Wq/skr/زرتاج گل دی دلیری

From Wikimedia Incubator
< Wq‎ | skrWq > skr > زرتاج گل دی دلیری

زرتاج گل میڈے وسیب دے سردار دے اگو اُچا الائے میڈے وسیب واسیں دی بلوچکی ٹھاٹھاں مارنڑ لگ گئ ہے کہیں مہاجر لکھیے کہیں ذات تے حملہ کیتے کہیں الیکشن آلا چیلنج کیتے سردار دی واہ واہ تھئ ،غلامیں دا غلامی آلا کیڑا جلُول کرنڑ لگ پئے، اے سوچے بغیر میڈے وسیب ءچ جتناں پسماندگی ہے انھائیں سرداریں دی مرہون ء منت ہے، اے سردار ڈینھ ڈینھ امیر توں امیر تر تھیندے گئین اساں زیرو توں زیرو پلس تھیندے گئے ہیں۔

تھاڈی بلوچکی وسیب واسیں دے ڈکھ ڈیکھ کے کیوں نیں جاگدی تھاڈے علاقے وسبے ءچ اج وی کتے تے بندے کٹھے پانڑی پیندن، سکول ہسپتال روڈیں دی حالت ڈیکھ کے تھاڈی بلوچکی کوں کیوں موت پئے ویندی ہے سردار دی جاہ تے ونج کے زرا سردار دے برابر تاں بیھ ڈیکھالو جُتی جوڑ غلام توں ودھ اوقات نیں گالھیں کریندے ہاؤ بلوچکی آلیاں۔ تھاڈے ساڈے سامنڑے ایں علاقے ءچ ایں وسیب ءچ کتناں ظلم تھئین کتنے جوانیں دیاں لاشاں مونڈھیں تے رکھن کیرھے جنازے تے کیرھے ڈکھ تے سردار ساڈے کٹھے ہوندن ڈو انگلیں نال سلام ڈیونڑ آلے گردن ءچ سریا پاء کے ٹرنڑ آلیں کوں اگر کہیں انھیں دی اوقات یاد ڈیوائ ہے تاں چس آئ ہے۔ زرتاج گل دا جیتنڑ ایں گال دا ثبوت ہے کہ نویں نسل انھیں دی غلامی توں نکل کے آپڑاں رستہ وکھرا بنڑیندی پئ ہے اے بہوں وڈی کامیابی ہے نویں نسل دی جو صدیاں دی بنڑی غلامی دی زنزیر کوں تروڑ کے اگوھیں سوچ بنڑائ ہس میڈا سردار اھو ہے جیرھا میڈے وسبے دا ڈکھ درد رکھدے۔ اے صرف سیاسی مداری ہن ، سرداری کہیں بی شئے دا ناں ہے، تھاڈے سامنڑے دی گال ہے ہک تخت لاہور دے بادشاہ تھاڈے سرداریں دے بارے تھاڈے علاقے ءچ آن کے آکھیا ہا اے سردار انگریزیں دے کتے دھویندے ہن، نہ سردار دی غیرت جاگی نہ اوندیں غلامیں دی اے سردار اجاں وی تہوں اکڑیج بہندن جو ساڈے اندروں غلامی دے جراثیم کافی تعداد ءچ موجود ہن، نتاں اے ہر جاہ تے ایویں پِھکے تھیسن جیویں اجکل تھیندے پئین۔ جیرھے سردار جیت کے اسمبلی گئے بیٹھن انھیں چوکھے کم کرائن اگیں یا ہُنڑ، جواب صفر امجد کھوسہ پچھلی حکومت ءچ نواز شریف نال ہا ایں دفعہ تھاڈے ساڈے مفاد کیتے عمران خان نال ہے تاکہ وسبے ءچ کم کرا سگے، ایھا وجہ ہے اج میڈا شھر جاپان دے شہریں وانگوں چمکدا دمکدا پئے نہ ہوو تساں نہ ہوونائے سردار۔ [1]

حوالے[edit | edit source]

  1. فیس بک دے پیج، سرائیکی ساݙی سنڄاݨ، دا ہک مضمون، لکھت، جمیل بلوچ، تاریخ 28 جولائی 2019ء