Wq/tn/Bea Arthur

Bea Arthur ka ngwaga wa Sekete,makgolo a robabongwe,masome a supa le metso e meraro(1973)

Beatrice "Bea" Arthur (yo o tshotseng Bernice Frankel; ka kgwedi ya Motsheganong e le lesome le boraro,ngwaga wa sekete,makgolo a robabongwe,masome a mabedi le metso e mebedi(1922) go fitlha ka kgwedi ya Moranang e le masome a mabedi le botlhano, ngwaga wa dikete tse pedi le metso e robabongwe (2009) e ne e le motshameki wa mo Amerika yo o neng a gopolwa thata ka tiro ya gagwe mo Maude le The Golden Girls.

Dikinolo

• Nna... ke ne ke sa itumelele go nna le seabe seno sa phatlalatsa se ke neng ka se newa ka tshoganetso. Ba ne ba akanya fela gore ke nna Joan of Arc wa mokgatlho wa basadi. Mme tota ke ne ke sa tshwenyege. Seno se ne sa nkgatelela thata go sa tlhokege.
  • Puisano, Sun Sentinel (Ngwaga wa Sekete,makgolo a robabongwe,masome a robabobedi le metso e mebedi(1982)
• Go direla diphologolo dimpho tse di nnelang ruri mo thulaganyong ya rona ya boswa e ka tswa e le selo sa botlhokwa thata se re ka se dirang go tlhomamisa gore diphologolo di na le lentswe le le nonofileng go di sireletsa.
  • Puisano, Los Angeles Times (Kgwedi ya Mopitlo e tlhola malatsi a mararo , ngwaga wa Sekete,makgolo a robabongwe le masome a roabongwe(1990)
• Motse oo o ne o le bokete. Re ne ra tswa re le bararo. Nna, John Barth le monna yo o kwadileng "You Are My Sunshine". Toro ya me e ne e le go nna naledi ya dibaesekopo e e nang le moriri o o pududu jaaka Ida Lupino le basadi ba bangwe ba ke neng ke ba bona mo thelebisheneng ka nako ya Kwelotlase ya Ikonomi.
• Mo go "Profile: A Star Without Even Trying; Having Conquered Stage and Television, Award-Winning Bea Arthur" e e kwadilweng ke John Fitzgerald, The Globe and Mail (August 31, 1991), ts. 7
• Malebana le motlhami wa "You Are My Sunshine" yo o sa itsiweng (yo go sa itsiweng gore tota ke mang), Arthur o lebega a le phoso, ka gonne ga go ope wa batho ba ba belaelwang - Jimmie Davis, Charles Mitchell, Paul Rice, kana Oliver Hood - yo go bonalang a amana le Cambridge.
• Ga ke kgone go akanya ke bereka ke se na bareetsi.
  • Puisano, The New York Times (Kgwedi ya Morule e tlhola malatsi a marataro, ngwaga wa dikete tse pedi( 2000)
• PETA e na le rekoto e e bontshang gore e atlegile. Phenyo nngwe le nngwe e PETA e e direlang diphologolo ke kgato ya go aga lefatshe le le nang le kutlwelobotlhoko go gaisa mo diphologolong tsotlhe - mme ga re kitla re tlogela ntwa ya rona go fitlha diphologolo tsotlhe di tshwarwa ka tlotlo le bopelonomi.
  • Potsolotso, The Human Society Kgwedi ya Hirikgong e tlhola malatsi a supa, ngwaga wa dikete tse pedi le metso e mene(2004)
• Ke ne ka lemoga ka bonako gore mo go nna, go dira metlae e ne e le fela go bua boammaaruri, le go e tshameka ka tsela ya mmatota. Ke bone batshameki ba le bantsi ba bantle ba ba fetogang dibopiwa tse di tswang kwa polaneteng e nngwe fa ba bolelelwa gore ba tshwanetse go tshameka metlae. Nna... ke ne ke sa itumelele go nna le seabe seno sa phatlalatsa se ke neng ka se newa ka tshoganetso. Ba ne ba akanya fela gore ke nna Joan of Arc wa mokgatlho wa basadi. Mme tota ke ne ke sa tshwenyege. Seno se ne sa nkgatelela thata go sa tlhokege. Ke ne ke ise ke ko ke ye kwa Wrigley Field. Ke ne ke sa rate beisebolo go le kalo, mme gone ke ne ke rata go nna gone, batho ba ne ba le bantle e bile ba ne ba opela le nna!
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano (2005)
• Go ne go ntse jaaka e kete setlhopha sa The Beatles se ne se gorogile. Basadi bano ba banè ba ba godileng, mme ba ne ba re goeletsa - ba re goeletsa. Go ne go le monate tota.
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano)
• Tsela e ke amogelwang ka yone, e dira gore ke ikutlwe ke tshwana le Judy Garland tota. Ga go utlwale mo go nna ka gonne ga ke akanye gore ke kile ka bua ka tlhamalalo jaana... Kgotsa gongwe ke ne ka dira jalo, ga ke itse. Mme mongwe le mongwe yo ke mo itseng o tshegetsa sengwe le sengwe se se amanang le go kokoanya madi kana AIDS.
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano)
• Ke lebelela mananeo a dikgang e bile ke rata Comedy Central. Ke rata The Daily Show - e botlhale go gaisa sengwe le sengwe. Gape ke rata The Critic le Celebrity Death Match le South Park. Ke rata dilo tseno tsotlhe.
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano)
• Go ne go na le ditlhogo tse re neng re bua ka tsone tse re neng re ise re ko re tlotle ka tsone, tse di jaaka gore ke ile ka senya mpa. Ga go na ope yo o kileng a bua ka gone.
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano)
• Ke ntse ke le Mo-Democrat botshelo jwa me jotlhe. Ke sone se se dirang gore Maude le Dorothy ba dumelesege thata jaana, re na le dikgopolo tse di tshwanang malebana le kafa naga ya rona e tshwanetseng go tshwarwa ka teng.
  • Potsolotso, TV Legends (Kgwedi ya Phatwe e tlhola malatsi a le marataro,ngwaga wa dikete tse pedi le metso e metlhano)