Wq/tn/Kemi Akindoju
Kemi 'Lala' Akindoju (o tshotswe ka kgwedi ya Mopitlwe e el borobabobedi ka ngwaga wa sekete makgolo a robabongwe, masome a robabobedi le metso e supa 1987) ke motshameki wa difilimi wa kwa Nigeria. O ne a gapa seetsele sa Africa Magic trailblazer ka ntlha ya seabe sa gagwe mo filiming ya Dazzling Mirage.
Dikinolo
[edit | edit source]- Basadi ga ba a tshwanela go itshireletsa mme ba tshwanetse go iteba jaaka batho, le go dira ka natla jaaka banna, selo se le sengwe fela se re tshwanetseng go se dira ke go tlhomamisa gore banna le basadi ba nna le ditshono tse di tshwanang.
- Mafoko a a tserweng mo potsolotsong fa a ne a bodiwa gore a go thata mo basading go feta mo banneng mo madirelong a dibaesekopo. Re akanya ka batho ba re ba laletsang. Fa ba sa go amogele, go tla nna le mathata.
- Mafoko a a inotsweng mo potsolotsong e e neng e le malebana le go lebelela difilimi tse a neng a tshameka mo go tsone go tlhomamisa gore a tota o ne a tshameka karolo e e botoka. Thelebishene ke legae la me, e tshwana le maatla a methapo, ke akanya gore e rotloetsa le go kgorometsa tiragatso gore e nne kwa godimo le go nna botoka.
- Mafoko a a nopotsweng a a buang ka go dira tiro ya go tshameka mo seraleng ka boomo gore o nne motshameki yo o botoka wa metshameko yotlhe
- Gore bareetsi ba gago ba go reetse, o se ka wa nna o ba naya tshedimosetso e e "reriwang" e e ba bolelelang ka tlhamalalo gore ba dire eng. Boikarabelo bo mo go ba ba tlhamang tshedimosetso go e rulaganya ka tsela e e tla dirang gore babogedi ba kgone go tlhopha gore ba batla go ithuta eng mo go yone. Ke tiro ya rona jaaka batho ba ba dirang dilo, ba ba dirang difilimi kgotsa ba ba anelang dipolelo go tlhoma thulaganyo ya gore re batla go bonwa jang.
- Polelo e e tserweng mo bekeng ya Social Media ya ngwaga wa dikete tse pedi ,lesome le metso e robabobedi (2018) e e buang ka tsela e o ka fetolang dilo ka yone ka tshedimosetso e o e tlhagisang. Ke akanya gore go tlosa banna maikarabelo ano ke gone go dirileng gore re nne fano. Ke boikarabelo jwa batsadi ka bobedi. Ga go na ope wa bone yo o fetang yo mongwe. Batsadi ka bobedi ga ba na seipato sa gore ope a se ka a batla go rwala maikarabelo.
- Mafoko a a inotsweng mo metsweding ya gagwe ya dikgang go tshegetsa kgopolo ya gore borre le bone ba tshwanetse go ruta bana ba bone ka tsa tlhakanelodikobo. Ke sa ntse ke eletsa e kete re ka tsaya ditlhopho tsa rona le go dira gore baeteledipele ba rona ba ikarabelele ka tsela e e masisi le e e matlhagatlhaga jaaka re dira ka morwarraarona yo mogolo. Ke solofela gore basha ba tla dirisa maatla a a tshwanang go ikwadisa go ka bouta fa nako e fitlha. Re tshwanetse go dira go le gontsi go lwela lefatshe la rona.