Wq/skr/نویں سرائیکی کافی
نویں سرائیکی کافی ایں وسوں دے معروضی حالات تو ابھری ہے'جے ذوالفقار علی بھٹو دی حکومت قائم رہندی تاں ریاست تے اِتھ وسدیاں قوماں وچکار قرب پیدا تھیوے ہا' رب دے ناں کوں مقامی بندے دے خلاف نہ ورتیجے ہا'مجاہدین تے طالبان دے ہتھ ایں وسوں دا گریبان نہ ڈویجے ہا'ضیاالحق رب دے ناں کوں ایں وسوں دے لوکیں دے خلاف ورتیا' رب دے ناں کوں لوکیں دے خلاف جڈنڑ ورتیجے کافی جنم گھندی ہے'اورنگ زیب دے فتاوی سامنڑے بلھے شاہ دی کافی کھڑدی ہے'کافی رب دی طاقت کوں لوکیں نال ولدا گنڈھیندی ہے'ایہا گالھ اے جو ایں وسوں وچ کافی ولا ڈُسی ہے (مرتضے زاہد دی ہک گالھ دے جواب وچوں)