Jump to content

Wq/tn/Bimbo Akintola

Add links
From Wikimedia Incubator
< Wq | tn
Wq > tn > Bimbo Akintola
Bimbo Akintola in 2014

Bimbo Akintola (o tshotswe ka kgwedi ya Motsheganong e tlhola ga tlhano ngwaga wa sekete makgolo a robabongwe le masome a supa (1970) ke motshameki wa difilimi wa kwa Nigeria. O ne a tlhophiwa mo kgaisanong ya modiragatsi yo gaisitseng mo boanelweng bogolo kwa dietseleng tsa Nollywood Movies Awards ka ngwaga wa deketse tse pedi , lesome le metso e meraro( 2013)

Dikinolo

[edit | edit source]
  • Thuto e botlhokwa; go botlhokwa gore re rutege, fa o ka kgona, o rutege.
  • Le fa o ka tswa o le mo maemong afe, ka metlha o ka kgona go tlhotlheletsa batho ba ba go dikologileng ka tsela e e molemo.
  • Ke se motho mongwe le mongwe yo mongwe a neng a ka se dira. O ikgotsofatsa pele ga o akanya ka motho yo mongwe.
  • Ga o ka ke wa e bapisa le kgang ya go nna le lekau le o ka kgonang go phutha dilwana tsa gago o bo o tsamaya fa o kgopisitswe. Go ka nna botoka kana ga nna maswe.
  • Fa e le gore monna o a go kgatlhegela, dingwaga tsa gago ga di botlhokwa. Ga go na monna ope yo o itekanetseng. Tlhopha dilo tse o di ratang ka monna yono mme o simolole ka tsone. Pele o lemoga, dilo di tla simolola go tsamaya sentle go tswa foo.
  • Mo lenyalong, lo tla tswelela lo na le mathata go fitlha lo tlhaloganyana sentle. Mme go tsaya nako e ntsi gore batho ba babedi ba tlhaloganye dilo ka tsela e e tshwanang. Ka jalo, fa e le gore o batla monna yo o itekanetseng, o tla swa o tsofetse, o tlhakatlhakane e bile o na le marontho.
  • Bimbo on ideal man
  • . Fa e le gore o leba botshelo jwa gago go ya ka se se diregang mo metsweding ya tshedimosetso, go na le bothata jo bogolo. Go na le lebaka la go bo go twe ke metswedi ya tshedimosetso ya loago. Diperesente di le masome a robabongwe tsa dilo tse re di bonang mo metsweding ya tshedimosetso ya loago ga se tsa mmatota. Rotlhe re na le ditsela tse di farologaneng tse re tshwanetseng go di latela mo botshelong.
  • Motho o tshwanetse go ithuta go iteba ka tsela e a lebang dilo ka yone e seng ka tsela e batho ba bangwe ba di lebang ka yone. Batho ba le bantsi ba tshwanetse go nna fa fatshe mme ba akanye ka matshelo a bone ka gonne fa e le gore metswedi ya dikgang ke yone e go thusang go atlega, go raya gore go na le bothata jo bogolo.
  • Kagiso ya mogopolo ke selo sa botlhokwa thata mo tirong.
  • Itumelele bosha jwa gago. Fa e le gore o kgatlhegela sengwe kana o se rata, tlhomamisa gore o bona thapiso e e tshwanetseng mme ka metlha o dirise maatla a gago otlhe mo go se o se dirang.
    • Bimbo on youthful age There is no need to live, if you are not going to live life to it’s fullest. So, whatever you do, always do with your heart, a hundred percent.
    • Ke ne ka ithuta Theater Arts ka gonne ke ne ke batla go nna motshameki wa difilimi. Ke ne ke sa kgone go ipona ke dira sengwe se sele mo botshelong jwa me. Ke ne ke itse gore go tshameka ke sone selo se ke se ratang thata, selo se ke se ratang thata. Ke rata go opela, fela jaaka ke rata dilo tse dingwe tse dintsi mme selo se ke se ratang thata ke go tshameka. Mme ke ne ka akanya gore go botlhokwa, fa o batla go dira sengwe, gare o ye go se ithuta .
    • Ke mongwe wa batho ba ba tshelang ka go rata dilo tse ba di ratang. Fa ke ne ke sa dire jalo, ga ke akanye gore ke ne ke tla atlega jaaka motho. Ka jalo, nna ga ke e lebe e le go gaisana kgotsa sepe fela. Ke go leba fela jaaka selo se le sengwe fela se nka kgonang go se dira mme ke dira bojotlhe jwa me.
    • Fa o sa laole botshelo jwa gago, ga o kitla o nna le botshelo. O tshwanetse go tsaya maikarabelo, o fitlha mo ntlheng e ka yone jaaka mogolo, o lemogang gore kgato nngwe le nngwe e o e tsayang e na le ditlamorago tsa yone le gore fa o batla sengwe, o tshwanetse go se rulaganya le go dira ka natla gore o se fitlhelele.
    • Ke itshidila mmele thata. Ga ke a ka ka dira karo ya go ntsha mafura.
    • Mo go nna, dinako tse di sa lebalesegeng di amana le ditiro tse ke kgonneng go di dira. Ke tsone tse di dirang gore ke nne le dilo tse ke di gakologelwang.
    • Ba gatelelwa thata gore ba nyale. Mme ka ntlha ya kgatelelo eno, ba dira diphoso di le dintsi. Ke ne ke akanya gore go botlhokwa gore re bolelele setšhaba gore, ee, lo batla gore mongwe le mongwe a nyale mme ga lo tlhoke go gatelela basadi thata jalo .
    • Go diragalela basadi. E ka tswa e le ka ntlha ya khumo ya gago, e ka tswa e le ka ntlha ya sengwe le sengwe fela mme monna yono o ne a itshwara ka tsela e a neng a itshwara ka yone e seng ka gonne mosadi yono e ne e le motho yo o itsegeng mme e le ka gonne a ne a na le mathata a gagwe ka namana a a neng a tshwanetse go a rarabolola. Monna yo o itayang mosadi o na le mathata; monna yo o kgonang go bolaya le ene o na le mathata. Ka jalo, go ne go sa kgathalesege gore a o ne a itsege kana nnyaa, boikutlo jwa gagwe jwa tlholego bo ne bo tla nna bo ntse bo bonala. O ne a ka itaya mosadi mongwe le mongwe yo a neng a ka mo nyala ka gonne ke mofuta wa motho yo a leng ene.
    • Ga se kgang ya madi kana ponalo, ke kgang ya pelo ya gago le mogopolo wa gago. Ka jalo, mo go nna, ke tshwanetse go nna mo pelong ya motho le mo mogopolong wa gagwe.
    • Se ke batlang go se bua fela ke gore, ke golotswe mo bokgobeng jwa botshwarwa. Ga ke tlhole ke kgona go itshokela go itewa jaaka kgetsi ya motshameko wa mabole.
    • Ka gonne fa o lebelela baesekopo eo morago ga moo, o tla batla go lela. Ga di ke di atlega. Ga ke itse gore ke ka ntlha yang fa batho ba akanya gore e re ka e na le tekanyetsokabo e nnye, ga ba a tshwanela go tlhokomela dintlha tse dinnye.
    • Fa e le gore o bua ka madirelo, rotlhe re setse re duetse melato ya rona. Ka jalo, fa ke bona batho ba bereka, ka metlha ke iketleeleditse go ba thusa ka tsela epe fela e ke ka kgonang ka yone. Sa ntlha, ke leka go dira gore ba ikutlwe ba gololesegile, ga ke akanye gore go nna mosha go amana le seno
    • Ke ne ka tshameka karolo ya mosetsana mongwe yo mmotlana mo go Out of Bounds, yo o neng a batla tlhokomelo mme fa a ne a sa e bone, o ne a nna seganana. Go diragala mo legaeng lengwe le lengwe, fa o na le ngwana yo o sa tlhokomelweng ke batsadi ba gagwe, o nna a didimetse thata kgotsa ga a dire sepe.
    • Akanya ka gone, o tsamaisa lenaneo ka diura di le nne mme o duelwa madi a a fetang a o a duelwang mo baesekopong ka letsatsi le le lengwe fela la tiro. Diura di le masome amabedi le bone mme o nyenya mo bankeng!
    • Ke tshwanetse go bolela gore e ne e le tshiamelo go nna le seabe seo. Motsamaisi le motlhami ba ne ba tlhopha batshameki ba ba neng ba akanya gore ba tshwana le Dr. Adadevoh le bone ba ne ba re laletsa rotlhe go tla go reetsa mmino. Gape ba ne ba dira gore mongwe le mongwe a tsenele tlhatlhobo. Ke ne ka ya kwa go yone mme ka lesego ke ne ka e amogela".
    • Ga ke tshwenyege fa batho ba bua ka gore a motho o a goga kgotsa nnyaa, mme ba tshwanetse go nna le bosupi. O tshwanetse wa bo o na le bosupi jwa go bua dilo dingwe ka batho. Fa o ka mpotsa gore a ke a nwa, ke tla go bolelela gore ga ke tlhole ke nwa. Go goga motsoko le mekgwa e mengwe e batho ba e dirang ga e siamele botsogo jwa bone.
    • Dilo di a fetoga mo lefatsheng lotlhe. Fa o ka leba go dikologa, o tla fitlhela basadi ba le bantsi ba tshola bana le go itlhokomela. E gongwe le gongwe. Go na le basadi ba e seng batshameki ba dibaesekopo mme e le bommè ba ba se nang balekane, mme mo bathong ba le bantsi ke akanya gore ke ka ntlha ya tshupanako ya bone ya mmele. Go na le gore o letele mana a a tswang kwa legodimong mme o itse gore ga go na mana, mme o ikutlwa o tlhoka go nna le bana, dira jalo.
    • Ke na le dingwaga tse di fetang masome a mabedi ke le mo kgwebong ya boitlosobodutu, ka jalo ga go na ope mo kgwebong eno yo ke batlang go intsha le ene, kwantle ga gore batho ba ba ntseng jalo ga ba ise ba tsene mo kgwebong eno. Ke itse mongwe le mongwe mme ga go na ope yo ke kgatlhegelang go intsha le ene. Seo ke boammaaruri.
    • Ke a tlhaloganya e bile ke bona kafa ngwana wa mosetsana a leng mo mathateng ka teng. Ka metlha ke ne ke bereka le mekgatlho e e neng e dirisana le ditlhaselo tsa tlhakanelodikobo le dikgang tse dingwe tse di amanang le tsone.
    • Ga ke rate kgopolo eno ya bosadi ka gonne ke akanya gore karolo eno ya bosadi e tsepame thata mo go se se feteletseng. E botlhole. Ga ke batle go nna karolo ya seo. Ke batla gore re lemoge gore o amega ka batho fa e le gore o bolela gore o rata batho.
    • Ke akanya gore re a gola, phetogo e nna e ntse e tsweletse, re fetogile ka ntlha ya kitso ya rona ya botegeniki, re tsaya nako e ntsi, re tsenya matsapa a mantsi mo difiliming tsa rona, re leka go di dira gore di nne di siame go gaisa mo babogeding, ke sone se se fetogileng, re tlhabologile.

Dikgolagano tsa kwa ntle

[edit | edit source]
Retrieved from "https://incubator.wikimedia.org/w/index.php?title=Wq/tn/Bimbo_Akintola&oldid=6449232"