Wq/tn/Beverly Osu

Beverly Osu in 2016

Beverly Ada Mary Osu (Otshotswe ka kgwedi ya Lweste e le masome a mabedi le bosupa ngwaga wa sekete makgolo a robabongwe ,masome a robabongwe le metso e mebedi ( 1992) ke motshameki wa bidio, mmotlelara le motshameki wa difilimi wa Mo-Nigeria. O itsege thata ka go tshameka mo difiliming di le mmalwa le go nna le seabe mo setlheng sa bo borobabobedi sa Big Brother Africa. Osu o ne a fenya seetsele sa mmabontle yo gaisitsing mo ngwageng kwa Dynamix All Youth Awards ya ngwaga wa dikete tse pedi,lesome le motso.

Dikinolo

• Ke tla tswelela ka thulaganyo ya me mo setshwantshong sa motshikinyego le ya mo maranyaneng mme ke tla fetsa sekolo. Ke sone se se leng botlhokwa gone jaanong.
  • [1] Beverly o bua ka dithulaganyo tsa isago ka ngwaga wa dikete tse pedi,lesome le metso e meraro ( 2013.)
• Ke ne ke seyo koo ka founo ya me ya selula gore ke kgone go buisana le batho ba ba kwa ntle. Ke ne ke le koo ke le nosi. Ke maswabi go bo ke tlhabisitse naga ya me ditlhong. Ke ne ke sa dire jalo ka boomo. Go nna le seabe ga me mo thulaganyong eno e ne e se go tlhabisa naga ya me ditlhong. Ke Mo-Nigeria yo o motlotlo.
  • [2] Beverly o kopa maitshwarelo ka ngwaga wa dikete tse pedi,lesome le metso e meraro( 2013.)
• Ke ne ke batla go nna moitlami ka gonne ke godisitswe ke le Mokatoliki. Ke ne ke akanya gore ke selo se se molemo se nka se dirang ka nako eo. Ke ne ke tlhola ke itsaya ke le morongwa wa Modimo. Le fa ke sa nna moitlami, ke sa ntse ke ikanyega mo Modimong. Nngwe ya ditoro tsa me ke go tlhoma kereke le go dira ditiro tse dintsi tsa go thusa batho.
  • [3] Beverly o bua ka keletso ya gagwe ya go nna moitlami ka ngwaga wa dikete tse pedi,lesome le metso e meraro( 2013).
• Go tswa foo, ke ne ka simolola go tshwara dipontsho tsa feshene le go nna le seabe mo go tsone gore ke itsege. Ke ne ka gapa dikgele di le dintsi ka go nna mmotlelara. Ke ne ka dira ka natla mo e leng gore ke ne ka fokotsa mmele.
  • [4] Beverly o re bolelela sephiri sa katlego ya gagwe ka ngwaga wa dikete tse pedi,lesome le metso e Supa (2017).
• Batho ba le bantsi ba tla bo ba akgela ka dikgang tse ba sa itseng dintlha ka tsone mme ke fitlhela seo se tshegisa.
  • [5] Beverly o ne a ganetsa magatwe a gore ke go tlhakanya bong ka ngwaga wa dikete tse pedi,lesome le metso e Supa ( 2017).
• Ke a tle ke akanye sengwe. Ke ne ka ya kwa Daughters of Divine Love Convent kwa Enugu State. Ke ne ke tla nna kgaitsadi yo o tlotlegang mme ga ke a ka ka fetsa. Ke ne ka tlogela fa ke le mo ngwageng wa botlhano. Le fa ke itse dilo tsa lefatshe, ke sa ntse ke boifa Modimo e bile ke na le tumelo mo go Ene.
  • [6] Beverly o bua ka go nna kgaitsadi yo o tlotlegang ka ngwaga wa dikete tse pedi,lesome le metso e Supa(2017).
• Ga go gakgamatse gore motho a tsamaye nako le nako. Ke Mo-Nigeria mme ke legae la me mme seo ga se nthibele go batla go itse ka lefatshe.
  • [7] Beverly o bua ka go fuduga ka ngwaga wa dikete tse pedi,lesome le metso e Supa(2017).
• Tota ga go a nna jalo. Dithulaganyo tsa thelebishene tse di bontshang dilo tse di diragalang di dira gore motho a nne le tshono e kgolo ya go bua. Go tlogetswe mo go mongwe le mongwe gore a tlhoafale le gore Modimo a mo segofatse gore a kgone go fenya le go tlhatloga.
  • [8] Beverly a bua mo reality show ka ngwaga wa dikete tse pedi,lesome le metso e Supa(2017).
• Go nna mmotlelara le go tshameka mmogo ke selo se sentle tota, ka gonne fa ke tshameka, ke tshameka batho ba ba farologaneng le go nna batho ba bangwe. Fa ke dira tiro ya go nna mmotlelara ke rata go apara diaparo tse di farologaneng. Mofuta wa me wa go nna mmotlelara le motshameki wa terama o gola thata mo Nigeria mme re solofela go o isa kwa ntle ga Nigeria.
  • [9] Beverly o bua ka modelling le go dira tiro ya gagwe ka ngwaga wa dikete tse pedi,lesome le metso e robabobedi( 2018).
• Ka namana, go ne ga nnaya nako e ntsi ya go akanya, ya go ntšhafatsa le go sekaseka botshelo jwa me sesha, e leng selo se ke akanyang gore se diragalela mongwe le mongwe. Go nna le "nako ya gago ya go nna o le nosi" ke selo sa botlhokwa mo boitekanelong jwa gago jwa tlhaloganyo; ke ile ka itlhatlhoba thata le go dira dithulaganyo tse dintsi.
  • [10] Beverly Osu a bua ka Covid-19 ka ngwaga wa dikete tse pedi le masome a mabedi ( 2020).

• Ga ke na dithibelo dipe mo botshelong jwa me. Ke tsamaya fela le phefo. Ke dira sengwe le sengwe se mogopolo wa me o mpolelelang gore ke se dire, fa fela ke ikutlwa gore ke sone se se siameng ka nako eo. Fa e le gore ke sengwe se mongwe a tla se ikwatlhaelang mo malatsing a le mabedi, seo ke kgang ya motho yoo. Ke dira se ke bonang se siame ka nako nngwe le nngwe.
  • [11] Beverly o bua ka go sa ikwatlhaele sepe ka ngwaga wa dikete tse pedi le masome a mabedi- 2020.
• Ke dumela thata gore ka metlha go na le motshe wa godimo morago ga pula. Ke ikutlwa gore sengwe le sengwe se se bosula se a diragala ka gonne ka metlha go na le sengwe se se molemo se se tlileng go diragala; ke motho yo o dumelang thata mo go seo.
  • [12] Beverly ka go nna modumedi yo o nonofileng ka ngwaga wa dikete tse pedi le masome a mabedi-2020
• Ga ke akanye ka lenyalo gone jaanong. Ke batla fela go nna motho yo o molemo.
  • [13] Beverly ka lenyalo ka ngwaga wa dikete tse pedi le masome a mabedi- 2020.
• O a bona, mongwe le mongwe o na le ditsela tse di farologaneng tsa go rarabolola maemo. Tsela e ke tsibogelang go opiwa ke tlhogo ka yone e ka nna ya se ka ya tshwana le e wena o e tsibogelang ka yone. Nako nngwe le nngwe fa o sena go itshekatsheka mme o ikutlwa gore ke nako ya go tswa mo go sone, se dire.
  • [14] Beverly o bua ka go bua kgatlhanong le petelelo ka ngwaga wa dikete tse pedi le masome a mabedi-2020.
• Batho ba na le tshwanelo ya go nna le megopolo ya bone. Go na le batho ba ba itsegeng mo madirelong otlhe. Ka metlha go na le motho a le mongwe yo batho ba bangwe ba mo tseelang kwa godimo. Fa mongwe a dira sentle mo tirong ya gagwe, motho yoo o tshwanetse go akgolwa. Mme seo ga se reye gore motho yoo o tshwanetse go buelela mongwe le mongwe.
  • [15] Beverly o tlhalosa ka ga batho ba ba tumileng ka ngwaga wa dikete tse pedi le masome a mabedi- 2020.
• O se ka wa tshaba go nna motho yo o batlang go nna ene, itlhalose. Ga ke itseele kwa godimo thata; ga ke ke ke tshaba go kopa thuso. Ga ke ke ke boifa go bolelela batho ba ke ba ratang kafa ke ikutlwang ka teng. Fa go na le bothata, ke founela batho ba ke ba ratang. Itlhalose. Mo lefatsheng, ga o a tla o le nosi, ke gone ka moo go nang le batho ba bangwe fano.
  • [16] Beverly o gakolola basetsana ba ba botlana ka ngwaga wa dikete tse pedi le masome a mabedi- 2020.

Dikgolagano tsa kwa ntle

• IMDb Page Of Beverly Osu