Wq/skr/ہک سوال دا جواب
ہک جاہل ادمی دا میکوں پیغام ملیئے کہ تیڈیاں کجھ پوسٹاں یا کجھ گالہیں بغاوت دے ذمرے اچ ای اسگدین میں اونکوں اکھیئے میں ہک محکوم قوم دا جنڑاں اں ادمی اں سوچنڑ میڈا حق اے الانونڑ میڈا حق اے لکھنڑ میڈا حق اے سوچنڑ الانونڑ لکھنڑ دا ناں بغاوت نئیں ھوندا اتھائیں میڈا ہک سوال بنڑدے اگر میکوں میڈا حق نہ ڈتا ونجے میکوں میڈے وسائیل کنیں محروم کر ڈتا ونجے میکوں میڈی شناخت کنیں بے نام کر ڈتا ونجے میکوں گھر کنیں بے گھر کر ڈتا ونجے کیا انہیں گالہیں دا میں کہیں فورم تیں زکر نہ کراں ملک دا ائین میکوں انہیں گالہیں دی اجازت نئیں ڈیندا چپ رہ ونجاں تیں شریف شہری الانواں تیں میڈیاں گالہیں بغاوت دے ذمرے اچ اندین پچہیں اے جناب جیکر بغاوت اے تیں پچہیں جناب اج دے بعد میں باغی اں میں باغی اں میں باغی اں اپڑیں وسیب دے حققوق گھننڑ دا باغی اں اپڑیں شناخت منگنڑ دا باغی اں اخر اچ اپڑیں محکوم قوم دا مقدمہ اپڑیں محکوم سرائیکی قوم دے ناں کرینداں جیرھی محکوم قوم دا مقدمہ مولانا عبیداللہ سندھی لڑیئے ٹر گئے ریاض ھاشمی لڑیئے ٹر گئے تاج محمد لنگاہ لٹریئے ٹر گئے حمیداصغر شاہین لڑیئے ٹر گئے مرید حسین خاں راز جتوئی لڑیئے ٹرگئے سیٹھ عبیدالرحمن لڑیئے ٹر گئے عمر علی خاں لڑیئے ٹر گئے استاد فدا حسین گاڈی لڑیئے ٹر گئے اختر بلوچ لڑیئے ٹر گئےحتی کہ ہک کافی تندیر لوکیں دی اےاساں وی لگدے نال لگے ودے ہئیں ویسے وی اساں بطور سرائیکی قوم دے انویں وی بغاوت وات ھئیں اخر ہک ڈیہنہ بطور قوم ازاد ضرور تھیسوں ۔۔۔۔۔اکبر خاں ملکانڑیں سرائیکی