Wq/skr/مولا امان ݙیوے

From Wikimedia Incubator
< Wq‎ | skrWq > skr > مولا امان ݙیوے

سرائیکی دعائیں*

*اَندھے دی مُک توں ، بیڑی دی دھُپ توں تے شادی دی بکھ توں ، مولا امان ڈیوے*

*سیاسی دے کوڑ توں ، مراسی دے موڈ توں تے تھریشر دی دھُوڑ توں ، مولا امان ڈیوے*

*کملے جَٹ توں ، بےسُرے نَٹ توں تے ساونڑ دے پھَٹ توں ، مولا امان ڈیوے*

*کچے دی لاری توں ، مالی پٹواری توں تے سپاہی دی یاری توں ، مولا امان ڈیوے*

*نشئیاں دی ٹولی توں ، اوڈاں دی بولی توں تے پننڑے دی جھولی توں ، مولا امان ڈیوے*

*پولیس دی مار توں ، معیادی بخار توں تے بیڑے نسوار توں ، مولا امان ڈیوے*

*ڈاڈھے دے لاہنڑیں توں ، جنگل دے تھانڑیں توں تے بےٹائمے پراہنڑیں توں ، مولا امان ڈیوے*

*پٹھانڑاں دے اُدھار توں ، گھریلو شکار توں تے الیکشن دی ہار توں ، مولا امان ڈیوے*

*بوہے دی بیر توں ، تھل دے انہیر توں تے ہاتھی دے پیر توں ، مولا امان ڈیوے*

*لڑاکی ذال توں ، آوارے بال توں تے جیل دی دال توں ، مولا امان ڈیوے*

*کَیرے گنجے توں ، شیر دے پنجے توں تے ہوٹل دے منجے توں مولا امان ڈیوے*

😂😂😂😂😂😂😂😂