Wq/tn/Sinach
Sinach
[edit | edit source]
Osinachi Kalu Okoro Egbu yo o itsegeng ka seporofešenale jaaka Sinach, (yo o tshotsweng ka kgwedi ya Mopitlo e tlhola malatsi a le masome a mararo ka ngwaga wa 1972), ke seopedi sa Nigeria, mokwadi wa dipina le moeteledipele yo mogolo wa kobamelo kwa Loveworld go fitlha ka 2021. Ke seopedi-mokwadi wa dipina wa ntlha go nna kwa godimo ga tšhate ya Billboard Christian Songwriter dibeke di le lesome le bobedi ka tatelano. Pina ya gagwe ya "Way Maker" e ne ya amogela ditlhopho di le tharo mme ya gapa Pina ya Ngwaga kwa Dikabong tsa bo masome a matlhano le bongwe tsa GMA Dove, mme se sa dira gore e nne MoNigeria wa ntlha go gapa Seetsele. Gape o ne a fenya pina ya BMI ya ngwaga, mme ka ngwaga wa 2021 o ne a akgolwa ke Khonkerese ya Amerika fa a ne a le mo loetong kwa United States of America.
Dikinolo
[edit | edit source]- "Botshelo jwa gago ka metlha ke ditlamorago tsa se o se boneng mo matlhong a tlhaloganyo ya gago.. O se bona pele mo tlhaloganyong ya gago mme morago o se Bone mo boammaaruring!"
- "o seka wa akanya gore ke nnile le motsotso wa ‘se-ke-sone’. Ke sa tswa go itse gore ke rata go opela mme se ke sone se ke batlang go se dira.” “Fa o direla, o batla fela gore lefatshe le nne karolo ya gone."
- "O tshwanetse go tla mo ntlheng ya gore o kgotsofalele go bo o sa nyalwa. Ke gone o neng o tla bona monna yo o nang le maikaelelo a a tshwanang le a gago. Mme fa o sa kgotsofalele go sa nyala, ga go kgonagale gore o ka kgotsofalela go nyala, ka gonne kgotsofalo ya gago ga e tswe mo go nyalong kgotsa go sa nyala."
- "Ba na le kgololesego, ka pina, go ribolola phelelo ya bone le go oketsa bokgoni jwa bone jo bo fitlhegileng ka go kopanela le Modimo o le mongwe wa boammaaruri. Eleruri, maiteko a lona a a sa lapeng a tshwanelwa gotlhelele ke tlotlo, tsamaiso le go akgolwa ke Lekgotla la United States."
- "Gana go gogelwa fa fatshe ke mantswe a kgalemo le poifo e e go dikologileng. A lentswe la Modimo ka lefoko la gagwe e nne lentswe le le kwa godimo mo tsebeng ya gago ."
- "Kwa ntle ga Mowa o o Boitshepo le botsalano jo bo matlhagatlhaga le Rara bontsi bo mediwa ke lefifi le mosima wa bodutu . Ke ka moo bangwe ba ka nnang ba dikologilwe ke khumo e ntsi, ba dira meletlo ya ditsala le ba losika mme ba santse ba ikutlwa ba le lolea, ba jewa ke bodutu e bile ba dikologilwe ke lefifi mme ba sa kgone go bona kgotsa go akanya ka isago !!!! Kagiso le tiragatso di mo go Jeso."