Wq/skr/ونگاں
ݙوہڑہ
[edit | edit source]بِھڑدیں بَھنیج پِیاں ہن
نَویاں نَکُور وَنگاں
ٻانہیں دی خیر ہووی
تِھیوَن مَہُور وَنگاں
وَنگاں میݙیاں لَہائی وَن٘ڄ
اَپݨی امان چَائی وَن٘ڄ
ڳالِہی سَمجھ کے سِینگیاں
گِھنسَن چَھچُھور وَنگاں
ݙوہڑہ
[edit | edit source]میں شوق دیاں ونگاں پاتیاں ہِن ونگیں نال کلائیاں ݙیکھ تاں ون٘ڄ !
نک نتھلی پاتی ݙیکھیں ہا کنیں والیاں پائیاں ݙیکھ تاں ون٘ڄ !
میں واصف کجل مساڳ کیتے سر سوئیاں سائیاں ݙیکھ تاں ون٘ڄ!
میں مون٘جھ دیاں میندیاں لوئیاں ہِن میݙیاں لوئیاں لائیاں ݙیکھ تاں ون٘ڄ
ݙوہڑہ
[edit | edit source]جے شوق دیاں ونگاں ول پیندیں کر چکنا چور مروڑیں نہ
پکے قول اقرار ݙیواویں چن لگ کہیں دے آکھے چھوڑیں نہ
اڄ جو کجھ ہاں تیݙے سامھڑیں آں آوے غربت تاں مونہہ موڑیں نہ
اتی زاہد تھی مجبور ون٘ڄیں ٻانہاں تروڑ سٹیں ونگ تروڑیں نہ
ݙوہڑہ
[edit | edit source]ﺳﺎݙﮮ ٻیٹ ﺗﮯ ﻏﺮﺑﺖ ﭼﻬﺎ ڳئی ہے ﺍﺳﺎﮞ ﭘﺘݨ ﺩﯾﺎﮞ ﭼﻬﺎﻧ٘ﮩﯿﮟ ﻭﯾﭻ ݙتن
ﺍﺳﺎﮞ ﻭﺳﺪﯼ ﺟﻬﻮﮎ ﺩﮮ ﻭݨ ﻭﯾﭽﻦ ﺍﺳﺎﮞ ﭘﯿﻨﮕﮭﺎﮞ ﻻﻧ٘ﮩﯿﮟ ﻭﯾﭻ ݙﺗﻦ
ﺳﺎݙﮮ ﻣﺎﻝ ﻭﮐﺎ ڳئے ﻣﻨﮉﯾﺎﮞ ﺗﮯ ﺍﺳﺎﮞ ﮐﺎﻧﮯ ﮐﺎﻧﮩﯿﮟ ﻭﯾﭻ ݙﺗﻦ
ﺗﻮﮞ ﺁﺻﻒ ﻭﻧﮕﺎﮞ اڄ ﮔﻬﻦ ﺁﺋﯿﮟ ﺍﺳﺎﮞ ﮐݙݨ ﺩﯾﺎﮞ ٻاﻧ٘ﮩﯿﮟ ﻭﯾﭻ ݙﺗﻦ
ﺳﺌﯿﮟ ﺳﯿﻒ ﺍﻟﻠﮧ ﺁﺻﻒ