Wq/tn/Rachael Magoola
Rachael Magoola
[edit | edit source]
Rachael Magoola ke seopedi, mokwadi wa dipina, sebini le lepolotiki la kwa Uganda. Ke mongwe wa maloko a Afrigo Band.Ka ditlhophokakaretso tsa ngwaga wa 2021 o ne a tlhophiwa kwa Palamenteng, jaaka moemedi wa basadi mo Kgaolong ya Bugweri, wa National Resistance Movement.
Dikinolo
[edit | edit source]- "Ke tsene mo dipolotiking ka gore mongwe o tshwanetse go e dira, fa o ikutlwa o na le lebaka mme o akanya gore o ka nna le seabe mo setšhabeng sa gago,dira jalo. Ke ne ke akanya gore nka nna le seabe mo setšhabeng sa gaetsho mme ke yone fela tsela e nka nnang le tlhotlheletso ka yone."
- "Ga ke akanye gore ke utsule pina ka gore re ne ra dira pina eo e ke neng ke akanya gore ke pina ya setso ka nako ya fa re e dira. Ke akanya gore e ile kwa bogodimong ka ditsela tse e ka bong e sa di dira fa re ka bo re sa e dira gape."
- "ga re amogele madi a mantsi mo go tsa bogatisi mme o a itse bontsi jwa baopedi ba ntse ba leka go lwa gore batho ba duelelwe kopelo ya bone.Fa pina e tshameka mo seromamoweng kgotsa mo tlelapong mme re amogela madi mo go yone, re tshwanetse be earning go bo re bona letseno la madi go tswa mo go yone mme molao oo o santse o le bokoa fela thata mme re batla go o baakanya."
- "Go tlile go tsaya tsela e e akaretsang gore se se kgone go laolwa ka gonne fa o sa lebagane le kgang ya lehuma. boimana jwa basha bo tla tswelela bo tlhatloga."
- "Ke ne ke nna ke akanya gore re ka dira botoka mme baeteledipele ke motheo wa go dira phetogo."
- "Kgogedi ya bone mo thutong e kwa tlase ka gore balekane ba ba ba dikologileng ga ba tsene sekolo, bana ga ba tsene sekolo ka ntlha ya go tlhoka ditlhokego tsa motheo."
- "fa batho ba simolola go swa, ga ba simolole fela go swa ka tshoganyetso. Go raya gore bothata jo bo ntse bo titiela dikgwedi di le mmalwa."
- "Se ke sengwe sa modikologo wa lehuma fa malapa a humanegile, bana ba bannye ba na le kgonagalo e kgolo ya gore fa ba sa ntse ba le bannye ba lebe mopalami yoo wa boda boda yo o ka nnang a mo rekela ditlhako, kgotsa Hajji yoo yo o ka nnang a mo nyala mme a mo naya ntlo ka gonne o nna mo tikologong e e humanegileng thata le ba lelapa."
- "Go na le nako ya sengwe le sengwe. Fa o ntsha baagi bodutu, seo ke boitlosobodutu. Fa o tshameka dipolotiki, ke dipolotiki tseo. Fa o ka tlhakanya bobedi jo, go ka direga thata gore go nne le thulano."
- "fa o batla go ntsha batho bodutu, tsamaya o ba ntsha bodutu, ba tlogele ba itumele. Fa go tla mo dipolotiking, a sepolotiki e nne sepolotiki."
- "Go na le go thubega mo tseleng e tsamaiso ya rona e dirang ka yone ka gonne o tshwanetse go kgona go bonela pele dilo."
- "o tshwanetse gape go lemoga gore kopelo le poko ke selotlolo sa go rotloetsa dipolotiki mme ga o kake wa itlhokomolosa ntlha ya gore go ka nna le kgonagalo ya gore go nne le thulano. Ka jalo jaaka motaki o tlhoka go itse go nna podimatseba le go dira se se siameng mo lefelong gore o se ka wa tlhoka go tlhaloganngwa sentle."