Jump to content

Wq/skr/ہک واری توں لنگھ آ

From Wikimedia Incubator
< Wq‎ | skr
Wq > skr > ہک واری توں لنگھ آ

ہک واری لنگھ آ توں ساݙی جَا تے

داریاں کریساں سِکّاں لہا تے

پھل، پان، مصری، الائچیاں منگیساں

عطر گلاباں تھیں مل مل دھویساں

کنگھی کریساں مہندی لویساں

کول ٻہیساں بنرا بݨا تے

شملے دیاں سوٹیاں، جے پور دے چیرے

لکھ لعل، نیلم، تے پکھراج، ہیرے

اُنج تے غریب آں پر دل تاں امیر اے

جو چیز ݙیساں ݙیساں رَڄا تے

زوری جے ویسو، ون٘ڄݨ نہ دیسوں

ڳل پا کے پلڑا مِنتاں کریسوں

آپے چلیسوں کݙیں نہ اٹھیسوں

رَڄ رَڄ کے ویسوں سِکّاں لہا تے

ایہو سوال فرید دا من گھِن

جند جان کڈھ گھِن، لُٹ مال و دھن گھِن

مویاں دیاں خبراں آپے ای چل گھِن

دل ٹھار لیساں مٹھا ہیں ادا تے

ہک واری لنگھ آ توں ساݙی جَا تے

داریاں کریساں سِکّاں لہا تے

حضرت خواجہ غلام فریدؒ