Wq/tt/Карел мәкальләре

Кареллар - Русия төньягында яшәүче халык.

Мәкальләр

• Җил исмәсә, камыш шауламый.
• Булса бергә ашыйбыз, бу лмаса — урталай бүлеп.
• Акыллы җәнлек капкынга капмый.
• Баш кая керсә, тән шунда була.
• Дилбегәсе кулында булса, таудагы ат та синеке.
• Һөнәр ашарга сорамый, ә үзе туендыра.
• Кечкенә каек белән зур күлдә йөзеп булмый.
• Кызлар күрке — чәч толымы, солдат күрке — орденнар.
• Сөзгәк бәрәннең маңгае һәрвакыт канлы.
• Ялгыз агач җилдән курка.
• Уртак казанда аш куе пешә.
• Эш останы өйрәтә.
• Син эштән курыкма, эш синнән курыксын.
• Матур сайрый белгән кош күзгә матур күренә.
• Утырып торучы белән юл йөрүче тиң түгел.
• Башта килсәң — җиләк эре, соңга калсаң — юл такыр.
• Йоклап яткан мәче авызына тычкан үзе килеп керми.
• Җәйге кырда нәрсә җыйсаң — кышкы өстәлдә шул булыр.
• Ишкәкче яхшы булганда яр үзе йөзеп килә.
• Бердәм чакта зелпене дә бөгеп була, талашка китсә — артыш та сына.
• Бәләкәй ат — гомер буе тай.
• Әтәчкә «кычкыр» дип әмер бирмиләр.
• Ятьмә нинди җептән булса, аны шул җеп белән ямыйлар.
• Ялгыз кеше тормышы — болытлы көн шикелле.
• Ана камчысы мамыктан, ата сүзе — тимердән.
• Бер кешедән — бер кочак, ә икәүнеке — зур йөк.
• Килеп кермәгән кунакның кем икәнен белмисең.
• Кунак үзе түрдә, аяклары — юдда.
• Кунакта бер коймак капсаң, өеңдә өчне пепгер.
• Көнне иртәдән үк озынайтырга кирәк.
• Тел очыннан бал тама, күңелендә сумала кайный.
• Бер өндә ике аю сыешып ята алмый.
• Елан койрыгы өстенә елан үрмәләп менми.
• Алтын аша да күз яше саркый.
• Көртлек кайда кунса да — ашаганы ылыс булыр.
• Уч уртасына үскән башбармак көбек кеше.
• Кеше көймәсендәге кәрәкә киңрәк күренә.
• Байлык җыйганның көмеше дә тутыга, эшлекле-нең — бакыры да ялтырый.
• Тирәннән чыккан су — тәмлерәк.
• Бүре бер сарык ботарлаганда күзен икенчесеннән алмый.
• Агач өеме янында йомычка җыю җиңелрәк.
• Читтән ташып тутырган су кое түгел.
• Кеше акылы белән яшәү — яшәү түгел.
• Бер чүмеч белән салганны ике чүмеч белән түгә.
• Колак эләктергәнне тел ычкындыра.
• Син үтергән урман тавыгы әле һаман оча ди.
• Кыйнавыннан курыккан юк — янаулары бик хәтәр.
• Тимерне тимер иги, кешене кеше шомарта.
• Озынның да очы бар.
• Олау аттан уза алмый.
• Тычкан сөймәсәң, мәчеңне ярат.
• Телгә эләккән һәр нәрсә тамакка сыймый.
• Әгәр пәкедән үлмәсәң, балтадан исән каласың.