Wq/om/makmaaksa Oromoo

“ Abbaan daadhii dhugeef ilmi afaan hin urgaayu. ”
“ Abbaan iyyatu malee ollaan hin birmatu. ”
“ Abbaatu Of mara jedhe bofti hantuuta liqimse. ”
“ Abjuun bara beelaa buddeena buddeena jetti. ”
“ Afaan dubbii bare bulluqa alaanfata. ”
“ Afaan gaariin afaa gaarii caala. ”
“ Afaan hamii bare utubaatti hasaasa. ”
“ Afaanii bahee gooftaa namaa ta'a. ”
“ Aggaamanii dhiisun diina ofitti goobsuudha. ”
“ Akka abaluun sirbaan morma nama jallisa. ”
“ Akka cabanitti okkolu. ”
“ Akka madaa qubaa, yaadni garaa guba. ”
“ Akuukkuun yeroo argate dhakaa cabsa. ”
“ Alaanfadhuuti gara fira keetti gara galii liqimsi. ”
“ Amartiin namaa hin taane quba namaa hin uriin. ”
“ Ana haa nyaatuun beela hin baasu. ”
“ Ani hin hanbifne, Ati hin qalbifne. ”
“ Asiif achi sochoonan ilkaan fira hin ta'u. ”
“ Asiin dhihoon karaa nama busha. ”
“ Badduun fira ishee yoo hamattee, baddubaatuun niitii ishee hamatti. ”
“ Bakka kufte osoo hin taane bakka mucucaatte bari. ”
“ Bakka oolan irra bakka bulan wayya. ”
“ Balaliitee balaliitee Allaattiin lafa hin hanqattu. ”
“ Beekkumsi nyaata sammuuti. ”
“ Bishaan mataa ga'e miila hin hanqatu. ”
“ Bu'aa malee dalaguun bultii hiikudha. ”
“ Dhabe jettee hin booyin, Qaba jettee hin boonin. ”
“ Dubbiin dhugaa gabaabadha, Dubbiin sobaa dheeradha. ”
“ Duula biyyaaf dhufe itti makaman. ”
“ Fira fakkaatee dhadhaan wayaa xureessa. ”
“ Foon lafa jiruu Allaattiin muka irraa wal lolti. ”
“ Gaaddidduun ganamaa galgala hin jrtu. ”
“ Gaafan magarsaatti harreen gurra dhabde. ”
“ Galaanni darbaa jiru si hin fudhatin, jaarsi du'aa jiru sin abaarin. ”
“ Gamattuu si jaaladhu; Gamanatti natti dhufte. ”
“ Gammachuudha simadhu. ”
“ Gowwaan waan beeku dubbata, Gamni waan dubbatu beeka. ”
“ Gubattee hin beektuu ibiddatti gamti. ”
“ Haadha ilaalii intala fuudhi. ”
“ Haga humni gawu garaan gaha. ”
“ Hantuutni haadha jalatti gumbii uruu barti. ”
“ Harreen gara daaraa Firri gara firaa. ”
“ Hiriyaan too dhalte jedheeti Sangaan ittane. ”
“ Horii abbaan gaafa cabse ollaan ija jaamsa. ”
“ Ibiddi daara dhalcha. ”
“ Itti harkisuun kaabuu hin ta'u, yoo danqare malee. ”
“ Kan gamatti jibban gamana namatti ceeti. ”
“ Kan qaban qabaa hin guunne gadi dhiisan lafa guuti. ”
“ Kan teechumatti jibban sirbaaf lafaa kaati. ”
“ Kan taa'umsatti jibban kaateti namatti ragaddi. ”
“ Kan waraanni fide lamaan wal waraana. ”
“ Karaan sobaan darban galatti nama dhiba. ”
“ Keessa keessa adurreen bineensa. ”
“ Kormi biyya alaa hin baroodu. ”
“ Miiccaan ni addeessaa; Dubbataan ni fakkeessa. ”
“ Na jaaladhuun jaalala hin taatu. ”
“ Namni dhukkubsataa manaa qabu, du'a ga'ii namaa hin oolu. ”
“ Ni fakkaata daakuun daaraa. ”
“ Ni fakkaata ilmi Abbaa. ”
“ Ofiin bultuun Nama hin jaalattu. ”
“ Oo'ee jedhanii caama aduu hin lagatan. ”
“ Ulfooftee foonif boonyaan Dorrobaa qalanii nyaachisan, Deessee aannaniif boonyan wanta elmanii obaasan dhaban. ”
“ Waraabessi ollaa hin nyaatu dhabu hagabuu hin bulu ”
“ Yoo harkaa dhaban ollaan nama hin jaalatu. ”
“ Arrabni lafee hin qabduu lafee nama cabsiti. ”