Wq/tn/Sissela Bok
Sissela Bok (yo o belegweng Myrdal; 2 Sedimonthole 1934) ke motlhalefi wa kwa Amerika yo o belegweng kwa Sweden, morwadia bafenyi ba babedi ba Sekgele sa Nobel: Gunnar Myrdal yo o neng a gapa sekgele sa Ekonomi le Friedrich Hayek ka 1974, le Alva Myrdal yo o neng a gapa Sekgele sa Nobel sa Kagiso ka 1982. O tsewa e le mongwe wa batlhalefi ba maemo a a kwa godimo ba basadi ba Maamerika ba ba neng ba ithuta ka boitsholo mo karolong ya bofelo ya lekgolo la bo20 la dingwaga.
Dikinolo
[edit | edit source]Lying: Moral Choice in Public and Private Life(1978)
- O ne a gatelela gore, mekgwa e e bosula e senya le go nyenyefatsa e seng fela maikaelelo a e a direlang mme gape le batho ba ba e dirisang. Go fenya keletso ya go dirisa mekgwa e e ntseng jalo go thata thata fa motho a batla go baakanya tshiamololo e e dirilweng mo nakong e e fetileng. Ke ka go bo "tlhoa boleo mme eseng moleofi" e le molao o o sa dirisiweng thata mo eleng gore botlhole jwa letlhoo bo anama mo lefatsheng.
- Forward, Gandhi: An Autobiography (1993)
- Go sa kgathalesege gore ke eng se se botlhokwa mo bathong, go ikanya ba bangwe ke gone go dirang gore ba nne le kamano e e molemo le bone.
- Fa re tsietsa ba bangwe ka boomo, re ba bolelela melaetsa e e diretsweng go ba tsietsa, e e diretsweng go dira gore ba dumele se rona ka borona re sa se dumeleng. Re ka dira jalo ka go supa ka diatla, ka go iphitlha, ka go dira sengwe kana go se dire sepe, tota le ka go didimala.
- Go tshepana le bothokgami ke dilo tse di tlhwatlhwakgolo, tse di senyegang motlhofo, tse go leng thata go di bona gape.
- Di ka atlega fela fa go tlotlwa boammaaruri. Seabe se motho a se neelang boammaaruri ka metlha se tla nna se le botlhokwa thata fa a akanya ka gore o batla go nna motho yo o ntseng jang le gore o batla go dirisana jang le batho ba bangwe, le ene ka boene. Go lemoga kafa maaka a anamang ka teng go tshwanetse ga dira gore motho a lemoge gore bontsi jwa maaka a go tsewang gore ga a na molato ga a tlhokege fa e le gore tota ga a siama.
- Dira fela go ya ka molaomotheo o o ka dirang gore o batle gore e nne molao wa lefatshe lotlhe.
- Go ikanyega ga badiri ba tsa boitekanelo go botlhokwa thata mo balwetseng go feta mo e ka nnang sengwe le sengwe fela se ba se itemogelang fa ba dirisa kalafi ya malwetse a tlhaloganyo.