆（攞啤酒樽撲大師兄個頭）：頂你個肺，你鐵頭功嚟架嘛。聽晚你唔好衰畀我睇呀，唔系我殺咗你呀！
• 大師兄：知道！
• 星馳：大師兄，多謝你！

• （大師兄同五師弟唱歌）

• 大師兄：少林功夫醒！
• 五師弟：好好嘢！
• 大師兄：少林功夫勁！
• 五師弟：系好“勁”！
• 大師兄：我系鐵頭功！
• 五師弟：無敵鐵頭功！
• 大師兄：你系金剛腿！
• 五師弟：我系金剛腿！（忍唔住笑）
• 大師兄：認真啲吖！
• 五師弟：少林功夫好嘢！
• 大師兄：真好嘢！
• 五師弟（又忍唔住笑）：少林功夫好嘢！
• 大師兄：真好嘢！
• 五師弟：少林功夫好“勁”！
• 大師兄：冇得頂呀！
• 五師弟：我系金剛腿！
• 大師兄：金剛腿！
• 五師弟：佢系鐵頭功！
• 大師兄：嘩！嘩……嘩你個頭啊！

• （然後兩人走出嚟跳舞，突然五師弟畀酒樽掟中個頭）
• 甲：你哋唱咩呀？唱到喊驚噉。
• 乙：啲歌詞又鬼五馬六！
• 丙：我呀，一句都聽唔明白！
• 乙：咪系囉，啲歌詞邊個作架？
• 丙：邊個作架？
• 乙：講啊！

• （大師兄用手指住星馳）
• 五師弟：其實，創作嘅嘢呢，就好主觀嘅，不過你哋嘅批評呢，我一定會跟進嘅。況且唱歌只不過系前戲咋噃，高潮就系少林嘅大力金剛腿同埋鐵頭功。
• 乙：（用木棍打五師弟個頭）鐵頭功吖嗱！
• 大師兄：一早話你啲歌詞唔得架啦。
• 五師弟：我唔系鐵頭功，嗰個先系鐵頭功。
• 乙（繼續用木棍打五師弟個頭）：鐵頭功吖嗱！
• 五師弟：都話……
• 乙（繼續打）：鐵頭功吖嗱！
• 丁（用凳打大師兄只腳）：金剛腿吖嗱！
• 大師兄：哎呀！嗰邊金剛腿呀！
• 丁（繼續打）：重金剛腿？打你個金剛腿！打死你……
• 丙（舉起自己只腳）：我先系金剛腿，哈哈。

• 四師兄：喂！點稱呼呀？
• 明鋒：叫我阿鋒得嘞！
• 四師兄：鋒哥呀嘛？喺財經界邊個唔識阿鋒哥吖？你睇佢一身嘅IT look。
• 星馳：阿鋒哥系足球教練嚟嘅。
• 四師兄：足球教練吖嘛。喺足球界邊個唔識阿鋒哥啫！我哋細細個睇阿鋒哥踢波啦！你系用對腳踢波架嘛？嗱，我冇講大話啦，有咩撈先？
• 星馳：諗住揾你組隊踢波囉。
• 四師兄：咩話？你揾我踢波？我半年冇嘢撈喇，你揾我踢波？
• 星馳：唔系呀，你當年嘅鬼影擒拿手，如果攞嚟做龍門……
• 四師兄：鬼咩擒拿手吖？N年前嘅事喇！師父死咗幾耐我都唔記得嘞！
• 明鋒：你聽我講啦，今次我哋系參加兩年一度嘅超級杯，贏咗有一百萬獎金架！
• 四師兄：嚇嘩！所以我不留都話你系最醒目嘅。睇你撈到身光頸靚，你睇你靚到！當年師父叫我哋將少林功夫發揚光大，而家攞嚟踢波都畀你兩條僕街諗到？！*直情系！你睇嚇你睇嚇，當年我哋幾師兄弟嘅合照，我一路都擺喺枕頭底你就知我咩喇。
• 星馳：喂，噉我哋就坐低慢慢咩喇！
• （門又閂，兩人又舐嘢！）
• 四師兄：得閒call你哋呀。喂！預埋我?。

• （某公司大樓前）
• 三師兄：喂，我唔得閒同你講呀，幾個客等緊，我又要睇住個市，秒秒鐘幾呀萬上落架嘛！(手機）喂，而家咩價？啱啱個司機今日就放開假，啱啱呢今日系車幾架車畀人哋！重要啱啱我銀包又攋低喺上面！恕我請唔到你食飯喇，我真系好忙架！（推自行車）行開啦！
• 星馳：考慮嚇喇三師兄！你當年嘅金鐘罩鐵布衫，如果攞嚟打後衛嘅話……
• 三師兄：你……你重講金鐘罩鐵布衫？你睇嚇，一天都系飛機呀，一街都系電腦呀！而家咩世界呀？你醒嚇啦！
• 星馳：所以我諗住用武功配合埋足球呢個新組合咯！
• 明鋒：系呀！啲獎金好和味嘅！
• 三師兄：我頂！你真系當我？我幾呀萬上落，無端端要跟你班廢柴去踢波！唔好意思，你知我個人系咁直架喇！重要無端端跟你條死跛佬去參加比賽！原諒我系直呀！最後重要無端端贏咗場比賽?，個或然率重低過零呀！
• 星馳：其實或然輪嘅嘢……
• 三師兄：你個樣就輪呢！系或然率呀！簡單啲嚟講呢（扐出一文硬幣）----就系，一系就公，一系就字，永冇中間架！中間嘅或然率咪零囉！
• 星馳：等我試嚇。

• 三師兄：你扯呀！（硬幣滾落地……）我約咗人喺coffee shop食晏架！我好忙架！
• 星馳：我哋兩個請你食碗嗱喳面再傾吖！
• 三師兄：我……我幾呀萬上落，會走去同你走去食嗱喳面？
• （兩人畀趕走！三師兄耷低頭睇到硬幣居然系中間！）

• （某超市）
• 星馳：呢位就系我六師弟，綽號“輕”功水上飄！呢位系著名足球鋒哥！
• 六師弟：鋒哥！你好！
• 明鋒：乜飄呀？
• 星馳：“輕”功水上飄啊！
• 明鋒：“輕”生你好！
• 六師弟：咦，師兄，乜你諗住去踢波咩？
• 星馳：系呀！如果有埋你身輕如燕水上飄助陣，我哋上中二路嘅攻擊夠膽講話冇破綻架！
• 明鋒：你真系咁夠膽？
• 星馳：系呀！
• 明鋒：好呀！啊，呢處有冇減肥藥賣嘅呢嚇？
• 六師弟：冇用架！我呢只系感冒菌入腦下垂，減唔到架嘞！自從師父過身之後，我就一路都系噉架嘞，而家莫講話輕功啦，想行快步路都唔得！
• 星馳：肥就肥咗啲，不過問題——不大嘅。
• 六師弟：算啦，你睇嚇我以前個樣！自從搞成噉之後，連女都溝唔到！呢種心情你哋系唔會明架。
• 星馳：我明，我又何嘗溝到女啫！
• 六師弟：唔系吖，報紙雜誌話你好多女架?。
• 星馳（緊張）：咩報紙雜誌呀？
• 六師弟：哎，對唔住，我又講錯嘢！自從有咗呢只病之後，我都要成日失控！你唔好理我，你走啦！
• 星馳：師弟！

• 星馳：畀啲信心自己啦！你“電”（掂）架。
• 六師弟：而家人人都叫我做豬肥腩，系得你叫我做師弟架咋。多謝！
• 中年婦人：豬肥腩，幫我扐紅色嗰筒廁紙落嚟吖！紅色嗰筒呀！
• （豬肥腩跌倒）

• （某魚市）
• 二師兄：踢波？
• 星馳：系呀，二師兄！你當年嘅旋風地堂腿如果攞嚟做後衛呀，我夠膽講句系……
• 明鋒：毫無破綻吖嘛。

• 星馳：咪系。
• 二師兄：你睇我依家噉樣，重系旋風地堂腿咩？！
• 星馳：嗯，生疏少少唔緊要嘅，只要有鬥志，武功就會返嚟架嘞！
• 二師兄：系咩？
• 星馳：不過前排我見你重倒緊屎架，“典”（點）解好哋哋又轉做洗碗呢？
• 二師兄：“典”（點）解？“典”（點）解唔系你哋問呀？系我問呀！“典”（點）解我老竇唔系李嘉誠呀？“典”（點）解我生得咁靚仔，但系要甩頭髮？你哋兩個咁肉酸，但系冇甩頭髮？“典”（點）解人哋細嗰時有書讀，而我細*個時就畀個老坑迫住嚟練咩爛鬼武功！練到依家喺呢度，洗碗！倒屎！
• 星馳：阿二師兄你冷靜啲吖！其實命運始終掌握自己手嘅。
• 二師兄：冷靜？！如果唔夠冷靜呀，我就一刀斬死你兩個粉腸！冷靜？！

• （夜總會，廁所）
• 老闆（攞起個啤酒樽撲大師兄個頭）：僕你個街！你坐喺度唔使做呀？聞唔聞到臭呀？轉頭返嚟重有臭味，同我舐乾淨佢呀！
• （各位師兄弟都睇緊以前張合照）

• （鏡頭換到星馳屋企）

• 明鋒：喂！好嘢?呢處！樣樣都好齊全?。估唔到你喺地下掃地，居然可以喺五十九樓嘅天臺住Penthouse，好有生活品位?！而家呢啲噉嘅單位呀，好渴市架！我揾咗好耐都揾唔到呀。系，系個冷氣喉嘈啲啫！唔拘！唔拘！*喂！響你處隔多間房住得唔得呀？喂！喂！

• （明鋒走上天臺，坐喺星馳隔籬）
• 明鋒：算啦，你班師兄弟都冇只似樣嘅！嚟唔嚟都罷喇，揾過其他人囉。
• 星馳：都系我唔好吖，講唔過佢哋！
• 明鋒：唔好噉講，我噉嘅跛佬你都咁信任，多謝你就真！

• （呢個時候豬肥腩第一個跑咗上來，其餘幾位師兄弟陸續上嚟，7個人嘅手扼埋一齊）

• （訓練場）
• 明鋒：我會喺最短嘅時間，將你哋訓練成為足球員！所以你哋要嚴肅認真！團結向上！
• 星馳：明白曬！踢波呀！（講完將個波猛咁踢向天空，個波好耐至跌落嚟。）

• 三師兄（打電話）：你聽我講好唔好呀？你站喺我立場諗嚇，你會點嘞？噉咪系囉。哎！哎！我有電話入，等陣。

• 四師兄：哎，個波跌返落嚟喇！
• 星馳：你捨得落嚟嘞咩？等你個幾鐘頭呀！等你個幾鐘頭呀！（眾人猛踢足球）
• 明鋒（吹雞）：做咩呀？
• 星馳：踢波呀！！！
• 明鋒：只波響嗰便呀！（吹雞，指星馳）你，企過嚟，你喺處射個波我睇嚇。
• 星馳：個波喺嗰便！
• 明鋒：噉咪就系囉，個波喺嗰便嘞嘛，你連個波你都攞唔到，點踢波呢？哎！其實踢波不外乎四個基本：傳、停、帶、射！
• 星馳：我明白！
• 明鋒：你咪喐！你哋要由基本做起！

• （開始訓練其他人）
• 明鋒：你嘅。控停！集中！集中！傳！傳！傳呢便！嗱，你啲噉嘅假動作呢可以再假啲添。你差唔多喇，幾假喇。假啲添。再假啲。

• 星馳：教練，點解我冇份練呀？
• 明鋒：哎，你只腳系好大力，但系你做唔到收放自如吖嘛。啊！下下將個波到上天，萬一打架飛機落嚟，賠唔賠得起呀？
• 星馳：賠唔起！
• 明鋒：噉咪系咯！肥聰呀，借你啲雞蛋一用呀！
• 六師弟：嚇？
• 明鋒：嗱，你能夠將只蛋好似控波噉控得掂至講呀！
• 星馳：好呀！嚟吖！
• 明鋒：嚟！（星馳鞋面，蛋碎）有難度架！（六師弟撲埋嚟食鞋面啲雞蛋）
• 星馳：超！算罷啦，六師弟你！（畀人拉開）
• 六師弟：我只蛋！我只蛋呀！
• 星馳：總有一日還返畀你嘅！
• 六師弟：還你老尾！畀返只蛋我呀！
• 明鋒：唔好分心，繼續！
• （唔小心抌喺條褲上便，肥膘又沖埋嚟，星馳急中生智將蛋掟入三師兄口中，肥彪撲向三師兄）

• 明鋒：Mark嘅要跟緊啲呀！點解畀人起到腳呀？射嗰個呀，用啲力呀，我都撲到喇。

• 六師弟：嘩！好犀利呀！
• 大師兄：佢一個人踢曬得啦。
• 明鋒：足球，唔系一個人可以踢得曬嘅。

• （經過刻苦訓練之後同一個業餘球隊較量）

• 明鋒：比賽三十分鐘，中場冇休息，一切依足國際球例。我做球證，大家冇意見吖嘛？
• 領隊：傻啦，當年人稱黃金右腳嘅鋒哥，今日帶一班年輕人嚟同我哋打場友誼賽，你重做埋球證添，系我哋嘅榮幸。（扼手）大家叫聲鋒哥吖！

• 眾人：鋒哥！
• 明鋒：得喇得喇得喇，呢個後生仔呢之前同你啲隊員有啲衝撞，噉咪所以諗住打場波，噉就切磋嚇球技，以前嘅恩怨咪抹咗佢囉。佢哋好有誠意架。
• 領隊：從佢哋整齊嘅制服，友善嘅眼神，我完全感受到嗰份誠意同埋體育精神。
• 星馳：多謝。

• （褲入面跌出一支士巴拿）
• 領隊（執返）：大家唔好緊張，我本身呢，系一個汽車維修員。呢個士巴拿系攞嚟上螺絲用，系好合理嘅。
• 明鋒：系嘅。系嘅。
• （褲入面又跌出一支槌）
• 領隊：正如我頭先所講啦，我身為一個汽車維修員，有個槌旁身，亦都系好合邏輯架。
• 明鋒：得喇得喇，你哋球隊嘅作風喺業餘界都好出名，我完全明白。
• 領隊：哦，呢啲只系虛名嚟啫，就好似浮雲一樣。
• 明鋒：好呀好呀，總之呀執生喇。大家摣嚇手。

• （比賽開始之後，大家都畀盡執，最後球場有如戰場一般）
• 星馳：呼叫基地，突然間受到密集嘅火力攻擊，立即要求增援，立即要求增援！！！
• 明鋒：起身！起身！快啲起身！快啲起身！做咩呀你？
• 星馳：好茅呀，你重唔吹雞？
• 明鋒：我系球證，我唔吹！
• 星馳：噉即系點呀？即系ung2我哋去死啫？
• 明鋒：你！出場！（出示紅牌）
• 星馳：你傻咗呀？
• 明鋒：呢個系個考驗！如果佢哋連呢一關都過唔到，以後就唔好再講踢波！
• 星馳：噉都系踢波啫，你估打仗咩？
• 明鋒：真正嘅比賽，就系打仗！

• 大師兄：投降喇！投降喇！投降喇！我投降喇！
• 領隊：你夠膽嘍我鬥波，而家波都未入，你就想褪軑？咪即系撚化我？
• 大師兄：我唔掂嘞，我條腰骨斷咁滯呀！求嚇你當可憐我，畀我睇醫生吖！
• 領隊（除咗底褲）：笠住佢呀！
• 大師兄：嚇？
• 領隊：你睇你幾呀歲人，個樣幾狗！你有冇尊嚴呀？我唔想再望到你，快啲笠住佢，然後睇醫生吖！
• 大師兄：我系好狗架，我貓尊嚴架。扐過嚟。（笠住個頭，眾人狂笑）

• 星馳：大師兄返嚟嘞！
• 明鋒：講咩話？
• 星馳：我感覺到，全部返曬嚟嘞！

• （眾人揾返少林功夫嘅感覺）

• 領隊：重有冇架撐？
• 眾人：冇呀。
• 領隊：重有！
• （幾十隻鞋飛向四師兄，畀四師兄一一接住）

• （個波將個球門立柱打到扭曲曬）
• 星馳：哎呀！噉都唔入？
• 領隊：救命呀！（冇鞋挽屐走）

• 師兄：全靠你，我哋先有機會發揮得到。
• 星馳：歡迎各位師兄弟歸位！（叩頭）
• 師兄：多謝你。（叩頭）
• 明鋒：你哋唔使客氣，我要多謝大家就真！（跪地）呢鑊我發達喇！多謝曬！多謝曬！多謝曬！
• 眼鏡們：我哋認輸喇，求嚇你畀次機會我，加入你球隊吖。求嚇你呀！求嚇你呀！求嚇你呀！……

• （強雄在用特殊方法訓練隊員）
• 強雄：咁驚人爆炸力，魔鬼隊攞世界冠軍系遲早嘅事。

• 強雄：（接電話）喂，邊個話？個瘸佬？

• （明鋒帶波隊報名參賽，畀女服務員阻攔）
• 明鋒：做咩唔得啫？
• 工作人員：唔好意思呀，先生！
• 明鋒：僆妹，我打波你未出世呀。咩唔好意思啫？
• 工作人員：我哋負責人唔喺度呀。

• 強雄：（趕到報名處）黃金右腳！乜你又喺度呀？
• 明鋒：雄哥！
• 工作人員：雄哥，佢……
• 強雄：得嘞。得嘞。（打發工作人員走）
• 明鋒：雄哥，我諗住帶我隊波嚟參賽。公開賽吖嘛，系人都有權報名架啦。
• 強雄：哎！唔系系人都有權，我系委員會主席，我話有權你先有權，明唔明？
• 明鋒：系?。系?。
• 強雄：噉你個隊系咩隊呀？
• 明鋒：嚟嚟嚟，過嚟過嚟，大家過嚟，叫阿雄哥！
• 隊員：雄哥！
• 強雄（仔細噉睇住各個隊員）：哈哈哈——呢隊系極品嚟架?！我真系好想睇呀，咩名堂呀？
• 明鋒：呢隊叫做少林足球……
• 強雄：好，算，算，算，是但，是但，是但……你快啲報名，我真系好想睇佢哋。你有冇報名費呀？我同你畀埋。
• 明鋒：多謝！多謝！
• 強雄：哎！有乜所謂呀！我同你一世人兩兄弟吖嘛，死跛佬！哎，我對鞋又汙糟咗嘞。
• 明鋒：白色嘅易汙糟嘅。
• 強雄：噉應該點呀？
• 明鋒：我幫你抹，我幫你抹。
• 星馳：清潔我拿手呀，等我嚟呀！

• 大師兄：粗重嘢我嚟啦。
• 六師弟：不如等我嚟。
• 眾人：（紛紛湧上）我嚟，我嚟，等我嚟，等我嚟，等我嚟！(搶走對鞋)
• （強雄嘴喐喐）
• （腳上，爛襪，露出半個腳趾）

• （甜在心饅頭店）
• 星馳：Hi！
• 阿梅（普通話）：你幹嗎？你是誰呀？你帶我去哪兒啊？你一直都不講話幹嗎？我要回去了，明天還要……

• （入咗一間商場）
• 工作人員：乜你咁耐架？
• 星馳：對唔住，等多一陣呀，好快呀，好快！

• （星馳帶阿梅睇衫）
• 星馳（普通話）：試試看。
• 阿梅（普通話）：不不不，我是看用什麼材料做的。
• 星馳（普通話）：那摸摸看。
• 阿梅（普通話）：會把它弄髒的。
• 星馳（普通話）：沒關係。
• 阿梅（普通話）：不不不。
• 星馳（普通話）：來，摸吧。來！
• 阿梅（普通話）：不用了。
• （星馳撳住阿梅嘅手喺件衫上面)
• 星馳（普通話）：怎麼樣？
• 阿梅（普通話）：挺滑的。
• 星馳（普通話）：我送給你。
• 阿梅（普通話）：摸了就可以了。
• 星馳（普通話）：我告訴你，我明天要去踢足球。
• 阿梅（普通話）：是嗎？
• 星馳（普通話）：我一定紅透半邊天的！但是如果沒有你幫我把這個鞋補好，可能我都不踢球了。你對我是多重要，你知道嗎？你喜歡什麼，快告訴我。我很快就可以送給你。
• 阿梅（普通話）：你要是紅了，就送我一雙波鞋吧。
• 星馳（普通話）：這個太沒有問題了吧。但是我覺得你也應該有點自信！其實你是很漂亮的，武功又高強，簡直是完美！但是不要老低著頭頭髮擋著臉。來來來，來吧，看著我，看著我。看著我，看著我，看著我，看，多漂亮！
• 阿梅（普通話）：真的嗎？
• 星馳（普通話）：是啊。
• 阿梅：哦。

• （一隻烏蠅喺阿梅面前嗡嗡叫，星馳一巴掌衾落阿梅塊面度）
• 阿梅（普通話）：是蒼蠅嗎？（係烏蠅啊?）
• 星馳（普通話）：是，還沒有打。（係，重未打。）（又一巴）
• 阿梅（普通話）：打到了嗎？（打到未?）
• 星馳（普通話）：打到了。（打到喇。）
• 阿梅（普通話）：對不起呀，把你的手都弄髒了。
• 星馳（普通話）：沒事。你是最漂亮的，你知道嗎？
• （阿梅岌頭）
• 星馳（普通話）：你知道嗎？
• 阿梅（普通話）：知道，知道了。
• 星馳（普通話）：我真地很感謝你呀。（擁抱阿梅）你知道嗎？
• 工作人員：喂！你去邊呀？你話應承幫我手做嘢我先畀你帶條女嚟威架咋?。唔好睇咁耐呀，我孭鑊架。快搞掂佢吖！
• 星馳（普通話）：你先走吧，我再去找你啊，好吧。
• （開始洗地）（普通話）要有自信啊。你是最好的，你知道嗎？

• （週邊賽賽場１）
• 星馳：我好鐘意呢件衫呀。
• 四師兄：我好鐘意對襪呀。
• 星馳：不如我哋調換著好嗎？
• 四師兄：好呀。好呀。
• 明鋒：唔好玩啦，衰仔，未見過大場面？放鬆啲，平時練波一樣得喇。嗱，陣間會有好多觀眾同記者架，同啲記者笑嚇，畀啲攝影機影嚇我哋，同啲群眾熱情打嚇招呼。多謝人哋支持我哋。多謝你哋！
• 星馳：多謝曬！
• 隊員：多謝你哋！……
• 星馳：多謝！多謝大家嘅支持！多謝！
• 大師兄：掃地嘅咋噃！
• 星馳：（摑咗大師兄一巴）掃地唔系觀眾呀？！多謝曬你哋！
• 工人：唔——好——嘈——啦！
• 二師兄：喂！個場咁細，重空“寥寥”，你又話……
• 明鋒：週邊賽系噉架嘞！嗱，所以我哋要畀心機，打入決賽！
• 眾人：好！！打入決賽！打入決賽！……
• 工人：唔——好——嘈——啦！
• 眾人：（細聲）打入決賽！打入決賽！……

• （甜在心饅頭鋪）
• （濃妝豔抹嘅阿梅）

• 阿梅：HI！
• 星馳：阿梅？！
• 阿梅：點呀？
• 星馳：嘩！我估唔到你個人系噉架。
• 阿梅：做咩啫？
• 星馳：你以為我唔知你想點呀？
• 阿梅：講咩?？好衰架你……
• 星馳：你嚇我唔倒架，我都唔怕鬼嘅，你知唔知呀？
• 阿梅（普通話）：你什麼意思啊？
• 星馳：冇嘢。（普通話）送給你……（遞畀阿梅一雙新買嘅波鞋）
• 阿梅（普通話）：我覺得，我今天特別不像以前的阿梅。
• 星馳：是啊，現在的阿梅已經是一個很自信的女孩子！
• 阿梅（普通話）：跟你說一件事情。
• 星馳（普通話）：什麼？
• 阿梅（普通話）：我喜歡你。
• 星馳（普通話）：我也喜歡你呀！
• 阿梅（普通話）：那我們之間是愛情嗎？
• 星馳（普通話）：你……你是開玩笑吧？
• 阿梅（普通話）：我是認真問你的。真的。
• 星馳（普通話）：那當然不是愛情。我們－－永遠都是好朋友！那不是更好嗎？
• 阿梅（普通話）：沒什麼。那，那你以後也常常來找我啊！鞋子破了，我還可以幫你補。
• 星馳（普通話）：不會的，鞋子破了，我就把它扔掉。我們都要向前看嘛。我永遠都不要再穿破鞋子！

• （阿梅喊）
• 星馳（普通話）：不要這樣子嘛。幹嗎？你哭啦？你不要這樣子嘛。
• 阿梅（普通話）：我明白了，謝謝你。

• 阿梅（普通話）（跑返去甜在心饅頭店）：來來來，大家一塊兒喝酒吧！來來來，乾杯！

• 明鋒：贏埋呢場，我哋就打入決賽！
• 眾隊員：決賽！
• 明鋒：但系千祈唔好輕敵！
• 眾隊員：輕敵！

• 莫文蔚：我哋玉面雙飛龍並唔系話浪得虛名嘅！
• 張柏芝：想入決賽？問過我哋先！
• （兩人帶球飛速喺六師弟身邊閃過）
• 六師弟：有冇咁快呀？！
• 星馳：吊威吔架咋嚇嘩？
• （少林隊最終贏咗比賽）

• （雄哥別墅）
• 明鋒：雄哥，早晨！
• 強雄：哎，早晨！早晨！過嚟坐！過嚟坐！啊，你個死仔真系呀，一世好命呀。噉都畀你揾隊好嘢。
• 明鋒：托賴！托賴！
• 強雄：喂！其實你啲咩鐵頭功呀，心口碎大石呀，大笪地嘢嚟啫。哈，噉都可以打入球場嘅，好嘢，好嘢，好嘢！嗱，閒話少說嘞。（遞張支票畀明鋒）決賽嗰日唔好打，全隊過曬嚟！喂，呢次唔系空頭支票嘞，你可以cash咗先簽合約架。
• 明鋒：咁大筆數目，真系打跛腳都歎唔曬呀。
• 強雄：梗系啦！我同你一世人兩兄弟吖嘛！
• 明鋒：多謝曬?，雄哥，不過我怕受唔起?。
• 強雄：咩意思呀？你以為我怕咗你呀？喂，我見你隊波幾有噱頭，想大家一齊做大佢咋?！做人就心胸廣闊啲，向前看，唔好咁記仇，OK？

• 明鋒：雄哥，其實我真系冇記仇。後生嗰陣唔生性，所有嘅嘢都系自己攞嚟嘅。
• 強雄：超！你喺度扮嘢呀？喂！我睇通曬你架嘞。你會唔貪？！
• 明鋒（笑）：真系畀你睇通曬，唔單止系我，我哋成隊波都貪，不過唔系你呢張支票，全國冠軍，球場見！

• （少林隊去參加決賽，路經甜在心饅頭店，星馳落車）
• 星馳：唔該！唔該！唔該！
• 星馳：阿梅！
• 老闆娘：死咗喇！
• 星馳：佢點死架？
• 老闆娘：畀我打死架！
• 星馳：我唔信，阿梅武功咁好，憑你打死佢？！佢一定系死得好冤枉架！
• 老闆娘：噉你想點呀？
• 星馳：我要同佢——報仇！（一拳打穿門板）
• 老闆娘（立即變臉，滿臉堆笑）：傻啦！講嚇笑啫。佢未死，不過佢唔喺度做架喇。
• 星馳：點解呀？
• 老闆娘：唉，話明我哋呢度系甜在心饅頭架嘛！呢個傻女唔知點解突然之間整嘅饅頭又苦又鹹，搞到冇曬生意呀，我都系被迫炒佢架咋。
• 星馳：又苦又鹹？
• 老闆娘：系呀。啊，呢位大俠貴姓呀？揾佢咩事呀？
• 星馳：（睇手中嘅決賽門票）冇事嘞。
• 老闆娘：（小聲）黐線！

• （星馳悵然，喺地下執起一個饅頭，腦海中阿梅嘅淚水滴喺啲面中……）

• 明鋒（嗌星馳）：喂！夠鐘開波喇。

• （決賽開始，體育場異常墟冚）

• 強雄手下：老世呀，今日諗幾多球呢嚇？
• 強雄：要贏唔一定要入波架，（擔住雪茄）我重有啲更激嘅方法。

• （比賽開始，星馳射球，幾次射球都畀對方守門員穩穩接住個波，星馳驚訝到跪地）
• 明鋒：冇可能。
• 強雄：哼哼哼哼哈哈哈，啊，估唔到美國呢只新藥真系咁激。

• （鏡頭轉到回憶中，魔鬼隊隊員畀注射藥之後，變得強壯無比）
• 強雄：重有球證、旁證，足協，足總，叔偉，全部都系我嘅人，點同我鬥呀？
• （魔鬼隊守門員怒吼一聲，直接將球掟向少林隊大門，畀四師兄守住，魔鬼隊攞到球射球，四師兄畀球嘅力量打飛，撞到門粱，倒地，又企返起身）
• 四師兄：冇問題！
• 大師兄：耶！
• 二師兄：好嘢！
• 六師弟：掂呀！
• 星馳：冇得“頂”呀！

• （魔鬼隊再次射球，四師兄竭盡全力守門，被球打倒在地，魔鬼隊用球向倒在地上嘅四師兄面上踢，四師兄畀踢出幾米遠，將球場旁邊啲看板撞碎，少林隊全體呆曬，球證舉旗示意。）

• 明鋒：界外球？兜頭噉踢落去直情系蓄意傷人，你判界外球，點做球證呀你！（回過頭對住強雄）強雄！你家下打波定打人架？
• 強雄：我系打人呀，你吹呀？我就要打到你隊人好似你個跛佬一樣殘廢！殘廢！殘廢！！同我鬥？哈哈哈！

• （明鋒轉過頭，一個擔架抬咗過嚟，四師兄瞓喺上面）
• 四師兄：唔好意思呀各位，我要唞唞呀。
• 星馳：唔緊要嘅，你個人行開咗啫，精神永遠都會喺返度架。

• 四師兄帶上墨鏡，全體隊員向他敬軍禮。比賽繼續進行
• 大師兄：前面讓開，我嚟。
• 三師兄：你哋沖！
• （魔鬼隊隊員厲害異常，少林隊幾兄弟連續受傷）

• 二師兄：啊——！
• 星馳：有冇搞錯呀！（對住裁判）噉都唔吹？

• （裁判睇咗睇錶，吹響上半場結束嘅哨聲）
• 強雄：哈，上半場都打到半死嘞，下半場打咩呀？收皮喇！你下半場打乜嘢呀？
• 強雄手下：噉重有得睇架？哎！使唔使我一陣間落去跳返part舞頂住呀？
• 強雄：跳舞都唔輪到你跳啦，系我跳！（跳舞）
• 星馳：你班僕街！（沖上前同魔鬼隊主力鬥法，兩人旗鼓相當）
• 眾隊員：喂喂喂喂喂喂！做咩呀？喂喂喂！
• 裁判：行開，行開！（扐出黃牌）你哋梗系唔想踢定嘞。（黃牌畀人搶走）邊個？邊個？（轉身）有冇人見到？（中咗一拳）哎呀！夠膽喺我面前打！哎呦！（又中咗一拳，leoi1低）

• （中場休息中，少林隊更衣室，眾隊員傷痕累累）
• 隊員甲：哎呀，唔好咁大力呀！
• 隊員乙：我都夠茅架啦，佢重茅過我！
• 大師兄（纏紗布）：估唔到我鐵頭功一世英明，臨老至畀人爆缸。

• （六師弟瞓得好稔）
• 明鋒：豈有此理！我一早預咗強雄會出蠱惑嘅，勢估唔到玩到咁盡架啫！魔鬼隊冇咁犀利嘅，肯定系啪咗針或者系食咗藥架啫。

• 大師兄（搽藥膏）：一於報警拉人啦！
• 星馳：我唔理佢哋食咗咩都好！我哋都要盡力踢埋落去！最後我哋會贏架！
• 隊員丙：我屋企火燭呀，我要去救火呀！
• 星馳：喂！
• 隊員丁：對唔住，我阿媽突然間早產，我一定要返去幫手呀！
• 星馳：叫你阿媽遲啲先早產，場波踢咗一半，你點走得架啫？
• 隊員丁：邊系踢波架啫？！攞命嘅！
• 星馳（跪地）：喂！唔系喂。當我我求嚇你！喂！你唔好走喂。
• 隊員丁（跪下）：當我求返你，你唔好求我呀，你畀我唞陣先喇！
• 星馳：唔好呀，喂！（異常沮喪）
• 明鋒：冷靜啲。

• 明鋒：冷靜啲。

• 明鋒：冷靜啲！冇錯，佢講得好啱，無論任何情況，我哋都要打贏呢一場比賽！而家我哋得返八個人，如果重有任何人受傷離場嘅，呢場波我哋就輸咗嘞。佢哋嘅殺人射球，我哋一定要頂住！
• 大師兄：點頂呀？你頂一球，我頂三球呀。
• 明鋒：你講咩你？！（搉大師兄頭殼）
• 大師兄：哎呀！（兩人打咗起上嚟）
• 星馳：冷靜啲！冷靜啲！冷靜啲！
• 三師兄：咪嘈！唔知我頂唔頂到呢？

• （下半場哨聲響起）
• 兩隊企喺場度
• （背景音樂響起）
• 少林隊全力以赴（背景音樂響起）：嘿！少林羅漢陣！
• 強雄：啊？擺陣呀？
• （魔鬼隊一球將羅漢陣打破。音樂消失）
• 強雄：唓！不堪一擊！
• 星馳：頂得住嗎？
• 隊員甲：頂得住。

• （魔鬼隊眾隊員一齊出擊，星馳企喺門前，閃向左邊，三師兄出現喺門前，音樂響起。魔鬼隊眾隊員做出踢球狀，少林隊隊員為三師兄擔心，鏡頭轉到三師兄，企咗一陣，攞出手提電話，撥號）
• 三師兄：喂，阿珍呀。
• 電話嗰頭：田雞呀。
• 三師兄：系呀，呢二十年嚟，我有句說話一直想同你講嘅，其實……我愛你！
• （放低手提電話，魔鬼隊開始射波，音樂再次響起，三師兄全力守門，似火嘅足球一次又一次打喺三師兄身上。）

• 強雄：我哋噉樣系咪殘忍啲呢？
• 強雄手下：唔系呀。
• 強雄：唔系呀？
• 強雄手下：唔系呀。
• 強雄（大叫）：噉就再殘忍呀！
• （魔鬼隊一人一腳，最後一個踢空，原來系三師兄用個肚將球吸住，少林隊開始反擊）
• 星馳：兄弟，上！
• 強雄：唔系呀嘩！喂，小心呀，兩個上！
• （星馳一腳射球，成弧線，眼睇就要入架嘞，點知守門員一拳打喺球門上將球彈開）
• 強雄：睇住呀！
• 星馳：搞錯呀？
• 明鋒：哎呀！
• 強雄：哎！

• （星馳好嬲沖上前，畀隊方夾攻，腳受咗傷）

• 星馳：啊呀啊啊啊！
• 裁判：繼續！（對星馳）死咗未呀你？唔好扮嘢啦！
• 星馳：咦？呃你唔到添。冇事。（星馳好困難噉企起身，只腳已經腫曬）
• 強雄：時間無多喇！出絕招喇！
• 明鋒：絕招？
• （魔鬼隊出絕招，殺人射球，三師兄犧牲咗）
• 強雄：搞掂！早叫你收皮啦，重喺度揼波鐘，贏咗！

• （魔鬼隊嘅隊員厲害異常。裁判吹黑哨。少林隊好多球員都受咗傷。局勢極為不利）

• 裁判：少林隊，嗱，你哋依家得返七個人，如果你冇後備球員入替嘅話呢，我就要正式終止呢場比賽，判你哋輸架喇。
• （少林隊球員悲痛欲絕）
• 裁判：重有冇後備？
• （明鋒無奈搖頭）
• （強雄慶賀。裁判正要吹雞嗰陣，阿梅出現……）

• 阿梅（普通話）：還有我。我是少林隊的候補，我來當龍門。
• （眾人瞠目。星馳將阿梅拉埋一二角）
• 星馳（普通話）：你為什麼弄成跟外星人一樣？
• 阿梅（普通話）：我不會剪頭髮，剃光了比較快一點呀。
• 星馳（普通話）：那這是幹什麼呢？
• 阿梅（普通話）：我想幫你們比賽呀！
• 星馳（普通話）：你怎麼幫呀？你快點回去火星吧！地球是很危險的！
• 阿梅（普通話）：我真的能幫你，你相信我，讓我試一試好不好？
• 星馳（普通話）：不行！
• 阿梅（普通話）：真的！你看，你看，你的鞋都破了，穿這個吧。
• （原來系星馳嗰雙舊鞋，多咗好多補丁）

• （阿梅登場，耷低頭走去球門，唔小心撞親喺門柱上。）
• 強雄：哈哈哈哈！
• （阿梅捽捽嚇頭走到門前，同對方守門員企埋一齊，少林隊全部都好羞愧噉耷低頭。）

• 強雄同佢手下：哈哈哈哈哈哈哈哈
• 對方守門員（普通話）：在那邊！（喺嗰邊！）
• 阿梅（普通話）：（跑返少林隊球門，哨聲響起）上去！
• 星馳：好！（球落喺魔鬼隊腳下）哎呀！
• 強雄同佢手下：哈哈哈哈哈哈哈哈！
• 星馳：小心啊！

• （魔鬼隊出絕招，阿梅亮出太極八卦掌，以柔克剛，四兩撥千金。將殺人射球輕鬆化解。）
• 星馳：嘩！
• 明鋒：啊！好！（奮力拍掌）

• （阿梅將手中個波懸轉拋出，星馳全力一腳，個波形成強力氣流，昏天暗地，將對方全體隊員卷到幾米外，入咗球門，少林隊卒之贏咗比賽。）

• 強雄：有冇搞錯呀？點會噉嘅？點會噉架？
• 強雄手下：老世，你小心啲呀！
• 強雄：我小你家姐咩？
• 強雄手下：老闆！
• （強雄喺臺階轆咗落嚟，撞喺欄杆度）

• 強雄手下：老細！老細！

• （少林隊贏咗比賽）
• （看臺上，領獎臺前，眾人將星馳舉到空中歡呼）
• （星馳行埋去獎盃前面）
• 星馳：多謝多謝。（舉起獎盃）
• （看臺上萬人歡呼鼓掌，星馳將手搭喺阿梅膊頭，定格，成為報紙新聞嘅圖片，新聞題目：少林精神戰勝魔鬼，勇奪全國足球冠軍，報紙嘅另一面寫住：魔鬼隊服用禁藥，魔鬼隊全體隊員終身停賽，班主強雄被判入獄五年。）

• （幾個月後嘅公路上，眾人皆武）