Jump to content

Wq/tn/Cara Black

Add links
From Wikimedia Incubator
< Wq | tn
Wq > tn > Cara Black
Cara Black

Cara Black (yo o tshotsweng ka Tlhakole a le lesome le bosupa ka 1979) ke motshameki wa pele wa thenese wa kwa Zimbabwe yo o tshamekileng go fitlha ka 2015. Ke moitseanape wa motshameko wa sebedi, o fentse bommampodi ja WTA ga some marataro le ja ITF ga some le motso mo kgaisanong eo. E ne e le motshameki wa maemo a ntlha wa basadi mo maemong a WTA Rankings, o fentse bommampodi ja Grand Slam ga some mo ditlhopheng tsa basadi le tse di kopaneng. Fa a ne a fenya bommampodi ja ditlhopha tse di kopaneng ka 2010 Australian Open, Black o ne a nna mosadi wa boraro mo Open Era go wetsa bommampodi ja Career Grand Slam mo ditlhopheng tse di kopaneng.

Dikinolo

[edit | edit source]
  • Thenese ke motshameko o o kgatlhisang mo go mongwe le mongwe go nna le seabe mo go one mme ke lorato la me. Re na le batshameki ba basha ba ba dirang sentle mme ka jalo ba tlhoka go tsepamisa mogopolo mo ditegeniking tse di humileng le go lemoga ka fa go leng botlhokwa ka teng mo kgatong eno.
  • Ke tsamaya le morwaake wa dingwaga di le pedi lesephatlo ka gonne ke batla go dira jalo. Ke ene yo ke mo tsayang a le botlhokwa thata mo go nna , ene le monna wa me. Ka jalo, kwantle ga thulaganyo e e tletseng ya mabala, e ntse e le nako ya go thoka boroko mo lwapeng.
  • Ke tlhologeletswe go tshameka thata mme ke simolotse go ikatisa dibeke tse tharo tse di fetileng ka maikaelelo a go tshameka gape
  • Ke tla bona gore mmele wa me o tla fola jang mme ke tla tshameka dikgaisano di sekae tsa ba ba gwetlhang ka Phalane go bona gore go tla tsamaya jang ka jaanong ke na le ngwana.
  • Monna wa me o tla tsamaya le rona mme o tla tlhokomela mosimane ka dinako tsotlhe. Seo se tla bo se le molemo tota. Ruri ke tla nna le mokatisi yo mosha, mme monna wa me o tla nna a le teng ka metlha fa a ntse a nthusa mo letlhakoreng la tlhaloganyo la motshameko. Ke tla leka fela mo dikgaisanong di le mmalwa mme ke bereke ka thata gore ke boele mo maemong a me. Ke rata go ya koo ka pono e ntsha mme ke solofela gore ke tla dira botoka le go feta. Jaanong ke na le legae ka jalo ke tshwanetse go itumelela motshameko wa me ke sa gatelelwe ka gope.
Retrieved from "https://incubator.wikimedia.org/w/index.php?title=Wq/tn/Cara_Black&oldid=6458508"