Wq/tn/Marietu Tenuche

Marietu Ohunene Tenuche (o tshotswe ka kgwedi ya Lwetse e le masome a mabedi le borobabongwe,ngwaga wa sekete,makgolo a robabongwe,masome a matlhano le metso e robabongwe ( 1959) ke moitsesaense wa kwa Nigeria, mokwadi le moporofesara wa saense ya sepolotiki. Ke motlatsa mokhanselara wa botlhano le wa ntlha wa mosadi wa Kogi State University, e jaanong e leng Prince Abubakar Audu University. Tenuche o ne a tlhophiwa ke Mmusi wa Kogi State, Yahaya Bello go tsaya maemo a ga Moporofesa Mohammed Sanni Abdulkadir.

DIKINOLO

•Ke itumelela go bolela gore dipholo di supa gore mananeo otlhe a amogetswe ka botlalo ke NUC. Seno se kaya gore o amogetswe ka botlalo ka diperesente di le lekgolo. Tiragalo eno ka boyone ke ya ditso ka gonne le fa gone go ganelwa go newa tetla ya go ikwadisa e le selo se se sa tlwaelegang kwa yunibesithing mo malatsing a bosheng jaana, gape re na le ditiragalo tse di sa tlwaelegang tse mo go tsone dithutego tsotlhe tsa rona di ileng tsa newa tetla ya go ikwadisa ka botlalo.

•Moporof Marietu o bua ka NUC Accreditation ka ngwaga wa dikete tse pedi, masome a mabedi le bongwe (2021).

•Fa ke ne ke simolola tiro, seno e ne e le kgwetlho mo botsamaising, go tlaleletsa mo boitlhomong jo bo kwa tlase gareng ga badiri ba pabalesego jo bo neng bo tlhokega ka ntlha ya maemo a a kwa godimo a go tlhoka kotlhao mo Yuniting ya Pabalesego, badiredi ba pabalesego ba ba sa lekaneng, go se nne teng ga dikoloi tse di dirang, mafelo a go tsena a a nang le diphatlha le a go sa tsenweng ke batho mo go one le go nna teng ga dibetsa mo baithuting tse ba neng ba di dirisa ka go rata.

•Moporof Marietu ka ga maemo a tshireletso ya khamphase ka ngwaga wa dikete tse pedi, masome a mabedi le bongwe (2021.)

•Tsela e baithuti ba rona ba neng ba dira ka yone kwa Sekolong sa Molao sa Nigeria fa dingwaga di ntse di feta e ne e kgothatsa tota. Seno ke bosupi jwa boleng jwa katiso e baithuti ba rona ba e amogetseng mo dithulaganyong tsa bone tsa dikirii ya ntlha.

•Moporof Marietu o bua ka baithuti ba Sekolo sa Molao sa Nigeria ka ngwaga wa dikete tse pedi, masome a mabedi le bongwe ( 2021.)

•Jaaka ke tla bo ke ntse ke bua, re laola dilo fano. Ga re kitla re amogela mofuta ope fela wa tlhakanelodikobo ka ntlha ya go batla go nna le seabe mo ditirong tsa bodumedi kana ka ntlha ya boitsholo bope fela jo bo sa siamang. Mongwe le mongwe yo o tla fitlhelwang a na le seabe mo tirong eno e e sa siamang o tla bontshiwa kgoro ya go tswa.

Moporofesa Marietu Tenuche o ne a tlhagisa baithuti ka ngwaga wa dikete tse pedi, masome a mabedi le bongwe - 2021.

•Baithuti ba le mmalwa ba ne ba gobala kgotsa ba bolawa mo tiragalong eno, mo godimo ga go tlhaselwa le go tshosediwa ga badiri ba sekolo, segolobogolo batlhatlhobi. Moporofesa Marietu Tenuche mo puisanong le babegadikgang ka ga ditiro tsa ditlhopha tsa makoko ka ngwaga wa dikete tse pedi, masome a mabedi le bongwe -2021.

•Fa e sale re simolola tiro eno, re ntse re tlhomile mogopolo thata mo go direng gore khalendara ya rona ya dithuto e nne e e tshwarelelang, mo go tlameleng ka mafaratlhatlha, mo go direng gore badiri le baithuti ba nne le tikologo e e siameng, mo go sireletseng matshelo a batho le dithoto tsa bone le mo go direng gore go nne le maitsholo a a siameng mo tirong.

•Moporof Marietu o ne a tlhalosa ka tsamaiso ya kakaretso ya yunibesiti ka ngwaga wa dikete tse pedi, masome a mabedi le bongwe 2021.