Wq/or/ଶ୍ରୀ ଜଗନ୍ନାଥ ଭଜନ,ଜଣାଣ/ବାଇଧର ଦ୍ଵିଜ
ମନ ଥୟ କରି ଦେଖ ଏଥ[edit | edit source]
ମନ, ଥୟ କରି ଦେଖ ଏଥ_
ନୀଳ କନ୍ଦରେ ସୁନ୍ଦର ଜଗନ୍ନାଥ।।ଘୋଷା।।
ଏହି ପ୍ରଭୁ ଜଗନ୍ନାଥ_ କଶ୍ୟପ ଋଷିଙ୍କ ସୁତ
ବାମନ ମୂରତି ହୋଇ_ ବଳୀ ଦ୍ଵାରେ ଉପଗତ_
କରେ ଘେନି କୁଶ ପାତ୍ର ! ହରିଲେ ତାହାର ଵିତ୍ତ_
ପଦ୍ମପାଦ ଦେଇଥିଲେ ବଳିମାଥ।।୧।।
ଏହି ପ୍ରଭୁ ଜଗନ୍ନାଥ_ ଦଶଥଙ୍କର ସୁତ
ସୀତୟା ଘେନି ସଙ୍ଗତେ_ ବୁଲିଲେ ଗହନ ପଥ
ସାଗରେ ବାନ୍ଧିଲେ ପଥ ! ଲଙ୍କାକୁ କଲେ ନିପାତ
ସୀତା ଛଳେ ବଧିଲେଟି ଦଶମାଥ।।୨।।
ଏହି ପ୍ରଭୁ ଜଗନ୍ନାଥ_ ନନ୍ଦର ହୋଇଲେ ସୁତ
କାଳୀ ଦଳି ପାଦଗତ_ ମନ୍ଥିଲେଟି ସୁରନାଥ
କଂସ ଅସୁର ନିପାତ ! ଜଗତେ ଅଛି ବିଖ୍ୟାତ
ଭାରତ ଯୁଦ୍ଧରେ ବାହି ପାର୍ଥ-ରଥ।।୩।।
ଏ କଳି କାଳରେ ଦେଖ_ ଶଙ୍ଖ ଚକ୍ର ଧରି ହସ୍ତ
ବସିଛି କୈବଲ୍ୟ ହାଟ_ ପାପୀଏ ଦେଖି ମୁକୁତ
କି ଶୋଭା କଳା ଶ୍ରୀମୁଖ ! ଦେଖିଲେ ଖଣ୍ଡଇ ଦୁଃଖ
ପ୍ରଜାପତି ସଙ୍ଗେ ଶୋଭା ବିଶ୍ୱନାଥ।।୪।।
ଏହି ପ୍ରଭୁ ଜଗନ୍ନାଥ_ ଶଚ୍ଚିର ହୋଇଲେ ସୁତ
ବୈଷ୍ଣବ ଧର୍ମ ବିଖ୍ୟାତ_ ଶିଖାଇଲେ ମହାମନ୍ତ୍ର
ବୁଲିଲେ ଏହି ଜଗତ ! ଭକତ ଘେନି ସଂଗତ
ଦ୍ଵିଜ ବାଇଧର ଆଶ୍ରା ଲକ୍ଷ୍ମୀକାନ୍ତ।।୫।।