Wq/pa/ਪੰਜਾਬੀ ਬੋਲੀਆਂ
ਪੰਜਾਬੀ ਲੋਕ ਬੋਲੀਆਂ ਦੀ ਸੂਚੀ:
1.
ਹਰੇ ਹਰੇ ਘਾਹ ਉੱਤੇ,
ਸੱਪ ਫੁੱਕਾ ਮਾਰਦਾ ,
ਭੱਜੋ ਵੇ ਵੀਰੋ ,
ਬਾਪੂ ਕੱਲਾ ਮੱਝਾ ਚਾਰਦਾ,
ਭੱਜੋ ਵੇ ਵੀਰੋ .........
2.
ਹਰੇ ਹਰੇ ਘਾਹ ਉੱਤੇ,
ਉੱਡਣ ਭੰਬੀਰੀਆਂ ,
ਬੋਲੋ ਵੀਰੋ ਵੇ ,
ਭੈਣਾ ਮੰਗਣ ਜੰਜੀਰੀਆਂ ,
ਬੋਲੋ ਵੀਰੋ .........
3.
ਹੀਰ ਕੇ ,ਹੀਰ ਕੇ ,ਹੀਰ ਕੇ ਵੇ ,
ਅੱਖਾਂ ਜਾ ਲੜੀਆਂ ਘੁੰਡ ਚੀਰ ਕੇ ਵੇ ,
ਅੱਖਾਂ ਜਾ ਲੜੀਆਂ ...........
4 .
ਊਠਾਂ ਵਾਲਿਉ, ਊਠ ਲੱਦੇ ਵੇ ਲਾਹੌਰ ਨੂੰ ,
ਕੱਲੀ ਕੱਤਾਂ ਵੇ ਘਰ ਘੱਲਿਉ ਮੇਰੇ ਭੌਰ ਨੂੰ,
ਕੱਲੀ ਕੱਤਾਂ ..............,
5.
ਊਠਾਂ ਵਾਲਿਉ,ਊਠ ਲੱਦੀਆਂ ਬੋਰੀਆਂ ,
ਮਹਿਲੀ ਛੱਡੀਆਂ, ਸੁੰਨੀਆਂ ਗੋਰੀਆਂ ,
ਮਹਿਲੀ ..............,
6.
ਊਠਾਂ ਵਾਲਿਉ, ਥੋਡੀ ਕੀ ਵੇ ਨੌਕਰੀ ,
ਪੰਜ ਵੇ ਰੁਪਈਏ,ਇਕ ਭੋਅ ਦੀ ਟੋਕਰੀ ,
ਪੰਜ ਵੇ .........,
7.
ਆ ਵੇ ਨਾਜਰਾ,ਬਹਿ ਵੇ ਨਾਜਰਾ ,
ਬੋਤਾ ਬੰਨ ਦਰਵਾਜੇ ,
ਵੇ ਬੋਤੇ ਤੇਰੇ ਨੂੰ ਭੋਅ ਦਾ ਟੋਕਰਾ ,
ਤੈਨੂੰ ਦੋ ਪਰਸ਼ਾਦੇ ,
ਖਾਲੀ ਮੁੜ ਜਾ ਵੇ ,ਸਾਡੇ ਨਹੀ ਇਰਾਦੇ ,
ਖਾਲੀ ਮੁੜ ਜਾ ਵੇ ......,
ਜਾਂ
ਗਿੱਧੇ ਵਿੱਚ ਨੱਚਦੀ ਦੀ, ਧਮਕ ਪਵੇ ਦਰਵਾਜੇ ,
ਗਿੱਧੇ ਵਿੱਚ .......,
8.
ਅੰਬ ਦੀ ਟਾਹਣੀ ਤੋਤਾ ਬੈਠਾ ,
ਅੰਬ ਪੱਕਣ ਨਾ ਦੇਵੇ ,
ਸੋਹਣੀ ਭਾਬੋ ਨੂੰ, ਦਿਉਰ ਵਸਣ ਨਾ ਦੇਵੇ ,
ਸੋਹਣੀ ਭਾਬੋ .........,
9.
ਅੰਬ ਦੀ ਟਾਹਣੀ ਤੋਤਾ ਬੈਠਾ ,
ਬੈਠਾ ਬੈਠਾ ਬਿੱਠ ਕਰ ਗਿਆ ,
ਮੇਰੀ ਭਰੀ ਜਵਾਨੀ ਠਿੱਠ ਕਰ ਗਿਆ ,
ਮੇਰੀ ਭਰੀ ...........,
10.
ਚੰਨ ਗੋਰੀਆਂ ਰੰਨਾ ਦੇ ਪੱਟ ਵੇਖੇ
ਸੂਰਜ ਤਪ ਕਰਦਾ
11.
ਕੋਕੇ ਵਾਲੀ ਨੇ ਭਨਾ ਲਏ ਗੋਡੇ
ਤੀਲੀ ਵਾਲ ਖਾਲ ਟੱਪ ਗਈ