Wq/tn/Huda Sha'arawi

Huda Sha'arawi

Huda Sha'arawi or Hoda Sha'rawi (Arabic: هدى شعراوي, ALA-LC: Hudá Sha‘rāwī; yo o tshotsweng ka kgwedi ya Seetebosigo e tlhola malatsi a le masome a mabedi le boraro ka ngwaga wa 1879 mme a tlhokafala ka kgwedi ya Morule e tlhola malatsi a le lesome le bobedi ka ngwaga wa 1947) e ne e le moeteledipele wa basadi wa Egepeto wa mmulatsela, motlhophi wa ditlhopho, motlhotlheletsi wa bosetšhaba, le mothei wa Kopano ya Basadi ba Egepeto.

Dikinolo

"Bomme le Borre, mosadi wa Moarabia yo o lekanang le monna ka ditiro le ditlamego ga a kitla a amogela, mo lekgolong la dingwaga la masome a mabedi, dipharologano magareng ga bong tse dinaga tse di gatetseng pele di di fedisitseng. Mosadi wa Moarabia ga a kitla a dumela go bofiwa ka dikeetane mo bokgobeng le go duelela ditlamorago tsa diphoso tsa banna malebana le ditshwanelo tsa naga ya gagwe le isagwe ya bana ba gagwe. Mosadi yo gape o batla ka lentswe le le kwa godimo gore a busediwe ditshwanelo tsa gagwe tsa sepolotiki, ditshwanelo tse a di filweng ke Sharia le tse di mo laetsweng ke ditlhokego tsa segompieno. Ditšhaba tse di gatetseng pele di lemogile gore monna le mosadi ba mo go yo mongwe jaaka boboko le pelo di le mo mmeleng; fa tekatekano fa gare ga dirwe tse pedi tseno e ka senyega thulaganyo ya mmele otlhe e tla senyega. Fela jalo, fa tekatekano magareng ga bong jo bobedi mo setšhabeng e ka kgoreletsega e tlaa phatloga le go phutlhama."
- Speech at the Arab Feminist Conference (1944) in So Here I Amː Speeches by great women to empower and inspire(2019)
"Motho o simolola ka nngwe. Moya o le mong mmeleng e mebedi. Re ka se latole mmele o le mongwe mme re rate mmele o mongwe. Fa e le ka maitemogelo ame a semoya, mosadi ke karolo ya konokono ya botho. Boammaaruri jono bo dirisitswe ka boferefere ke setso le baagi." Huda Sharawi, Basadi ba ba fa gare ga go ineela le go gololesega."
- [1]
"Ka jalo fa dingwao le setso sa morafe wa Botlhaba di patelesega ka bofofu go utlwisa seriti sa mosadi botlhoko, go mo roga le go mo nyenyefatsa ka leina la kutlwano ya setso, jaanong ke ipaakanyeditse go itshuba. Fa go raya go lebana le go sekisiwa le go ganwa go tlhagisa boammaaruri jo bo thata jo, ke ikaeletse go ntsha botlhoko jwame le go simolola phetogo ya basadi ba ba didimetseng ba ba neng ba lebane le kgatelelo ka makgolokgolo a dingwaga ."[2]

Dikinolo ka ga Sha'arawi

"Doria Shafik o ne a tsaya kgopolo ya kgololesego ya EFU kgato e le nngwe go ya pele, a nna le ntwa thata mo megopolong le mo ditirong tsa gagwe tsa diphetogo go feta Huda Sharawi."
- The Postcolonial Crescentː Islam's Impact on Contemporary Literature(1988) ed.,John Charles Hawley

Dikgokagano tsa kwa ntle