یاری

پتھر زہن گلاب نئیں ہندے
کورے ورق کتاب نئیں ہندے

جے کر لئیے یاری بلھیا!!!
فیر یاراں نال حساب نئیں ہندے۔

پڑھ پڑھ کتاباں

"پڑھ پڑھ کتاباں علم دیاں تون رکھ لیا قاضی
ہتھ وچ پھڑ کے تلوار ناں رکھ لیا غازی
مکے مدینے گھم آیا تے ناں رکھ لیا حاجی
اوہ بلیا جاصل کی کیتا جے توں رب ناں کیتا راضی"

ہیرے

"ہیرے سستے مُل دے ویکھے
لعل تکڑی وچ تُلدے ویکھے
پُھل پیراں وچ رُلدے ویکھے
سیانے گلاں توں پُلدے ویکھے
کوئی کسی نال پیار نئیں کردا
دل دُنیا وچ کُل دے ویکھے
رنگ برنگی دُنیا ویکھی
کئی کئی رنگ اک پُھل دے ویکھے
سُکھ تے ازل توں ویری میرے
دُکھ ای اکھیاں کھلدے ویکھے
بس کر دِلا، چھڈ دے کھیڑا
چھڈ دے رام کہانی تُوں
تُو رُل گیا تے تاں کی ہوئیا
شاہ وی گلیاں چ رُلدے ویکھے۔

کج شوق سی

کج شوق سی یار فقیری دا
کج عشق نے در در رول دتا

کج سجنا کسر نہ چھوڑی سی
کج زہر رقیباں گھول دتا
کج ہجر فراق دا رنگ چڑھیا
کج درد ماہی انمول دتا
کج سَڑ گئی قسمت میری سی
کج پیار وچ تعوکھہ ڈھول دتا

کون کرے

نئیں لنگدا وقت وچھوڑے دا ۔۔۔
بن یار گزارا کون کرے ۔۔۔
دنیا توں کنارہ ہو سکدا ۔۔۔
یاراں توں کنارہ کون کرے ۔۔۔
اک دن ہووے تے لنگ جاوے بلھیا ۔۔۔
ساری عمر گزارا کون کرے ۔۔۔

بلہے شاہ

اسی نازک دل دے لوک ہاں،
ساڈا دل نہ یار دکھایا کر
نہ جھوٹے وعدے کیتا کر،
نہ جھوٹیاں قسماں کھایا کر
تینوں کنی واری میں آکھیا اے،
مینوں ول ول نہ آزمایا کر
تیری یاد دے وچ میں مر جا ساں
مینوں ایناں یاد نہ آیا کر

=

سر تے ٹوپی نیت کھوٹی
کی لینا سر ٹوپی دھر کے
تسبیح پھیری پر دل نہ پھریا
کی لینا تسبیح ہتھ پھڑ کے
چِلے کیتے پر رب نہ ملیا
کی لینا چِلیاں وڑ کے
بلھے شاہ جھاگ بنا دودھ نئیں جمدے
بھاویں لال ہووے کڑھ کڑھ کے

++++ بلہے شاہ اساں مرنا ناہیں گور پیا کوئی ہور

++++