Wq/yue/塑膠購物袋環保徵費計劃

濫用塑膠購物袋係香港其中一個主要同明顯嘅環境問題。2005年嘅堆填區調查顯示，每年有超過八十億個塑膠購物袋丼咗喺堆填區，即係每人每日平均丼咗超過三個塑膠購物袋，超出生活所需。

第一階段

首階段膠袋徵費計劃喺2009年7月7號實施，覆蓋3,000幾個主要為大型連鎖超市、便利舖同健康護理、化妝品舖嘅零售點。計劃實施後嘅一年，源自受規管零售界別嘅塑膠購物袋，喺2010年中，堆填區嘅棄置數字明顯減少咗。

儘管首階段計劃初步取得成功，但佢嘅覆蓋範圍有限，喺受規管嘅零售界別以外嘅零售類別入面，膠袋嘅堆填區棄置量仍有上升。喺2011年5月，政府應對點擴大膠袋徵費計劃而搞咗為期三個月嘅公眾諮詢。照噉講，社會大眾支持擴大計劃嘅覆蓋範圍到整個零售業界，以進一步處理香港超量用塑膠購物袋嘅問題。政府喺2013年5月向立法會提交《2013年產品環保責任（修訂）條例草案》，經過詳細嘅審議後，立法會喺2014年3月通過咗《2014產品環保責任（修訂）條例》，重喺2015年4月1號正式全面推行塑膠購物袋收費。

膠袋收費喺2015年4月1號全面推行，標誌著首階段膠袋徵費計劃嘅完結。

全面推行塑膠購物袋收費

塑膠購物袋收費全面推行後，會覆蓋全港超過100,000 零售點，相對起首階段，全面推行膠袋收費有以下主要特點：

• 喺所有零售點唔畀免費派發塑膠購物袋
• 除豁免情況外，商戶派發膠袋每個須收費至少五毫紙
• 因食物衞生理由使用塑膠購物袋可以唔使錢
• 所有膠袋，包括平頭膠袋須都要收錢
• 由商戶保留膠袋收費