Wq/skr/غلام ابن غلام

اساں غلام ابن غلام، چند خاندانیں دے غلام جنھیں اج تک سوائے غلامی دے نہ کجھ سوچے نہ سمجھے، نکے ویلھے دی میکوں اُوکُکِڑ یاد آندی ہے جیندی گچی تیں صرف انگل مار کے آھدے ہاسے شاہ دی کاتی من پو، اوندے نال گول کڑا مریندے ہاسے جیکوں آکا باکا آھدے ہاسے، اُو کُکڑ اوں آکے باکے کوں تروڑ نھی سگدی اللہ جانڑے کیا راز ہا، ہک وزیر اعظم جئیندی اولاد آھدی ہے اساں پاکستانی نسے ساڈا کاروبار ساڈی جائیداد برطانیہ ءچ ہے ،ساڈا ایں پاکستان نال کوئ واسطہ کائینی، اساں انھیں دے ابے دے ناں تے نعرے مریندے ہیں کہ ساڈا خیر خواہ مسیحا ہے یعنی جئیندی اولاد ایں ملک ءچ رھنڑ پسند نیں کریندی اساں اونھیں دے ابے کوں وزیر اعظم دے روپ ءچ ڈیکھنڑ چانہدے ہیں کیجڈے سیانڑے ہیں، اوندی دھی کنیں سوال تھئے؟ کہ تیڈے اکاؤنٹ ءچ کروڑاں ڈالر کتھو آئن، اوندا جواب ہا میڈء علم ءچ کائینی میں ارباں پتی کیویں بنڑی ہاں ،اساں اوندی گڈی تے پُھل سٹ کے اشرف الحیوانات دا پکا ثبوت ڈتے۔

ڈُوجھا گھرانہ جئیں لاشیں کوں کیش کراکے سیاست کیتی ہے اوں ہک 28سال دے چھوکرے کوں پہلے ارباں پتی بنڑائے پچھیں آ کے ،،ایں آکے باکے،،، آلی غلام قوم دے اگو لیڈر بنڑا کے پیش کیتے جیکوں مادری زبان تاں چھوڑو قومی زبان تک نہی آندی اوکوں بھٹو شھید دا ناں ڈے کے بھٹو دی روح نال مزاق کیتا، لیکن اساں اے سوچے بغیر نال سلڑھیج گئے ہیں کہ اے کھرباں پتی چوزا جئیں ساری زندگی یورپ ءچ گزاری ہے ایکوں کرھا پتہ سندھ دا ایں دھرتی دا واسی کیرھے ڈکھ ءچ ہے، جلسے دا ناں ختم نبوت کانفرنس، پہلا سوال تاں اے بنڑدے خدانخواستہ ایں ملک ءچ کیرھا خطرہ پئے گئے ختم نبوت کوں حکمران چنگی طرح جانڑدن ایندا نتیجہ کیا نکلسی وت جلسے تے گالھیں صرف ایھا کرنڑن کہ ساڈے نال جیرھے کھڑن او پاک صاف تے مسلمان ہن باقی سارے یھودی ہن، مولانا کیرھا دین آھدے چور ڈاکو رہزن دا ساتھ ڈیو ،اج نواں دور ہے ہر بندہ جانڑدے تساں مزھب دے ناں تے کیرھا تماشہ لاونڑے، جتناں بندے تھاڈے جلسے تے ہوندن اگر اتناں بندے تھاکوں ووٹ ڈیون ہا اج خدانخواستہ شیطان دے کن ڈورے تساں وزیراعظم ہووے ہا،، ہر کُھڈی تے دانڑے چُگنڑ آلے پھٹیچر کبوتر آپڑیں نال رلا کے نواں نعرہ لاکے پرانڑے پاپی ہکے حمام ءچ غسل ڈے کے پاک صاف جماعت صادق و امین دا ٹائٹل گل ءچ لڑکا کے ریاست ء مدینہ دا تصور پیش کرکے کجھ کم کرنڑ دے بجائے سارا ملبہ پچھلیں حکومتیں تے سٹ کے جنگھ تے جنگھ رکھ کے ہر مخالف کوں ذاتی دشمن سمجھ کے انتقام گھنڑ آلی پارٹی دے قائد کوں رتا سلام، جمیل بلوچ۔