Wq/xmf/სტენდალი

სტენდალი (ფრანგ. Stendhal), ნანდული ჯოხო: ანრი მარი ბეილი (ფრანგ. Marie-Henri Beyle; დ. 23 ღურთუთა, 1783, გრენობლი – ღ. 23 მელახი, 1842, პარიზი) — ფრანგი ჭარუ.

ციტატეფი

	საარძო არზი ოშქურანჯი მუთუნი რე თი ქიანას, ნამუსჷთ კონსტიტუცია უღჷნ.
	L'opinion publique est terrible dans un pays qui a la charte.

ციტატაშ წყუ: Le rouge et le noir (1830)

არძა რელიგია გერსხჷ ანდაშ შქურინშა დო მერკეეფიშ გაღაშა.

მოსოფელს ხვალე ართი კანონი რე - გაბედინერე ხურხიშ ოფუჩური ადამიერი.

ირფელიშ ჩინება შილებე სქან დუდიშ მოხ.

გურგინუა უბადობა რე, მარა უციო უბადობა.

ქომოლკოჩიშ დო ოსურიშ მაჸალობას აკმარღვანს აკოსერუა.

დო ქუგონებუ ჭკვერულო ქოქიმინე-და, ქუმურჩქილე ალმასქუს დო გაკეთი სააწმარენჯო.

ოსური გურჯიშთი რე თიშოთ, მისთ უჸორსჷნ დო უჸორს თინა, ნამუთ თიშოთ გურჯიშთიშ რენ.

ზისხირამი სიბორუეეფი ურსხებუ რე.

მუჟანსჷთ პირველაშე ანებენსჷნ, ოსური ფირქენს, ნამჷ-და ქომოლკოჩის ნთელ ოქიანუ მეჩჷნ, ქომოლკოჩიშ მიოჩქჷ, ნამჷ-და ოლაფინიაქ მიაჩჷნ. ოსური ფირქენს, ნამჷ-და მეჩჷ იროიანობა, ქომოლკოჩის მიოჩქჷ, ნამჷდა წუთიქ მიაჩჷნ.

იმენდი გიღუდას ჯოღორიშ ართგურობაში ბოლოშა, ოსურიში - მოხვამილაფაშახ.

ჸოროფას შილებე ჯოხოთ გიადვას სუმრზა მახინჯიქ: ვარულუაფუ, კანდი რე დო ადამიერს აშუშელენს.

მუჟანსჷთ კანდი დო მაჸინჩა ადამიერეფი მუშ დუდს ქაწუდირთჷნა მინშან, ართი ჭიჭე ბიჯგი ობაღუ, ნამჷ-და გურიშ გოჭყორი შხვაშ სააწმარენჯოთ მუკართინუასჷნ, ათე შვანს გახანგებაშ გჷმორჩქინაფა თინეფს ძალამ კაბერ სიამნებას არზენს.

უსაქვარუა - მოწყინაფაშ ნანა რე.

ართნერო ძნელი რე გურ ეუფშე მოკითხირეს, მუჟანსჷთ ჭარუნქ მუჭოთ მერკეთ საინტერესო მეკონშენ, თეშ მეტიშ მეტი საინტერესოშენ.

არძაშე ჭკვერი ქომოლკოჩი ბუგას აგვენუ, მუჟანსჷთ უჸორსჷნ. არძაშე ხვარადუდა ცირასქუა იჭკვერებუ, მუჟანსჷთ ქიჸოროფუანსჷნ.

ჸოროფა ხანგას აჭკვერენს დო ჭკვერს ახანგენს.

ჸოროფა არძოშე უმოსო საინტერესო რე ქომოლკოჩიშო — თენა რე გომორძგუა დო აკორთაფა. შხვა ირფელი ართნერი რე.

ოსურქ დუდი დითხილუას ოკო დუდშე, ქომოლკკოჩქ უკული, დო ვაი მუშ დღას მიდგა დემარცხებუნ.

ჸოროფილეფი ჸვერეეფი რენა დო აღთიანს უჯინენა. დეგურგინებჷნან, თოლეფი განჯამჷნა დო ართიანს ვაუჯინენა.

ალმასქუს, ნამუსჷთ ქომონჯი წჷმი ვემეჸუნსჷნ, უკახალე მეჸუნს.

ჸოროფას გიორჯგინენ, აკა რზა რე ირტენ.

ოსურწკჷმა რაგადი კანკალეშა უმოს მეტ რჩინას მარზენა, ვინდარო მენცარწკჷმა რაგადი.

ადამიერი დიხაუჩას თიშ გეშა ვა რე, ნამჷ-და გენდიდარასჷნ, ვარინ თიშ გეშა, ნამჷ-და ბედინერი ორდასჷნ.

პატიოსანურო ნაკეთებუ ირი ხანდა მარგებელი რე დო ღებული პატჷცემაში.

ჸოროფა – მოჯადებული პეული რე, მარა ოხვილური რე კაბეტი კანდი, ნამჷ-და ქემეხვადე დო გენკოწილე თინა ქარაფა კირდეს.

მაჸალეშო ართბუნათ ნამდგა ელმოლს ღურა ვა რე თიჯგურა გერგეზალა, მუჭოთ თიშო ირდღას ნამდგა კილეშ კვათუა.

იდეეფიშ მარცხება შილებე ხვალე იდეეფით.