Wq/tn/Agnes Osazuwa

Agnes Osazuwa (o tshotswe ka kgwedi ya Seetebosigo ele masome a mabedi le borataro,ngwaga wa sekete makgolo a robabongwe masome a robabobedi le metso e robabongwe (1989) kwa Benin City, Edo) ke motabogi wa kwa Nigeria.

Dikinolo

• E re ka ke emetse Nigeria gabedi kwa metshamekong ya Diolimpiki, ke ka bua ke sa okaoke gore ke toro ya moatlelete mongwe le mongwe mme go gapa metlele wa maemo a a kwa godimo jalo go ka tsewa e le nngwe ya diphitlhelelo tse di kwa godimo le toro e e diragaditsweng e moatlelete mongwe le mongwe a ka solofelang go e bona.
  • Tsweetswee dira ka tsela e e phepa, ba ba tsietsang ka diokobatsi ba tla ipusolosetsa, Gongnews, December 15, 2016.
• Kwa Metshamekong ya ngwaga wa dikete tse pedi le metso e robabobedi ( 2008 )ya Beijing kwa nna le badirimmogo le nna (Oludamola Osayomi, Gloria Kemasuode, Franca Idoko le Halimat Ismaila) re neng ra tsenelela kwa makgaolakgannyeng mme ra feleletsa re fentse sekgele sa boronse mo metshamekong ya basadi ya 4x100m, e ne e le sengwe se se itumedisang tota. Go ne go ntse jaaka e kete lefatshe le ne le eme fela ka gonne go dira ka natla, go ikgalema le go intsha setlhabelo go ne go duetse.
  • Tsweetswee dira ka tsela e e phepa, ba ba tsietsang ka diokobatsi ba tla ipusolosetsa, Gongnews, December 15, 2016.
• E ne e le ka maikutlo a a sa tshwaneng fa re ne re amogela dikgang tsa go kgaolwa ga setlhopha sa basadi sa kwa Russia se se neng se tshameka kwa metshamekong e e farologaneng ka ntlha ya go bo mongwe wa maloko a sone a ne a dirisa diokobatsi tse di thibelang mmele go dira sentle. Ka fa letlhakoreng le lengwe re ne re itumeletse go nna bafenyi ba metlele wa selefera wa Diolimpiki, mme ka fa letlhakoreng le lengwe, re ne re ikutlwa re swabile go sekae ka go bo re ne re itse gore setlhopha se se fentseng se ne se na le tshiamelo e e sa tshwanelang ka gonne mongwe wa maloko a sone a ne a tsentse diokobatsi tse di ileditsweng mo mmeleng wa sone. Mofuta ono wa tshenolo o tla le maikutlo a a utlwisang botlhoko fa o akanya ka selekanyo sa tiro e o e dirileng ka boikanyegi le go dumela (ka phoso jaaka go bonala) gore mongwe le mongwe o ne a gaisana mo maemong a a lekanang. Mme fa jaanong o lemoga gore batho bangwe ba ne ba solegelwa molemo ka tsela e e sa tshwanelang ka ntlha ya go dirisa diokobatsi tse di ileditsweng mme seo se go amoga se e neng e tshwanetse ya bo e le sa gago ka nako eo, seo se dira gore o ikutlwe o hutsafetse e bile o tshwenyegile thata mo maikutlong le go swabisiwa ke tsamaiso eno le tsela e e dirang dilo ka yone.
  • Tsweetswee dira ka tsela e e phepa, ba ba tsietsang ka diokobatsi ba tla ipusolosetsa, Gongnews, December 15, 2016.
• Ruri go intumedisa pelo go bona seetsele sa me sa boronse se fetolwa go nna sa selefera ka gonne seno se dira fela gore ke dire ka natla le go feta le go ineela gape mo metshamekong e e phepa ya rona rotlhe.
  • Tsweetswee dira ka tsela e e phepa, ba ba tsietsang ka diokobatsi ba tla ipusolosetsa, Gongnews, December 15, 2016.
• Gape ke tla rata go dirisa sedirisiwa seno go ikuela mo bagwebing ka nna botlhe, ba bannye le ba bagolo, gore go sa kgathalesege gore o akanya gore o lebane le eng gone jaanong, ke batla gore o dumele mo go wena mme o nne o ntse o ipolelela gore dikotlhao tse di bonalang le go swabisiwa ga gompieno fa go itshokelwa go tla dira gore o nne le kgalalelo e kgolo mo isagweng e e fa gaufi.
  • Tsweetswee dira ka tsela e e phepa, ba ba tsietsang ka diokobatsi ba tla ipusolosetsa, Gongnews, December 15, 2016.

Dikinolo ka ga Agnes

• Agnes Osazuwa o fentse kgaisano ya makgaolakgang ya basadi ya 100m, ka nako ya 11.35s go fenya Gloria Asumnu yo o fentseng mo maemong a bobedi mo #NigeriaOlympicTrials
  • Making of Champions, [1], Twitter, July 7, 2016.