Wq/tt/Тыва мәкальләре
Тывалар - Русиядә яшәүче төрки халык.
Мәкальләр
[edit | edit source]- Халыкка хезмәт итүдән бәхетлерәк язмыш юк.
- Агачларны җилләр селкетә, халыкларны хаклык күтәрә.
- Хезмәттән бизгән — бәлага тарыр, укымый калган — алданып калыр.
- Эзләсәң — табып була, теләсәң —булдырасың.
- Арбаңны кышын ясасаң, чанаңны җәен хәстәрлә.
- Начар чәчсәң — азны урырсың.
- Ермаклар кушылса — елга, кешеләр берләшсә — -көч.
- Алтынны җирдән табалар, белемне китап бирә.
- Наданга көн ңараңгы.
- Халык күп йөрсә — юллар киң була.
- Көтүгә көтүче кирәк, ә кешегә — дус-иш.
- Яхшы атка ия күп, яхшы затны дус сөя.
- Тау башында томан таралмый, яхшы йөрәктә мәхәббәт сүнми.
- Тел куяннан җитезрәк, ант пычактан үткенрәк.
- Туры әйткән сүз — җуелмас тамга.
- Тик торудан табыш килми, ятып торып файда юк.
- Ут якмасаң чәй кайнамый, тик торсаң эш эшләнми.
- Итнең симезен сайла, эшне ашыгып башла.
- Яхшы тимерче чүкече бармакка сукмый, яхшы тегүче кулында җеп чуалмый.
- Ялкау атка юл ерак, саран затка дус ерак.
- Юләр баш — аякка бәла.
- Әләк — агудан яман.
- Лыгырдыкның сүзләре күбек кебек булалар.
- Ике эт арасына сөяк ыргытма, ике кеше арасына коткы салма.
- Шатлык барда елап яши, кайгы килгәндә көлә.
- Дөя тал башы ашаса — кәҗә аптырап карый, кәҗә кыяга менгәндә — дөя аптырап тора.
- Карак усал эттән курка, әкиятче — йоклаучыдан.
- Бик ашыккан тычканнар сөткә төшеп баталар.
- Җил исмәсә, үлән тибрәнми.
- Муеныннан суга керсә, бозау да йөзә башлый.
- Начар кием тиз туза, начар дуслык тиз уза.
- Бер тамчы су да — диңгезгә файда.
- Бер кәҗә тоткан төшкә көн саен ауга йөрмә.
- Күзен капчык белән каплап, колагына ком тутырган.
- Биек тауга менеп ат арый, начар холык кеше газаплый.
- Акыллы атын мактар, кыланчык үзен мактар.
- Сөягенә хәтле кимерми, дөресенә хәтле сөйләми.
- Яхшы ясеше — якты кояш, яман кеше — агулы елан.
- Җилле яңгыр тиз туктый, тискәре ат тиз арый.
- Кызгану — җәза түгел.
- Явызлык артыннан куып яхшылыктан ваз кичмә.
- Масаю аяктан ега, тыйнакслык эзгә сала.
- Халык йөргән сукмактан атласаң адашмыйсың.
- Бер сыер мөгезенә суксаң — мең сыерныкы авырта.
- Ташлаган сөягеңне кулыңа кире алма, бер ташлаган дустыңны — янга кире чакырма.
- Ятып торган дөянең авызына үлән керми.
- Яхшы даныңны күмгәнче, үзең кара гүргә кер.
- Иртәгәге симез иттән бүгенге эч-баш артык.
- Йөз кешенең йөзен күргәнче, бер кешене яхшы бел.
- Өндә яткан юлбарыстан очып йөргән кош артык.
- Арсланны хәйлә тота.
- Иренсәң — ялкауланырсың.
- Итнең майлысы яхшы, сүзнең — үткене.
- Алдыңда мактый, артыңда таплый.
- Төзәп атмасаң — туры тимәссең.
- Очкын очса янгын була, яңгыр яуса су баса.
- Ялкаулыктан — азыну, комсызлыктан — караклык.
- Күченгәч дөя кирәкми, су кичкәч көймә артык.
- Тирәк үзәктән чери, балык баштан бозыла.
- Карт ат юлдан язмыйча атлый.
- Үлән мәңге яшел булмый, ә вакыт туктап тормый.
- Чакма мамыгы кабынса, янгын булмыйча калмый.
- Байлыгыңны җирдән ал, акылга халыктан өйрән.
- Ялкауның сылтавы күп, ялагайның сүзе күп.
- Чишмәнең суы салкын, саранның күзе салкын.
- Аргамакның авызы бәйле, мактанчыкныкы — ачык.
- Кеше үлә, батырлык үлми.