Wq/tn/Tobi Amusan

Tobi Amusan

Tobi Amusan

Oluwatobiloba Ayomide Amusan (yo o tshotsweng ka kgwedi ya Moranang e tlhola malatsi a le masome a mabedi le boraro ka ngwaga wa sekete,makgolo a robabongwe,masome a robabongwe le metso e supa(1997) ke motabogi wa Nigeria yo o itsegeng ka dikgoreletsi tsa dimitara di le lekgolo mme gape o gaisana jaaka motabogi. Ke mmampodi wa ga jaanong wa Lefatshe, wa Kgweranoditšhaba le wa Aforika mo dikgaisanong tsa dikgoreletsi tsa dimetara di le lekgolo, mmogo le, motshodi wa rekoto mo dikgaisanong tse tharo. O ne a nna mmampodi wa ntlha wa lefatshe wa Nigeria le motshodi wa rekoto ya lefatshe lotlhe mo mabelong kwa Lebaleng la Hayward kwa Eugene, kwa Oregon, a thuba rekoto ya pele e e neng e tshwerwe ke Jasmine Camacho-Quinn. Gape ke mmampodi wa ga jaanong wa liki ya Diamond mo dikgoreletsi tsa dimitara di le lekgolo ka a fentse makgaolakgang ka metsotswana e le 12.33 (+1.8m/s) mme a fitlhelela motseletsele wa diphenyo ka ngwaga wa dikete tse pedi,masome a mabedi le motso-2021, ngwaga wa dikete tse pedi,masome a mabedi le metso e mebedi le wa dikete tse pedi,masome a mabedi le metso e meraro

Dikinolo

• "Maikaelelo e ne e le go tswa le go gapa gauta e, Go bua boammaaruri, ke dumela mo bokgoning jwame, mme ke ne ke sa lebelela rekoto ya lefatshe kwa dikgaisanong tse tsa bommampodi."
  • World Athletics Ratifies Tobi Amusan’s 100m Hurdles Record (24 July 2022)
• "Ga ke itsiwe jaanong, mme ke tla bo ke sa LEBALWE ... Ke tla Tswelela go fitlhela ke ATLEGA ...."
  • Amusan wrote on Twitter(8 November 2016)
• "Mo nakong e, Kendra ke ene mong wa rekoto mme nna gakena epe mme ene ga a na ditlhogo tse pedi. Go tla nna molemo gore ke dire PR kgotsa ke thube rekoto ya lefatshe fa a sa nne kelotlhoko–ke dira metlae fela..."
  • Her reply during an interview with Making of Champions
• "Mo mmeleng, ke akanya gore ke ne ke ipaakantse, mme mo tlhaloganyong ke ne ke sa ipaakanya. Ke akanya gore mogopolo wame o ntlhobogile."
  • At the Tokyo Olympic Games
• "Gakologelwa mongwe a re ke seganka mo Afrika, mme ke tau e e gobetseng mo seraleng sa lefatshe."
  • From near quitting to record-breaking: Tobi Amusan's emotional journey to becoming the world's fastest 100m hurdler. 26 August 2024, Olympics.

Dikinolo ka ga Tobi

• "Se ke dikgang tse di molemo mo diatleletiking tsa Nigeria le metshameko ka kakaretso mme ke a rapela le go solofela gore go tlhotlheletsa kokomane eno ya banna le basadi ba metshameko ba kokomane eno le dikokomane tse dingwe tse di tlang."
  • Endurance Ojokoloas quoted in Endurance OjokoloːTobi Amusan’s incredible feats will inspire others , Sportsnow, November 14, 2022.
• "Go dira ka natla go a duela. Tobi ke mosetsana yo o dirang ka natla yo o dumelang thata mo go ene le mo mokatisi wa gagwe (Lacena Golden-Clark wa Jamaica). Ga a ka a ineela morago ga go atamela go tsena mo sethaleng gabedi, la ntlha kwa Dikgaisanong tsa Lefatshe kwa Doha, Qatar ka ngwaga wa 2019 kwa a neng a tla mo maemong a bone le kwa Diolimpiking tsa 2020 tse di neng tsa diega kwa Tokyo, Japane kwa le ene a neng a nna mo maemong a bone, a latlhegelwa ka palo e e tshesane thata, bogolo jang ka ngwaga wa 2019. Ga a ise a ko a ipelaele kgotsa a belaele mokatisi wa gagwe."
  • Endurance Ojokolo as quoted in Endurance OjokoloːTobi Amusan’s incredible feats will inspire others , Sportsnow, November 14, 2022.