Wq/skr/خورشید بخاری

From Wikimedia Incubator
< Wq‎ | skrWq > skr > خورشید بخاری

صوبہ بہاول پور دے اڳواݨاں دے ناں

ہر شام سویر دعا ساݙی شالا جُمل جہان دی خیر ہووے،،

ہر مُلک ہمیشہ وسدا رہ شالا پاکستان دی خیر ہووے،،

اوندے دیس پنجاب دی خیر ہووے ہر چک ہر پِنڈ آباد ہووے،،

ساݙیاں وستیاں ویڑھے ڳوٹھ وسن تھل چولستان دی خیر ہووے،،

اوندے تخت لاہور دا ہر قصبہ ہر شہر آباد تے شاد ہووے،،

ساݙے خواجے پِیر دی نگری پاک سرائیکستان دی خیر ہووے،،

ہک ڳالھ صفا اساں اہدے ہئیں ہر پیت پریت دے ویری کوں،،

اساں روھی تھل دامان دے ڄئے نی زہر جُدائی دا پی سڳدے،،

ساکوں مٹھݨ کوٹ، ہڑند ݙیراور، پتݨ منارے آکھ ݙتے،،

اوچ، روھی، داجل، تونسہ تے ملتان نہیں انج تھی سڳدے،،

سلطان سخی سرور، چنݨ پیر دے میلے اہدے پِن،،

ایہ لوک سرائیکی دھرتی دے ہک ٻے توں انج نی جی سڳدے،،

اڄ وقت ھے ہک مُٹھ تھیوݨ دا نہ کُئی تکرار دی ڳالھ کرو،،

نہ تروڑو رت دے رشتیں کوں میݙا ویر وپار دی ڳالھ کرو،،

ملتان، بہاول پور، دیرہ تھل روھی ھے ہک جان وانگوں،،  

ہک خون ساݙا اساں ہک ہیسے نہ پار اروار دی ڳالھ کرو،،

نیئں دیس بہاول پور ساݙا اساں دیرے وال نہ ملتانی،،

اساں سارے صرف سرائیکی ہیں ایں ڳالھ دا نہ انکار کرو،،

اساں بھیݙاں ݙے تے نہر گھدے واہ فیصلے صادق خان کیتے،،

اسلام دے ناں تے غیراں تے ونڄ خان ساݙے احسان کیتے،،

ہارون آباد توں حاصل پور، یزمان توں صادق آباد توڑیں،،

تیݙے دیس تے کیندا قبضہ ھے؟ اڳواݨ کݙاہیں تیئں دھیان کیتے،،

نہ تروڑ بہاول پور ساݙا ملتان تے تھل دامان کنوں،،

جے دھرتی دا غدار نوھی تاں ٻول سرائیکستان کیتے،،

(خورشید بخاری)