Wq/skr/تحریک تے جدوجہد

صوبہ سرائیکستان ڊی جدوجہد کرݨ والے تمام بھیراواں دیاں محبتاں ڊے مشکور ہیں کہ جو اساݙے نال جڑے رھاندن، اساݙا مشن پہلے ݙینھ توں اج تک ھک ھِ تے او صرف تے صرف اساݙی مضبوط بنیاد ، جو کہ آپس ءچ اتحاد نا ہووݨ دی وجہہ توں اساݙی کمزوری بنڑی ہوئی ھِ سبھ بھیراواں اپنڑی مرضی کیتی ھِ تے نتائج وی سبھ دے سامنڑیں ھن قوم کل وی زوال ءچ گھیری ھائی تے اج وی ٹُکر دی فکر ءچ سویر توں شام تک پیسنے واھائی پئی ھِ لیکن متبادل اساݙے بال ھک لمبی تاریکی ءچ گم ھِن ۔۔۔ اساں پیسے کماوݨ دے چکر ءچ اے بھل گئے ھیں کہ جنہاں دی خاطر پیسے کمیندے پئےھیں اُو اپنڑاں بچپن گلیاں ءچ کھیڈ تے گزاری ویندن، تعلیم ہر قوم دی ترقی ءچ اہم مقام رکھیندی ھِ جو کہ مضبوط بنیاد دی ضامن بنڑدی ھِ بیشک اساݙی قوم زیادہ ھِ تے دنیا دے ہر حصہ ءچ مقیم ھِ تے روزگار تے کاروبار ءچ مصروف ھِ لیکن اتنی وݙی قوم افسوس مل تے ھک سکول دی بنیاد نی رکھ سکدی ، جو در حقیقت اساݙی قوم دی بنیاد ھِ ، کھوکھلے نعرے ، دعوے تے واہ واہ اسکیماں سرائیکیاں دے بالاں دے مستقبل دی تدفین دا سامان ھِن ، پتہ نی ایں گمراہی توں کڈھݨ نکلݨ دی کوشش کریسوں، میڈے سوہنڑیں رسول دی ھر گال دین ھِ تے دین اساں کوں ول ول ایہا آکھیندے کہ اپنڑیں آسے پاسے غریب مستحق بے گھر لوگاں دی مدد کروں، تاکہ او مستقل روزگار دا سلسلہ کر سکن، اگر کہیں دی دیھی حج دے پیسیاں نال رخصت تھیووے تاں ایہو جئے ڈو چار حج کرݨ توں بہتر ھِ کہ اوندی دیھی رخصت کروں، فی الوقت جو دوست بھیرا یا مخیر حضرات تعاون فرمیندن یا اپنڑیں چادر دے مطابق علاقائی سطح تے مدد کریندے رھاندن تے او مدد مستحق دے درد دا مستقل علاج کینی، مستحق کو آٹا چینی دالیں گھن تے ڈیون مستقل مدد کینی ، قوم ءچ ایہو جئے بہوں غریب گھرانے موجود ھن جنہاں کوں انہاں دی ضروریات توں تھوڑی مدد کر تے انہاں کوں مزید خیرات دا عادی بنڑاوݨ ءچ بھیراواں دی کوششاں ھن، تے سبھ تھوڑے تھوڑے ذمہ دار ھیں قوم دے نال جڑیا ھر فرد ، قوم دا حصہ ھِ تے ھک برادری ھِ ، جب تک اساں سبھ قوم کو برادری وانگوں تسلیم نا کریسوں اون ویلے تک اگوں ودھݨ دی سوچ بے معنی ھِ ، ڈوجہا عارضی مدد توں بہتر ھک ھک گھرانے دی مستقل مدد کر تے ہر مستحق خاندان کوں ایں قابل بنڑاوݨ ھِ کہ او بجائے خیرات دے منتظر رھاون دے مدد کرݨ والے بݨ ونجن او زیادہ بہتر ھِ گزشتہ ٥ سال توں زائد عرصے ءچ بہوں دوست اساݙے ادارے نال منسلک تھئے لیکن جئیں ویلے ھک سسٹم بنڑاون دی گالھ کیتی گئی سبھ اگئی تے ، پچھی تے تھئی گئے ۔۔۔ ہر بھیرا کوں بھیرا دا درجہ ݙیون ضروری ھِ تے ہر خاندان ءچ پڑھے لکھے بے روزگار نوجوان جو نوکریاں دے منتظر ھن انہاں دے روزگار بارے بہتر راہ ݙیوݨ ضروری ھِ ، ادارہ اے ایس ڈبلیو او ، وسیب دے ہر بھیرا کوں دعوت ݙیندے کہ سبھ قطرہ قطرہ مل تے اپنڑیں وسیب دی زمین سیراب کرون، بلا تفریق رنگ و نسل ، صرف تے صرف اے ݙیکھیں کہ کیھڑا پودا اساݙے وسیب کوں مزید رنگین بنڑیندے تے خوبصورتی آندی ھِ ، رہی گالھ سیاست داناں دی ، تے امیراں دے کھیڈ ھِن تے الیکشن توں قبل دے رنگ تے بعد دے رنگ سبھ دے سامنڑیں ھِن اساں سبھ چپ سادھ تے بھاون دی بجائے سیاست داناں توں لا تعلق تھئی تے اپنڑیاں بنیاداں تے سنجیدگی نال کم کروں، جو کہ در حقیقت قوم دی بنیاد ھِ ، ڈوجہے پاسے میں ھک لیڈر شپ دی جنگ ݙیکھداں کہ ہر بندہ لیڈر بنڑݨ دی چکر ءچ لگے، لیڈر شپ دی صلاحیت تے قابلیت جو رکھیندے او بݨ سکدے بشرط پہل قوم کو اتحاد ءچ گھن تے آوے، تسلیم کیتا ویسی۔ ایں ویلے لیڈر شپ توں ودھ تے غریب گھرانے جو غربت دی وجہہ توں یکے بعد دیگرے وسیمدے ویندن انہاں دی فکر ضروری ھِ تے کلھے کلھے زور لاون دے نال قوم دے ہر فرد دی فلاح ممکن کینی تمام باشعور ، مخیر دوست احباب کوں کانڈھا ھِ کہ ایں سلسلے ءچ ادارے دے نال اپنڑیاں محبتاں دا اظہار کرو تاکہ جلد قوم بلا مقصد ھک اتحاد تے آوے، تے اساں اپنڑی اصلیت دی سنجھاݨ کروں.

الداعی الخیر، امان اللہ لنڈ