Wq/tn/Ayọ̀bámi Adébáyọ̀
Ayọ̀bámi Adébáyọ̀ o o tshotsweng ka ngwaga wa sekete makgolo a robabongwe masome a robabobedi le metso e robabobedi (1988), Firikgong a le malatsi a le masome a mabedi le borobabongwe, ke mokwadi wa kwa Nigeria.[1] Buka ya gagwe ya ntlha ya Stay With Me, e fentse seetsele sa mobile Prize for Literature le Prix Les Afriques.[2] O ne a ikgapela seetsele sa The Future Awards Africa Prize ya botaki le bodiragatsi ka ngwaga wa dikete tse pedi lesome le metso e supa (2017).[3]
Dikinolo
[edit | edit source]- Ke ne ke batla go kwala ka malwapa a a magolo. O na le batho ba o ikaegileng ka bone, mme se se molemo. Mme go diragalang fa o sa kgone se se solofetsweng mo go wena? fa o le monna, go na le kemo nokeng. Fa o le mosadi, jaaka Yejide, go nna le tsholofelo ya gore o tla nyalwa mo lolwapeng longwe mme morago o nne le bana, mme se se go neela maatla. Ke ne ke batla go lebelela gore go ka diragalang fa o ka itlhophela go nna se o tshwanetseng go nna sone, le gore sechaba fa se lek go go thusa go nna se o tshwanetseng go se nna, se go fularele.
- A bua ka fa a supileng malwapa a magolo ka teng mo bukeng ya gagwe ya Stay With Me mo puisanong ya "Great Expectations: An Interview with Ayobami Adebayo" mo The Paris Review (2017 Aug 8)
- Mo lefatsheng la Nigeria fela jaaka mo dingwaong ka bontsi, batho ba dumela gore lonyalo fa lo sena bana ga lo a felela. Ga ke dumalane le tlhaloganyo ya gore batho ba tshwanetse go nna le se ba se dirang go nna maloko a a tletseng a sechaba. Ke akanya gore ke kakanyo e e borai. Batho ke batho mme ba tshwanelwa ke tlotlo...
- Fa a bua ka dikakanyo tsa gagwe tsa lonyalo le bana mo " Ayobami Adebayo: We should decide for ourselves what happiness looks like mo pampiring ya The Guardian (2017 Feb 26)
- Fa mokgweleo o le bokete ebile o tsaya lobaka, le lorato lo a thubega. Mme se ga se ree gore ga e sa tlhole e le lorato. [4]
- Ga go na sepe se se kganelang lekgarejwana le lentle go lebagana le dibuka [5]
- Mme maaka a matona ke a re a a ipolelelang. ke ne ka hupa tedu ka ke ne ke sa batle go botsa dipotso. Ke ne ka seka ka botsa dipotso ka ke ne ke sa batle go itse dikarabo. Go ne go mpaya mo maemong a a siameng go dumela gore monna wa me o a tshephega; nako tse dingwe tumelo e motlhofo go gaisa pelaelo.[6]
Buka ya A spell of Good Things (2023)
[edit | edit source]- Jaanong lo nkutlwe sentle - se e seng sa gago ga se sa gago, le fa o ka nyala motho o o nang le selo seo. Ga e se sa gago, ga se sa gago.[7]
- Nako e ne e sa ba ema sentle, e ne e sa emele ope, le fa ele go fa batho sebaka sa go itlhotlhora morago ga go wa.[8]
- Gongwe e ne e le mongwe wa batho ba ba tla kgotsofalang fela mo isagong. [9]
Buka ya Stay With Me (2017)
[edit | edit source]- Le fa ele loleme le meno ga di kgone go tshedisana mmogo di sa lwe.[10]
- A re tle re itse gore re tla dira eng mo seemong sepe fela ntle le seemo se setse se diragala?[11] [12]
- Mabaka a rona a go dira dilo, ga se a a tla gakologelwang ke batho, nako tse dingwe.
- Mme o tshwanetse go nna kelotlhoko. O tshwanetse go kgona le go batla go tsoga ga some mo bosigong go jesa losea lwa gagwe. Morago ga tebelelo e o tshwanetse go bona dilo sentle mo mosong gore a kgone go lemoga diphetogo dipe mo loseeng lwa gagwe. Mme ga a tshwanela go tlhoka go bona dilo sentle. o tshwanetse go lemoga fa selelo sa ngwana wa gagwe se le kwa tlase kgotsa se le kwa godimo. O tshwanetse go itse fa mogote wa ngwana o le kwa tlase kgotsa o le kwa godimo. Mme ga a tshwanela go tlolwa ke dikai dipe.[13]